Teɛre Tulimo Te Kyaare Ne Kambali

Teɛre Tulimo Kyaare ne Kambali : Noba yaga zie be Wa naa paaloŋ kyɛ, a ba baŋ Kambali kyɛ ka be youri duoro kpaŋkpaŋ. Kambali e la a nimizi - yiri kaŋa a Wa poɔ. Noba yaga zeɛ maŋ manne la Kambali ka bi-faare yiri la (nannyigiri, zɔɔzɔɔreba, amk ). Maa Alhaji Yakubu na yeli ka a teɛroŋ ama noba naŋ taa ba yelmeŋɛ te baare kyɛ a ba la e zirii meŋ. Nembɛrɛ maŋ yele ka ; boɔ ne o boteɛne, yele ne o yele meŋɛ. Yiri zaa naŋ baara maŋ taa la fɛrre mine naŋ bulo yiri a baabo poɔ te seŋ nannyigiri, pɔge bilii potaa, fafaabo ane amine. Zie naŋ yuo zuiŋ saama naŋ maŋ beɛre ba zɔmmene wa kambali, saŋa kaŋa maŋ baŋ e la bifaare mine naŋ maŋ tasoga toŋ a tonfaare ama mine kyɛ a kambali poɔ, ka ba naŋ wa nyɔge o soba, ka o ŋma ziiri ka a be ka o yi.

A yɛlɛ entole zie yi la, neɛ naŋ maŋ baŋ te zu boma ka nɔge o teŋa kaŋa kyɛ ka o pole,a ŋma zirii ka Kambali ka yi kyɛ yi tenyuo. Bonso noba teɛre ka be ka bifaare yaga kpeɛrɛ. (A yelluŋ ba e yelmeŋɛ ). A yi zine neɛ zaa naŋ kanne N sɛgre seŋ ka o baŋ ka Kambali e la yi forifori paale o taabo poɔ.