Samuel Johnfiah

Samuel Johnfiah

nensaala

Dɔɔ bee pɔge bee dɔgebo	dɔɔ
Yo-ennaa bee yoporaa	Samuel
Dɔgebo bebiri	9 Sentɔmbare 1952
Dɔgebo zie	Western irigyin
Tonnoɔre	Pɔleteesa, manager
Voaraa	Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, begemaale die ata mɛmba ko a Ghana republic anaare
Zanne la	University of Ghana, Ghana Institute of Management and Public Administration
Politikal paati mɛmba	New Patriotic Party
Ŋmene bee sagediibu	Kiristaaloŋ

Samuel Johnfiah (ba naŋ dɔge 9 Sentɔmbare 1952) e la Ghana pɔleteesa naŋ da e begemaale die mɛmba ko a Ahanta West gbandige a begemaale die anuu poɔ a Ghana republic anaare eŋɛ.

Nyɔvore piiluu ane Ganzanne

Ba da dɔge o la 9 Sentɔmbare 1952 poɔ. O baa la Hotopo naŋ be Western Irigyiŋ poɔ, Ghana. O nyɛ la o National Diploma Gyɛneraa Dagerekɔlkya poɔ yi University of Ghana 1984 poɔ. O meŋ la nyɛ la o Executive Masters in Governance & Leadership (EMGL) yi Ghana Institute Management and Public Administration 2008 poɔ.

Dompole

Sɛre ka o na leɛ begemaala, ona da la a Dɛpete gyɛneraa maneŋgya ko Ahantaman Rural Bank.

Pɔletese

O politikal dompole piili la 2001 poɔ saŋa na onaŋ da wa di a 2000 Ghana Gyɛneraa Nuneɛ ka ba da so o eŋ 7 Gyɛnoɔre 2001 eŋɛ. Ona da la a begemaale die mɛmba naŋ areko a Ahanta West gbandige a begemaale die anuu poɔ a Ghana republic anaare eŋɛ.

Ba da ɛlɛte o la a 2008 Ghana gyɛneraa nuneɛ poɔ ne 20,871 nuneɛre yi a 38,798 nuuri zaa lantaa neɛ soŋ, naŋ manne ne 53.8%. Ba da ɛlɛte o la kyɛ bare Joseph Jones Amoah naŋ e kataweɛ paati bie, Comfort Amoo naŋ e Democratic Freedom Party bie ane David Oscar Yawson naŋ e Nɔdaa paati bie. A bama da nyɛ la 24.21%, 4.61% ane 17.38% seŋ anaŋ tutaa lɛ yi a nuuri zaa lantaa neɛ soŋ.

O lee la a kogi eŋɛ a 2012 Ghana gyɛneraa nuneɛ poɔ ko George Kwame Aboagye naŋ yi a kataweɛ paati. O e la wɔɔ paati mɛmba.

A yuoni 2000 poɔ, Johnfiah da di la a gyɛneraa nuneɛ a e a begemaale die mɛmba ko a Ahanta West gbandige naŋ be a Western Irigyiŋ poɔ, Ghana. O da die la a wɔɔ paati yuori eŋɛ. O gbandige da paale la a begemaale die kogiri 9 na poɔ yi a kogiri 19 poɔ a wɔɔ paati naŋ da di ana nuneɛ na poɔ ko a Western Irigyiŋ, Ghana. A wɔɔ paati da di la begemaale die kogiri 99 yageroŋ yi a kogiri 200 poɔ.

Ba da ɛlɛte o la ne 16,478 nuuri lantaa neɛ soŋ. A ŋaaŋ da manne ne la 60.90% yi a nuuri zaa lantaa neɛ soŋ. Ba da ɛlɛte o la kyɛ bare William Cudjoe S. Kingsford naŋ e kataweɛ paati bie, Joseph A. Eddie Mensah naŋ e Nɔdaa paati bie, Joseph Kweku Arthur naŋ e People's National Convention bie, Eva Parker naŋ e National Reformed Party bie ane Joseph Jones Amoah naŋ e United Ghana Movement bie. A bama da nyɛ la 8,107, 1,358, 509, 416 ane 170 nuneɛre yi a nuuri zaa lantaa neɛ soŋ seŋ anaŋ tutaa lɛ. A ama da manne ne la 30.00%, 5.00%, 1.90%, 1.50% ane 0.06% seŋ anaŋ tutaa lɛ yi a nuuri zaa lantaa neɛ soŋ.

Meŋɛ Nyɔvore

Johnfiah be la kultaa die ane biiri bayoɔbo. O e la kiristabie, a e Methodist Church mɛmba.