Gbare

Gbare e la teŋe kaŋa naŋ be Jirapa paaloŋ poɔ, upper west Regions.

Lige Kpeɛbo

pɔgekpoŋ la ka Dagaaba maŋ lige. Ka pɔge kpoŋ beɛrɛ ka biiri ba  la baŋ na o tɛge baara ba na baŋ gaa yeli ko la a saayideme ka ba wa nyɛ. Bone na ba naŋ ligre la ka ba maŋ de. Nɔsɔglaa ane kɔɔre ayi e la saanaa boma ka banaŋ wa toɔ yeli ko a saayideme kyɛ ka o kpi. Noba bayi la maŋ dɔɔ kyɛ ka a noɔ be ba sɔgɔ poɔ. Kaŋa zaa na maŋ voɔ la a noɔ zu kɔɔloŋ gbɛre bonaare kyɛ ka kaŋa de a noɔ gɔlle ne a die gbɛre bonaane kyɛ saana wa vo ko. A pɔge diganaa poɔ la ka a yɛlɛ maŋ toŋ. Ka a kūū ma dɔgraa naŋ wa bebe, ba ba kpeɛrɛ die tona a toma bonso a kūū naŋ ba taa die. Ba maŋ kyeɛ la a kuu seŋ a kpɛ toŋ ne a toma. A lɛ puoriŋ, ba maŋ la yi te tiili la a sɛŋ kyeɛ na ba naŋ kyeɛ a paalaa poɔ. A ma puoriŋ ka ba pãã nyege a sɛŋ.

Kūū Ūūmu

Bog-karaa kaŋa maŋ be la a bogi poɔ a wuli lɛnɛɛ ba naŋ na gaale a kūū velaa. Dɔɔ niŋe maŋ kyaare la sapare seŋ, ka pɔge niŋe kyaare saniŋe seŋ (luou).

BOGI PARƐƐ

*Bogi suglee bee sɔglaa

*Bogi tolaa bee tolee

*Bogi wɛraa

*Daga bogi

Bogi- Suglee

A bogi ŋa tɔ kūūfaa ba kpeɛrɛ a poɔ. A paaloŋ zaa bogi la bonso neɛ kaŋ zaa neɛ na baŋ la a be. A bogi ŋa tɔ la ka noba maŋ kpɛ. Ba maŋ iri la nɔsɔglaa, ŋmantum, tɛmpɛloŋ ane koɔ. A boma ama la ka ba maŋ de kaale ne kyɛ populi a bogi tuubu. Noba naŋ tuuro a bogi ŋa ba taa sori ka ba yeli ka a zie waa la kpeɛŋaa. Fo maŋ baŋ ka ɛbaa la kyɛ yeli ka dakpiri. A ŋmantum noɔre naŋ seŋ a lɛ ka a o na ga nyɔge nɔbilii wa ne ka maale a bogies kpɛ sɔwɔlɔ.

Bonso Bogi kpeɛbo

(1) Ka neɛŋ ba kpɛ ba bogi kyɛ tɔ bogi tane o na moole la lɛɛ te kpi

(2) Ka bogi kpeɛreŋ kpɛ zee toloŋ poɔ kyɛ yeli zaa ba erɛ o soba.

Bog-tol

A bogi ŋa tɔ a soba la maŋ eŋ noɔre ka ka onaŋ wa kpi ka bs tu bogi suglee o. O tɔ ba e bogi suglee noba naŋ na kpɛ.

Bogi wɛraa

Bogi- wɛraa la bogi ba naŋ maŋ deɛ tu lɛ kūū

Daga -bogi

Daga- bogi e la daga noba naŋ de ne kūū

GBARE TENDAANA KUORI MAAALOO

Ka Tendaanaŋ wa kpi, ba maŋ gaa la a teɛpare te pɔre sɛre ka ba baŋ koŋ a kuori. Ka banaŋ wa ko a nɔlee ka o pegi pegi te leɛ popelaa. Lɛ wuli ka ba na koŋ la; kyɛ ka a nɔleeŋ wa vɔgle muru kpi ba na boge la bage nyɛ a saanaa. Ka anaŋ ba wa seŋ ka ba koŋ, ba na de la gbili lɛ kyɛllɛ ka neŋkpoŋ kaŋa wa kpi ka ba de fɔɔmare koŋ.

Naŋkpaana kuori maaloo.

Naŋkpaanakuori zie, ba maŋ biŋ la wɛdonne eelɛ a paalaa pare. Malfare meŋ maŋ biŋ la kyɛ ka ba de kaŋa eŋ o nu poɔ bee a pare o bɔga zu. Ba maŋ la leŋ la naŋkpaa-nɔlee (noɔ ). A naŋkpaama bayi maŋ ŋmɛ nyɛre la kyɛ ka a naŋkpa-kpoŋ paa ŋmɛ a noɔ ko.

Dakoɔre kuori Maaloo

Dakoɔre ba taa neɛ ka o na de o ganaa. Ba maŋ la dakoɔre ea de o nubiri su o parebogiŋ bare bonso o ba taa/ bare nyeɛne kyɛ gaa o daparedaa. Neɛ meŋ naŋ de pɔge kyɛ ba taa nyeɛne, lɛ ka ba maŋ e o soba meŋ.

Sobie Dagaaba naŋ maŋ e baŋ kuu kpeɛŋaa naŋ ko

1. Sɛŋ sooroo

A kuu maŋ naŋ baŋ be la a paalaa zu kyɛ ka ba de sɛŋ a ŋmaa gaa daa bili ne ka noba bayi tuo ka o te wuli neɛ bee bone naŋ ko a kuu.

