Bal

bal

Aŋa yitaalombile	lineage, unilineality
Facet of	ethnology

Bal/yiiluŋ naŋ tuuro saa pare ane Bɛlo naŋ tuuro ma pare. Bal bee yiiluŋ e la noba bee boora mine naŋ yi saaŋkompare boŋyeni kyɛ ka Bɛlo meŋ yi makommpare boŋyeni. Bal/yiiluŋ deme maŋ laŋe la doma, kyiire, dannoŋ, teŋgan-ŋmene, pɔgeya yoe ane yosegɛ kyɛ Bɛlo deme ba taa a yel-ama. Balyeni bee Bɛlo deme ba kulo taa. ŋaa wuli ka ba laŋe la zẽẽ, ba ba ogiro. A yellaŋene ama la maŋ soŋe ka bal yeni deme naŋ ba baŋ taa maŋ tõɔ baŋ taa. A bal deme zeŋe zeŋe la tenne parɛɛ poɔ. Saŋa na bal yeni noba la da maŋ laŋe zeŋe ten-yeni poɔ. Ama zenɛ, bal tɛɛtɛɛ deme zeŋe pulli la taa a tenne poɔ. Kyɛ ane a lɛ zaa, a teŋɛ maŋ taa la bal naŋ so o, ka saama wa poɔ.

clan

Aŋa yitaalombile	family
Facet of	kinship

Bal Parɛɛ

Dagaaba bal parɛɛ e la yaga kyɛ mine maŋ e la boŋyeni, a yoe la maŋ kyilli, a yi ziiri na ba naŋ be. Aseŋ Dakpaalɛ naŋ be Dakpaa ane Kpeɛlɛɛ naŋ be Nandɔm e la boŋyeni. Ka a mine meŋ maŋ taa yoe ayi aseŋ Konkyɛnɛɛ ane Donaalɛɛ.

A bal mine la ama; Sonzeelɛɛ, Gbeɛdomɛɛ, Kusielee, Nambɛgelɛɛ, Kowɛrɛɛ, Ayoree, Danteɛlɛɛ, Banyenɛɛ, Tantuolee, Manlɔɔrɛɛ, Ewaala, Mɛtoɔlɛɛ, Berewoɔlɛɛ, Bɛkoɔnɛ, Naayiree, Zagɛɛ, Wɛnyuulee, Emoɔlɔ, Gbanɛɛ, Tielee/Tiedemee, Sɛmboɔlɛɛ, Guomo, Eseɛlɛ, Balumee, Ikyielee, Namanɛɛ, Mɔnnyaala, Ganɛɛ, Goɔyɛrɛɛ, Berefoɔlɛɛ, Kpeɛlɛɛ, Bimbiilee, Eweele ane amk.

Bal meɛroŋ

Bal yeni noba la maŋ laŋe saaŋkoma boŋyeni. Ama, zenɛ noba yaga koŋ baŋ pore a ba saaŋkoma ŋa yuori, kyɛ yɛlɛ mine naŋ be la be naŋ na tõɔ soŋe te ka te bɛre bal kaŋa yi kaŋa poɔ, ka a mine la; ba tenzenna, doma, kyiire, biyoe, dannoŋ, tebɛ/ŋmemɛ ane nuuri toma.

Bal ane ba doma

Doma e la bonvuuraa bee nuulee kaŋa tɔ noba naŋ bo ka ona la daŋe faa ba sããkoma nyɔvore, ka ba pare ba pɔge. Ka ŋaa vɛŋe ka a bone ŋa e ba kaŋa. Aseŋ Banyenɛɛ doma la seɛne. Ba yeli ka zabɔge la da kara ba, ka zoro te kpɛ mɔpelaa a te gaa. Seɛmɛ naŋ da be a mɔpelaa da kore kore la a moɔ, a golle a zie zaa, a pɔge ba bɔgɔ na. A zabɔge da wa kpɛ la a moɔ a ba la baŋ benee naŋ la ka noba tu, ka ba fãã kyɛ leɛ. A doŋa ŋa la da faa ba bare.

