Nimi Kyaana

Nimi Kyaana e la boŋkaŋa nensaala naŋ maale o a maŋ de eŋ page ba nimie. Wɔrababre ka ba kyili mare taa a dɛnne a ka a maŋ taa kyaana a maŋ lagere pɔge a nimi-gbulo sere kyɛ meŋ taa nuuri a maŋ pare a toseere eŋɛ ka o tɔɔ foro lere.

A Nimi Kyaana Parɛɛ mine la a ama

Nensaala maale a la ka a taa tɛɛtɛɛloŋ mine te seŋ bɛrɛ a nembɛrɛ maŋ ennɛ a ana, bilii ka bibiiri meŋ maŋ ennɛ a ana meŋ. A yi a lɛ puoriŋ meŋ, ba maŋ la maale a la ka dɔbɔ taa ba demɛ ka pɔgeba meŋ taa ba demɛ. A parɛɛ mine la ama;

Pɔloo Nimi Kyaana

A ŋa la ka bipɔlɔ ne a pɔgesarre maŋ eŋ ka a tõɔ ŋmɛ kyakyapɔnne mine poɔ ba enfuoni poɔre. A Nimi Kyaana ŋa tɔnɔ la ka a ŋmaa veɛloŋ ka a eŋ ba enfuoni poɔ. Gbɛɛ yaga ba maŋ eŋ a la ka ba naŋ wa gɛrɛ zikyaane bee lambo mine zie.

Zɔnne bee Dɔɔta Nimi Kyaana

A nimi kyaana ŋa tɔ ba bonnɔ e noba zaa boma. O yɛlɛ waa la tuo bonso o toma la neɛ naŋ taa nimie baaloŋ, neɛ naŋ kombaŋ nyɛ togitogi (zɔŋa). Gbɛɛ yaga ka fõõ na baŋ nyɛ a nimi kyaana na seŋ ka fo gaa Asibiti ka dɔɔtare te kaa a fo yɛlɛ ka ana seŋ ka ba ko, ka ba ko fo ka fo maŋ eŋ a tõɔ nyɛre fēēfēē.