Benjamin Kofi Ayeh

Benjamin Kofi Ayeh

human

Sex or gender	male
Country of citizenship	Ghana
Given name	Benjamin
Date of birth	16 Nyɔgevennebare 1962
Languages spoken, written or signed	English
Occupation	politician, accountant
Position held	Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	Ghana Institute of Management and Public Administration
Member of political party	New Patriotic Party
Religion or worldview	Christian

Benjamin Kofi Ayeh (ba naŋ dɔge 16 Nyɔgevenne 1962) e la yɛroŋ erɛ, Ghana pɔleteesa ane akantaŋ. O da e la begemaale die ayɔbo mɛmba a Ghana republic anaare eŋɛ ane a begemaale die anaare a Ghana republic anaare poɔ. O da areko la a Upper Denkyira West naŋ be a Central irigyiŋ poɔ, Ghana.

Nyɔvore Piiluu ane Ganzanne

Ba da dɔge la Benjamin Kofi Ayeh 16 Nyɔgevenne 1962 poɔ Ayanfuri naŋ be Central irigyiŋ. O nyɛ la o Charted Accountant (Ghana) Intermediate a yuoni 1986 poɔ a nyɛ o EMGL a yuoni 2008 poɔ yi Ghana Institute of Management and Public Administration. O meŋ la e la kɔlefaai kyata akantaŋ.

Dompole

Benjamin Kofi Ayeh toŋ ne la Fambenycold Limited, Accra a e a kyif nembeɛrɛ ɔfesa (CEO). O da e la begemaale die mɛmba ko a Upper Denkyire West Gbandige a Central Irigyiŋ poɔ, Ghana, a wɔɔ paati yuori eŋɛ, a begemaale die anaare eŋɛ a Ghana republic anaare poɔ, a 2004 Ghana gyɛmaa zaa nuneɛ poɔ. O e la yɛroŋ erɛ, akantaŋ ane pɔleteesa. O meŋ da la e la dɛpete bayageroŋ kyif wip.

Pɔletese

Benjamin Ayeh da la a dɛpete bayageroŋ kyif wip koroo ane mɛmba ko a wɔɔ paati.2004 poɔ, o da ŋmɛ la kyakya a Ghana gyɛmaa zaa nuneɛ eŋɛ, a wɔɔ paati yuori eŋɛ a di a kogi ko a Upper Denkyira West gbandige begemaale die mɛmba bie, a begemaale die anaare soba eŋɛ a Ghana republic anaare poɔ.

2004 Nuneɛ

A 2004 Ghana gyɛmaa zaa nuneɛ poɔ, Ayeh da nyɛ la 12,177 nuuri yi a 18,017 nuuri zaa lantaa neɛ soŋ. A ŋaaŋ da manne ne la 67.6% yi a nuuri zaa lantaa neɛ soŋ. Ba da ɛlɛte o la kyɛ bare Oduro-Bonsu Kwaku naŋ e Kataweɛ paati bie ane Thomas Maxwell Aidoo naŋ e Nɔdaa paati bie. A bama da nyɛ la 30.2% ane 2.2% seŋ anaŋ tutaa lɛ yi a nuuri zaa lantaa neɛ soŋ. Ayeh's gbandige da poɔ la a gbandigiri 16 na poɔ a wɔɔ paati naŋ da di ana nuneɛ na poɔ a Central irigyiŋ poɔ. A zaa lantaa, a wɔɔ paati da di la begemaale die kogiri 128 noɔre lantaa a begemaale die anaare poɔ, a Ghana republic anaare eŋɛ.

2008 Nuneɛ

Ba da la leɛ ɛlɛte la Ayeh ka o e begemaale die mɛmba a 2008 Ghana gyɛmaa zaa nuneɛ poɔ ko a Upper Denkyira West gbandige. A lɛ na ka o areko a gbandige a begemaale die anuu poɔ a Ghana republic anaare eŋɛ. Ba da ɛlɛte o la ne 9,339 yi a 18,183 nuuri zaa lantaa neɛ soŋ. A ŋaaŋ da manne ne la 51.36% yi a nuuri zaa lantaa neɛ soŋ. Ba da ɛlɛte o la kyɛ bare Yankey M. Ackah naŋ e Kataweɛ paati bie, George Mensah naŋ e a Democratic Freedom Party bie ane Dr. Thomas Maxwell Aidoo naŋ e Nɔdaa paati bie. A bama da nyɛ la 38.45%, 0.46% ane 9.73% yi a nuuri zaa lantaa neɛ soŋ. Ba da leɛ ɛlɛte la Ayeh a wɔɔ paati yuori eŋɛ. O gbandige da poɔ la a gbandigiri 8 poɔ a wɔɔ paati naŋ da di ana nuneɛ na poɔ a Central irigyiŋ poɔ. A zaa lantaa, a wɔɔ paati da di la begemaale die kogiri 107 noɔre lantaa a begemaale die anuu eŋɛ a Ghana republic anaare poɔ.

2012 Nuneɛ

O da ŋmɛ la kyakya a 2012 Ghana gyɛmaa zaa nuneɛ eŋɛ, ka ba da la leɛ ɛlɛte o ka o na toŋ o buyi soba a e begemaale die mɛmba a begemaale die ayɔbo soba eŋɛ, a Ghana republic anaare poɔ ko a Upper Denkyira West gbandige.

Meŋɛ Nyɔvore

Benjamin Kofi Ayeh be la kultaa die. O e la kiristabie a puoro ne Church of Jesus Christ of Latter Day Saints.