Kofi Frimpong

Kofi Frimpong

human

Sex or gender	male
Date of birth	17 Gyɔɔne 1951
Place of birth	Ntonso
Occupation	businessperson, politician
Position held	Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	University of Ghana
Religion or worldview	Christianity

Kofi Frimpong (ba naŋ dɔge 17 gyoone 1951) e la yɛroŋ erɛ ane Ghana pɔleteesa. O da e la begemaale die mɛmba naŋ areko Kwabre East gbandige naŋ be Ashanti Irigyiŋ poɔ, Ghana, a 4th,5th ane 6th begemaale die poɔ a Ghana republic anaare eŋɛ. O e la wɔɔ paati mɛmba.

Nyɔvore Piiluu ane Ganzanne

Ba da dɔge la Frimpong 17 gyoone 1951 poɔ. O baa la Ntonso, teŋɛ kaŋa naŋ be a Ashanti Irigyiŋ poɔ, Ghana. O e la University of Ghana (UG) sakuuri bie. O taa la Art bakyila degeree Sociology ane Political Science eŋɛ yi a yuniveniti. O nyɛ la a degeree ŋa 1978 poɔ.

Dompole

Frimpong e la yɛroŋ erɛ. Ona da la a managyiŋ daarɛɛta ko Bakota Medical Technology Limited Kumasi poɔ. A ŋaaŋ da eɛ la sɛre kyɛ ka o da wa bɔ a politikal ɔfere 2004 poɔ.

Politikal dompole

Frimpong e la mɛmba ko a wɔɔ paati. O da leɛ la begemaale die mɛmba a yi gyɛnoɔre 2005 saŋa na o naŋ da wa di a gyɛneraa nuneɛ Disembare 2004 poɔ.O da la arɛɛ la gbɛre buyi zaa a di. Ona da la a MP ko a Kwabre East gbandige. Ba da ɛlɛte o la ka o e begemaale die mɛmba ko o gbandige a 4th, 5th ane 6th begemaale die poɔ a Ghana republic anaare eŋɛ.

Nuneɛ

Ba da ɛlɛte la Frimpong ka o e begemaale die mɛmba ko a Kwabre East gbandige naŋ be a Ashanti Irigyiŋ poɔ, Ghana, a fɔrɔ soba eŋɛ a 2004 Ghana gyɛneraa nuneɛ eŋɛ. O da die la a wɔɔ paati yuori eŋɛ. O gbandige da poɔ la a begemaale die kogiri 36 yi a kogiri 39 na poɔ a wɔɔ paati naŋ da di ana nuneɛ na poɔ ko a Ashanti Irigyiŋ. A wɔɔ paati da di la begemaale die kogiri yageroŋ noɔre lantaa naŋ e 128 yi a kogiri 230 poɔ. Ba da ɛlɛte o la ne 42,094 nuneɛre yi a 51,871 nuneɛre zaa lantaa neɛ soŋ. A ŋaaŋ da manne ne la 81.2% yi a nuuri zaa lantaa neɛ soŋ. Ba da ɛlɛte o la kyɛ bare Augustine Yeboah Domfeh naŋ e kataweɛ paati bie ane Agnes Donkor naŋ e Nɔdaa paati bie. A bama da nyɛ la 8,906 ane 871 nuneɛre seŋ ana tutaa lɛ yi a nuuri zaa lantaa neɛ soŋ. A ama da manne ne la 17.2% ane 1.7% seŋ anaŋ tutaa lɛ yi a nuuri zaa lantaa neɛ soŋ.

2008 poɔ, o da di la a gyɛneraa nuneɛ a wɔɔ paati yuori eŋɛ ko ana gbandige na ne o zu. O gbandige da poɔ la a begemaale die kogiri 34 poɔ yi a kogiri 39 na poɔ a wɔɔ paati naŋ da di ana nuneɛ na poɔ ko a Ashanti Irigyiŋ. A wɔɔ paati da di la bayageroŋ begemaale die kogiri noɔre lantaa naŋ e 109 yi a kogiri 230 na poɔ. Ba da ɛlɛte o la ne 41,454 nuneɛre yi a 54,517 nuuri zaa lantaa neɛ soŋ. A ŋaaŋ da manne ne la 76.04% yi a nuuri zaa lantaa neɛ soŋ. Ba da ɛlɛte o la kyɛ bare Bismark Adu-Asere kataweɛ paati bie, Zacharia Awuah naŋ e Democratic Freedom Party bie ane Alice Duah Boateng naŋ e Convention People's Party bie. A bama da nyɛ la 10,824, 555 ane 1,684 nuneɛre seŋ anaŋ tutaa lɛ. A ama da manne ne la 19.85%, 1.02% ane 3.09% seŋ anaŋ tutaa lɛ yi a nuuri zaa lantaa neɛ soŋ.

2012 poɔ, o da di la a gyɛneraa nuneɛ la maale a wɔɔ paati yuori eŋɛ ko ana gbandige na ne o zu. Ba da ɛlɛte o la ne 62,048 nuneɛre yi a 82,377 nuuri zaa lantaa neɛ soŋ. A ŋaaŋ da manne ne la 75.32% yi a nuuri zaa lantaa neɛ soŋ. Ba da ɛlɛte o la kyɛ bare Fatao Iliyasu naŋ e kataweɛ paati bie, Zacharia Awuah naŋ e Progressive People's Party bie ane Edward J.B Danquah sommeŋɛ bie. A bama da nyɛ la 17,521, 1,284 ane 1,524 nuneɛre yi a nuuri zaa lantaa neɛ soŋ. A ama da manne ne la 21.27%, 1.56% ane 1.85% seŋ anaŋ tutaa lɛ yi a nuuri zaa lantaa neɛ soŋ.

Meŋɛ Nyɔvore

Frimpong e la kiristabie. O e la Seventh-Day Adventist. O be la kultaa die ane biiri pie.

Muuli kyɛ meŋɛ nyɛ

• https://en.wikipedia.org/wiki/List_of_MPs_elected_in_the_2004_Ghanaian_parliamentary_election
• https://en.wikipedia.org/wiki/List_of_MPs_elected_in_the_2008_Ghanaian_parliamentary_election
• https://en.wikipedia.org/wiki/List_of_MPs_elected_in_the_2012_Ghanaian_parliamentary_election