Richard Winfred Anane

Richard Winfred Anane

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Richard
Dɔgebo bebiri	12 Maakye 1954
Dɔgebo zie	Santasi, Kumasi
Kɔkɔyelii, sɛge ne bee goligoluu	Bɔrefɔ
Tonnoɔre	civil servant, Pɔleteesa, physician, health professional
Zanne la	Kwame Nkrumah University of Science and Technology
Politikal paati mɛmba	New Patriotic Party
Ŋmene bee sagediibu	Catholicism

Richard Winfred Anane (ba naŋ dɔge Maakye 12, 1954) e la physician ane Ghana pɔleteesa koroo naŋ da e Minisa ko Soe ane Sobeɛrɛ, Minisa ko Laanfeeloŋ yɛlɛ, ane begemaale die mɛmba ko Nhyiaeso gbandige a yi 1997 te tɔ 2017.

Nyɔvore Piiluu ane Ganzanne

Ba da dɔge la Anane 12 Maakye 1954 poɔ. O baa la Santasi naŋ be Ashanti Irigyiŋ poɔ. O nyɛ la o Haae Sakuuri Ganzanne Asanteman Senior High School poɔ. 1983 poɔ, Anane da nyɛ la MB CHB yi Kwame Nkrumah University of Science and Technology (KNUST) Kumasi poɔ.

Dompole

Anane da la a dɔgeta ko Hebron Clinic, Bantama sɛre kyɛ wa leɛ begemaale die mɛmba 1997 poɔ.

Politikal dompole

Anane e la mɛmba ko a wɔɔ paati. O da ŋmɛ la kyakya a 2012 Ghana gyɛneraa nuneɛ poɔ a wɔɔ paati yuori eŋɛ a di. O da nyɛ la 36,067 nuneɛre yi a 47, 535 nuuri zaa lantaa neɛ soŋ, naŋ manne ne 75.9% yi a nuuri zaa lantaa neɛ soŋ a 2012 nuneɛ eŋɛ, a wulo o yuori duobo o gbandige poɔ poɔ. Anane toŋ la cabinet-lɛvɛl vo-are yaga John Agyekum Kufuor wagere, ona da la Minisa ko Laanfeeloŋ ane Minisa ko So ane Sobeɛrɛ seŋ ana tutaa lɛ a yi 2001 te tɔ 2006.

Nuneɛ

Ba da ɛlɛte la Anane ka o e begemaale die mɛmba ko a Nhyiaeso gbandige naŋ be Ashanti Irigyiŋ poɔ, Ghana, a 2004 Ghana gyɛneraa nuneɛ poɔ. Ka o da di a wɔɔ paati yuori eŋɛ. O gbandige da paale la a begemaale die kogiri 36 na poɔ a kogiri 39 poɔ a wɔɔ paati naŋ da di ana nuneɛ na poɔ ko Ashanti Irigyiŋ. A wɔɔ paati da di la 128 begemaale die kogiri yageroŋ yi a kogiri 230 poɔ. Ba da ɛlɛte o la ne 36,307 nuneɛre yi a 46,626 nuuri zaa lantaa neɛ soŋ. A ŋaaŋ da manne ne la 77.9% yi a nuuri zaa lantaa neɛ soŋ. Ba da ɛlɛte o la kyɛ bare Eric Baah-Nuako naŋ e kataweɛ paati bie ane Kwame Appiah Boateng naŋ e Convention People's Party bie. A bama da nyɛ la 8,908 ane 1,411 nuneɛre seŋ anaŋ tutaa lɛ yi a nuuri zaa lantaa neɛ soŋ. A ŋaaŋ da manne ne 19.1% ane 3% seŋ anaŋ tutaa lɛ yi a nuuri zaa lantaa neɛ soŋ.

2008 poɔ, o da di la a gyɛneraa nuneɛ a wɔɔ paati yuori eŋɛ ko ana gbandige na ne o zu. O gbandige da paale la a begemaale die kogiri 34 na poɔ a wɔɔ paati naŋ da di yi a kogiri 39 poɔ ana nuneɛ na eŋɛ ko Ashanti Irigyiŋ. A wɔɔ paati da di la 109 begemaale die kogiri bayageroŋ yi a kogiri 230 poɔ. Ba da ɛlɛte o la ne 36,067 nuneɛre yi a 47,535 nuuri zaa lantaa neɛ soŋ. A ŋaaŋ da manne ne la 75.87% yi a nuuri zaa lantaa neɛ soŋ. Ba da ɛlɛte o la kyɛ bare Joseph Bernard Boadu naŋ e kataweɛ paati bie, Kwame Appiah Boateng naŋ e Nɔdaa paati bie, Kwaku Bonsu naŋ e Reformed Patriotic Democrats bie ane Kwame Owusu sommeŋɛ bie. A bama da nyɛ la 9,426, 1,055, 197 ane 790 nuneɛre seŋ anaŋ tutaa lɛ yi a nuuri zaa lantaa neɛ soŋ. A ama da manne ne la 19.83%, 2.22%, 0.41% ane 1.66% seŋ anaŋ tutaa lɛ yi a nuuri zaa lantaa neɛ.

2012 poɔ, o da la di la a gyɛneraa nuneɛ a wɔɔ paati yuori eŋɛ ko ana gbandige na ne o zu. Ba da ɛlɛte o la ne 45,389 nuneɛre yi a 56,558 nuuri zaa lantaa neɛ soŋ. A ŋaaŋ da manne ne la 76.21% yi a nuuri zaa lantaa neɛ soŋ. Ba da ɛlɛte o la kyɛ bare Nana Afua Anima naŋ e kataweɛ paati bie, Yaw Sekyere naŋ e Progressive People's Party bie, Emmanuel Dapaah naŋ e Nɔdaa paati bie ane Peter Boakye-Yiadom naŋ e National Democratic Party bie. A noba bama da nyɛ la 12,304, 666, 807 ane 392 nuneɛre seŋ anaŋ tutaa lɛ yi a nuuri zaa lantaa neɛ soŋ. A ama da manne ne la 20.66%, 1.12%, 1.35% ane 0.66% seŋ anaŋ tutaa lɛ yi a nuuri zaa lantaa neɛ soŋ.

Meŋɛ Nyɔvore

Anane e la kiristabie, a gɛrɛ Roman Catholic. O be la kultaa die ane biiri banaare.