William Ofori Boafo

William Ofori Boafo

human

Sex or gender	male
Country of citizenship	Ghana
Given name	William
Date of birth	30 Disembare 1946
Languages spoken, written or signed	English
Occupation	politician, lawyer
Position held	Member of the 6th Parliament of the 4th Republic of Ghana, Member of the 7th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	University of Ghana
Member of political party	New Patriotic Party
Religion or worldview	Christianity

William Ofori Boafo (dɔgebo bebiri la 30 Disembare, 1946) e la lɔɔyɛ ane Ghana pɔleteesa. O e la begemaale die mɛmba a are ko Akropong Gbandige naŋ be Eastern Irigyiŋ poɔ, Ghana, a 4th, 5th ane 6th begemaale dieŋ, a Ghana Republic anaare eŋɛ.

Nyɔvore Piiluu Ane Ganzanne

Ba dɔge la Boafo 30 disembare 1946. O baa la Akropong, teŋɛ kaŋa naŋ be Eastern Irigyiŋ poɔ, Ghana. O baare la University of Ghana. O nyɛ la Bachelor of Law degree yi a Yuniveniti, 1969 poɔ. O la baare la Ghana School of Law, zie o lɔɔ ganzanne naŋ gaa nimitɔɔre a yi neŋ Bakyila Lɔɔ degeree, 1970 poɔ.

O Toma

Boafo e la lɔɔyɛ. O da e la mɛmba a Onimpa Akouku ane Company.

Pɔletese Toma

Boafo e la wɔɔ paate mɛmba. O e la a 4th, 5th, 6th ane 7th begemaale die mɛmba a Ghana Republic anaare eŋɛ naŋ da na kpɛ ɔfere Gyɛnoɔre 2005 poɔ. O la leɛ are la bɔ a Akropong Gbandige begemaale die kogi a Ghana zaa gbuli nuuri neɛbo ba naŋ maŋ e a maŋ di. O na la maŋ are ko a o gbandige wanna wa tɔ zinɛ. O da e la kɔmatee mɛmba ko Defence ane interior, Standing Orders.

Nuuri Neɛbo

Ba da ɛlɛte la Boafo ka o e begemaale die mɛmba ko Akropong Gbandige naŋ be Eastern Irigyiŋ, Ghana poɔ, a o danweɛ soba a 2004 Ghana zaa gbuli nuuri neɛbo eŋɛ. O die la a Wɔɔ paate yuori eŋɛ. O gbandige da paale la a 22 begemaale die kogiri yi a kogiri 28 a wɔɔ paati naŋ da di ana nuuri neɛbo na eŋɛ a Eastern Irigyiŋ poɔ. A wɔɔ paati da di la 128 begemaale die kogiri yageroŋ yi a 230 kogiri. Ba da ɛlɛte o la ne 21,655 nuuri yi a 34,199 nuuri zaa naŋ neɛ a e 63.3% kɔɔ poɔ, a nuuri zaa naŋ neɛ soŋ. Ba da ɛlɛte o la kyɛ bare Ohene Nyarkoh PNC bie, Richie Agyemfra-Kumi Kataweɛ paati bie, Kwabena Awuku-Lokko CPP ane Ronni Nanan Esi Botsio sommeŋɛ bie. Ba nyɛ la 0%, 28.9%, 3.7% ane 4% seŋ anaŋ tutaa lɛ, a nuuri zaa naŋ neɛ soŋ.

2008 poɔ, o da di la a yaga zaa nuuri neɛbo a wɔɔ paati yuori eŋɛ, a ko a gbandige na ne o zu. A o gbandige da paale la a 19 begemaale die kogiri yi a 28 kogiri a wɔɔ paate naŋ da di ana nuuri neɛbo na eŋɛ, a Eastern Irigyiŋ poɔ. A wɔɔ paati da di la 109 begemaale die kogiri bayageroŋ yi a 230 kogiri. Ba da ɛlɛte o la ne 20,245 nuuri yi a 34,350 nuuri zaa naŋ neɛ soŋ a e 58.94% kɔɔ poɔ, a nuuri zaa naŋ neɛ soŋ. Ba da ɛlɛte o la kyɛ bare Hawa Isaka PNC bie, Anthony Gyampo kataweɛ paati bie, Augustus Osae-Akonnor CPP bie ane Samuel Apenteng sommeŋɛ bie. Ba nyɛ la 0.85%, 30.64%, 6.75% ane 2.82% kɔɔ poɔ seŋ anaŋ tu taa lɛ, a nuuri zaa naŋ neɛ.

Meŋɛ Nyɔvore

Boafo be la kultaa die ane bie. O e la kiristabie (Presbyterian).