2. Kɔntɔmbaha bee Kɔntɔmbɔlaa

Tensoge la ka a yɛlɛ maŋ e. A kuu yideme maŋ gaa la a kɔntɔmboɔlaa soba zie ka o te boɔle a kpeemɛ nenseɛ, ka omeŋɛ wa wuli bone na kuu naŋ la ka o kpi. Ka neɛ la bee ka omeŋɛ yelboɔre la.

Kuu uumu yeltarre mine

- Ka banaŋ no kuu ka nemboŋkaŋa guri o gbɛbiri bee nubiri bee a de o daŋgbale kyɔge ba teŋɛ a kuu koŋ sigi a bogi. Ka onaŋ sigi meŋ, kyɛ ba koŋ toɔ o maaleŋ gaale.

- Nembɛrɛ maŋ kaa la a bogi poɔ sɛre ka ba ga a tɛne pɔge, ba na toɔ faa la se- foɔŋ deme seere na faa me a bogi poɔ. Amine kaŋ meŋ, a noba naŋ no a kuu na baŋ de la a danyagre kaŋa kɔge a kuu ka a lɛ wuli ka a yeŋɛ nembɛrɛ na kpiire la kyɛ korɔ taa a te baare.

Aremine bee saayideme maŋ sigi te nyɛ la ba neɛ na banaŋ gaale lɛ, ka banaŋ ba gaale o soŋ, ka ba yeli ksa ba maaleŋ gaale.

Ko-dɔɔ bee ko- pɔge yeltuuri

>Sobikyara poɔ la ka ba maŋ goɔ kodɔɔ bee kopɔge yagraa.

> Ka banaŋ wa gaŋ ko- yeŋ ka zie wa nyaana, a neɛ na naŋ eŋ a ko- dɔɔ bee ko- pɔge ganaa na gaa seŋ la a ko-dɔɔ bee ko-pɔge. Pɔgeyaare na naŋ e saabiiri maŋ ori gaa de la kyi ane nɔtuo a yidaandɔɔ zie a gaa gyieri ne a nɔtuo. A yidaandɔɔ na zie ba naŋ na gaa de a kyi maŋ baŋ ne a la. A nɔtuo wuli la ba ba tɔ dɛgre zaa.

Baa koɔ sobu

Ka banaŋ wa haŋ a ko- yeŋ iri, neɛ na naŋ eŋ a ganaa la maŋ de weɛŋ ka a kodɔɛ bee kopɔge tuuro ka a ba kyɛlɛɛ na meŋ tuuro. Ka banaŋ wa ta a baa, a weɛŋ soba na ɔŋ la a koɛ kyuuri a kodɔɔ bee kopɔge bota bee bonaare kyɛ ka kaŋa zaa paa suoro. Lɛ ba naŋ kyɛŋ sigi a baa lɛ ka ba naa la kyɛŋ kuli.

Nyɛɛroo

Ka banaŋ wa yi a baa kuli te ta, a saabiiri pɔgeyaa kaŋa na zeŋ la kuzeɛzu kyɛ de a zɔŋ a koɔ naŋ be, ka naazoore wa mata.Ka onaŋ wa toɔ a naazoɔ kaŋa va eŋ a zɔŋ a koɔ poɔ wuli ka ka seɛ wa nyu la a koɔ. A puoriŋ ba maŋ nyɔge la a kopoge nu te tuŋ bugo poɔ. Lɛ wuli ka ba na baŋ tuŋ la bugo.

>  Kyiiruŋ la ka neɛ gaŋ kopɔge gbɛre.

> Ziiri mine kopge maŋ su la kparepuori.

>Kopɔge maŋ taa la gbɛgballa. Ka onaŋ na eŋ nɔɔteɛ kyɛ o maŋ eŋ la nɔɔte tulimo.

> Kopɔge maŋ kyɛnnɛ la kyɛ taa kɛkɛpelaa o nu poɔ.

> Amine kaŋa, ba maŋ poŋ la o zu kɔɔloŋ bare.

Kodaa tuo ane daa maaroŋ dogebo.

> Kopɔge plane ŋmaroo wuli ka a o serɛ naŋ kpi wa ta a lɛ daare o ba baŋ dɔɔ.

Bonso Ka Te Maŋ Maale kuori

1 Ka ka te beɛle o eŋ sori poɔ

Ka kpeemɛ naŋ guuro te zuiŋ

Ka te leɛ teɛre a kpeemɛ yɛlɛ

Kuori maaloo e la te saakompare yeltuuri

Ka kopɔge leɛ nyɛ serɛ kuli

La te wuli te nɔmmo ne gyeremɛ naŋ seŋ lɛ ko a kuu

Ka ka kuu seɛ toɔ ta a daparedaaa.

Gbare palooŋ Doma

Doma e la Dagaaba lammogroŋ kanyɛfɛroŋ poɔ,teŋɛzu bonvore kaŋa naŋ daŋ faa bal kaŋa saakommine nyɔvɔɛ bee a maale ba,ka ba paa nyɔge a bonvore na tage bege ka o waa ŋa ba seɛ bee ba kaŋa . Kyiiruŋ la ka neɛ ko bee ɔɔ o doma. Doma zaa waa la kyiiruŋ kyɛ kyiiruŋ zaa ba wa Doma.

Donaaleɛ- zib/bɔmbɔroŋ