Mui Koɔbo

Mui Koɔbo; Mui e la bombie mine kaŋa na be a teŋɛ zu kyɛ ka noba maŋ kɔ, ka a e bondirii ko ba. Dagaaba laŋkpeɛbo poɔŋ mui ba e mɔlɔ, a koɔbo waa la tuo. Ba maŋ daŋ te maale la a zie, kyɛ pãã gaa piili a koɔbo, ka ba naŋ wa kɔ baare a pɔgeba ma gaa bore la kyɛ kyɛllɛ ka saa mii eŋ ka a bulli.

Mui Moɔ Dɔɔbo

A mui ama bulibo puoriŋ, ba maŋ kpɛ dɔ la moɔ na zaa naŋ buli a poɔŋ. Ba maŋ leɛ kpɛ vɔ la moɔ a poɔŋ saŋa na sabɛrɛ na maŋ wa te waana kyɛ ka moɔ meŋ buli a mui poɔ a ba korɔ a vuo ka saseɛ na ŋmeɛrɛ kpeɛra a ka a na e soŋ.

Mui parɛɛ Mine

Mui taa la parɛɛ mine Dagaaba koɔbo poɔŋ.

• Kyɛ kyi kyɛ fɔre.

• Mu-meŋɛ.

Mui Koɔbo Tona

Mui koɔbo taa la tona yaga ko Dagapaaloŋ deme zaa na koɔrɔ mui. Ana la;

• A ma soŋ la ka koɔreba mine yɔɔ ba samma na ba naŋ di a koɔbo saŋa.

• Gbɛɛ yaga bondiiri ma bebe la

• Neɛ naŋ baŋ koɔre la a mui mine a nyɛ libie.

Mui Koɔbo Faaloŋ

Mui koɔbo meŋ na taa la faaloŋ mine ko Dagapaaloŋ deme.

• Gbɛɛ yaga a maŋ waana ne la sama ba poɔ.

• A koɔbo meŋ waa la tuo.

• Gbɛɛ yaga a koɔrebo ma waa la tuo meŋ a koɔreba mine.

• A meŋ na baŋ ko la neɛ baaloŋ bēē neɛ naŋ baŋ nyɛ la baaloŋ a yi a mui diibu bēē a koɔbo poɔŋ.