Bal zaa taa la doma. A bal maŋ de o la ka o e ba kaŋa. Ba ba ɔɔrɔ, koora bee dɔgera o gba. Ka bannaŋ nyɛ o ka o kpi zie kaŋa, ba maŋ tu la bogi de ũũ bee ŋmaa vaare pɔge o.

Bal ane Ba Kyiire

Bal kyiiruŋ na baŋ waa la bonvore teseŋ a doma: doma zaa meŋ maŋ waa la kyiiruŋ. Ama, kyiire mine meŋ e yelba-eraa, aseŋ bal mine kyiire la nɔɔte- yeni, mine ŋmanzagelaa, peɛ poɔ saabo, bee kɛkɛpele de ŋmaa ne bone. A mine meŋ maŋ baŋ e la bombadiraa teseŋ bulee zommo.

Bal/Yiiluŋ	Doma	Kyiire	Teŋɛ
Bɛkoɔnɛɛ	Bulee zommo	ŋmanzagelaa	Nandɔm
Dakpaalɛɛ	Selgyuuni	Saalieni/Zomberemɛ	Dakpaa
Danteɛlɛɛ	Paanaa/Paaŋaa	Kɛkɛpele	Danteɛ, Boo
Kowɛrɛɛ	Zibu	Ɛbaa	Kaane, Dapuori
Gbeɛdomɛɛ	Zibu	Dãã waaroo	Teza
Kansaabɛɛ	Kokolaa	ŋmaaŋa	Kyapore, Boo
Manlɔɔrɛɛ	Kɔtɔmɔ	Gyerɛbaa	Nɔɔte-yeni
Banyenɛɛ	Seɛne	Zampoŋi	Sabuli
Donaalɛɛ	Bɔmbɔroŋ/bɔmbɔrezeɛ	Uu	Nadoli, Konkyɛne
Kusielee	Zbu	Peɛpoɔ saabo	Kuree, Sawɔle
Emoɔlɔ/Emoɔlɛɛ	ŋmanzeɛ		Kaleo
Balumee	Doɔle
Wanabiiri	Wuo
Ganɛɛ	Paaŋaa
Eyaala	Ɛbaa

Amine meŋ la a puli kyɛ

• Sozeelɛɛ
• Naayiree,
• Gbanɛɛ
• Tielee/Tiedemee
• Tantuolee
• Zagɛɛ
• Sɛmboɔlɛɛ
• Guomo
• Eseɛlɛ
• Ewaala
• Ikyielee
• Namanɛɛ
• Mɔnnyaala
• Wɛnyuulee
• Goɔyɛrɛɛ
• Berefoɔlɛɛ
• Kpeɛlɛɛ
• Bimbiilee
• Mɛtoɔlɛɛ
• Nambɛgelɛɛ

Boorͻ mine Bal ane ba Donne

Boorɔ mine bal ne ba doma

Boorɔ	Bal yuori	Dma
Ewe	Bamee	Perebo
	Lãƒe	Gbaga
	Adzɔvia	Pɛgetere
	Ɣetsoƒe	Perebo
	Amlada	Teetaa
	Ʋiƒɛme	Kurikuni
	Agave	atia wɔnee
	Dzevie	Loɔraa
	Amɛ	Baa
	Klevie	Walaa
	Bate	Loɔraa
	Tsiame Atsia	atia wɔma
	Tovie To	Mɔnaabo
	Blu Klo	Kurikuni
Asante	Asakyiri	Gyuuni
	Oyoko	Selaa
	Agona	Dakyeɛ
	Asona	Waabo/galeŋgaa
	Aduana	Baa
	Biretuo	Wɛnyuo
	Ekoɔna	Mɔnaabo
	Asenee	Zanzaŋaa
Mamprusi	Nayiri	Ɛbaa
	Tensung	Loɔraa
	Kunguri	Gbɔga/Uu
Gonja(Savanna)	Mankpan	Gbeŋni
	Kpembewura	Ɛbaa
	Bolewura	Wɔɔ
Farefare	Nabdam	Zibu/Ɛbaa
	Tongo	Zibu
Kusasi (Bawku)	Bawku	Ɛbaa
	Zebila	Kurikuni