Daniel Botwe

Daniel Botwe

human

Sex or gender	male
Country of citizenship	Ghana
Name in native language	Daniel Kweku Botwe
Given name	Daniel, Dan
Family name	Botwe
Date of birth	26 Fɛreboɔre 1958
Place of birth	Abiriw
Languages spoken, written or signed	English
Occupation	politician, software engineer, business executive
Educated at	Kwame Nkrumah University of Science and Technology, Kumasi Academy, Achimota School
Work location	Accra
Member of political party	New Patriotic Party
Candidacy in election	2020 Ghanaian parliamentary election
Religion or worldview	Christianity

Hon. Daniel Kwaku Botwe Ba dɔge o la 26 Fɛboɔre 1958 yuoni poɔ,o e la Ghana pɔletese. O e la begemaala naŋ are ko a Okere vooten lombori naŋ be a Eastern region teŋa poɔ a Ghana poɔ. O e la gɔmmenɛnte kpambeɛ naŋ kaara Irigyin lantaa yɛlɛ ane a o maaloŋ ane minista naŋ kaara Local Government, Decentralization aneŋ Rural Development a ko a Nana Akufo Addo dendɛŋ ane a ayi soba a ɔfere poɔ. O e la a wɔɔ paati bikpeɛŋaa.

O Nyɔvore Piiloŋ aneŋ O Sakuu

Ba dɔge o la 26 Fɛboɔre 1958 yuoni poɔ a yi Eastern Irigyin teŋɛ naŋ be a Gaana poɔ. O yi la Abiriw Akuapem. O da piilee o sakuuri a Presbyterian paramare ane o sakuuri soga gaabo a yi Mabang naŋ be Ahafo-Ano distriki Ashanti Irigyin poɔ ako o paramare sakuuri zannoo. O da nyɛ la gama mine ba naŋ boɔla GCE ordinary level satifikate a yi Kumasi Academy ane o GCE advanced level certificate a 1977 yuoni poɔ a yi Achimota sakuu poɔ. O da nyɛ la sore a da kpɛ sakuu kpoŋ ŋa ba naŋ boɔla KNUST be ka o da zanne a yineŋ Bachelor a ko Science degree a kɔmpiita science.

O Toma

A 1985 yuoni poɔ o da nyɛ la toma a yi Gaana Cocoboard a tona Computer Analyst toma. O da toŋ la a zie ŋa a wɔ tɔ a 1993 yuoni poɔ, wagre ŋa oŋ wɔ kpɛ someŋa toma. Ba da ire o la ka o e director ako Danmaud Limited, someŋa toma zie kaŋa naŋ be Accra poɔ.

O Naakoɔ̃ Nyɔvore

O da naŋ be la a KNUST kyɛ ka ba da iri o ka o e gansegrɛ ako National Union of Gaana Sakuubiiri, a yi 1982 yuoni a te tɔ 1983 yuoni poɔ. O iribu ŋa da tuori la kpaŋkpaŋ kpeɛŋu paati ŋa ba naŋ boɔla Provisional National Defense Council. Ba da yele ka o tontonne aneŋ o eroŋ da ba waana neŋ ziŋlaaŋfeɛ. A zuiŋ ba da nyɔge o la aneŋ Gaana nuba mine da te pɔge a Ivory Coast paaloŋ poɔ. O da leɛ wa la Gaana a wɔ tona computer analyst a Gaana Cocoa board a yi 1993 yuoni a te tɔ 1995 yuoni poɔ sɛre oŋ da leɛ gaa someŋa toma kaŋa zie.

O da arɛɛŋ a da di a wɔɔ paati vooten kyaakyaa a da leɛ gaŋsegrɛ ako a wɔɔ paati a 1998 yuoni poɔ. O da e la neɛ naŋ da soŋ ka a John Agyekum Kufour da leɛ a Gaana paaloŋ yidaandɔɔ a 2000 vooti kpoŋ yuoni poɔ. O toŋ la ziiri yaga a wɔɔ paati poɔ, a mine la National treasurer of youth wing ako a wɔɔ paati aneŋ director of operations aneŋ research a ko a national headquarters

A paaloŋ yidandɔɔ Nana Akufo Addo da bigri o la ka o e la Heavy Hitter aneŋ Political Weight, aneŋ oŋ toɔŋ iri a wɔɔ paati a yineŋ naakɔŋ poɔ a waneŋ naaŋ poɔ a 2001 yuoni poɔ.

O Begemaale Leɛo

O da are la a begimaale vooten ako Okere vooten lombori a 2008 vooten yuoni poɔ a yi wagre ŋa neɛ naŋ da areko a Okere vooten lombori ŋa ba naŋ boɔla Brandford Kwame Daniel Adu naŋ da yele ka o yɛŋ sigi a kogo zu. O da nyɛ la vootere 11,974 a yi 19,684 a vootere zaa de lantaa, kɔɔ poɔ aŋ da e 60.8% a vootere zaa poɔ. O da di la a kogo a da e begemaale paala a begemaale die poɔ. O da gaa la nimitɔɔre a lɛ di a kogo a begemaale vooten a 2012, 2016 aneŋ a 2020 vooten yomo poɔ.

O da e la a majority chief whip a begemaale die naŋ e ayoɔbo soba a yi 2013 a te tɔ 2017 yuoni poɔ. Oŋ wɔ e begemaala, o toŋ la baabo toma a vooten lombori ŋa poɔ ziiri yaga. O da eŋ la noɔre ka o na soŋ la bɔl-ŋmɛ lambo ba naŋ boɔla Dream FC naŋ e a Gaana premiere league team ŋa naŋ ŋmeɛrɛ ba yiri game a Dawu teŋa naŋ be a o vooten lombori.

O Gaana Paaloŋ Yidandɔɔ Teɛroŋ

O da arɛɛ a 2007 yuoni poɔ wɔɔ paati vooten ako a paaloŋ yidandɔɔ. Ba da e la a vooten ŋa ka ba ire neɛ naŋ na are a John Agyekum Kufour gbɛboreŋ a yi wagre ŋa oŋ da toŋ o toma baare. Noba pie aneŋ bayoɔbe da ari poɔ Botwe.

A vooten ŋa da e la Accra poɔ a 22 disembare 2007 yuoni poɔ. O da nyiraŋ ka neɛ naŋ seŋ neŋ ka o areko a paaloŋ yidandɔɔ e bipɔlee kyɛ ta e Retirement Package ako nennyaane. O da leŋ kyɛ ka Nana Akufo Addo da di

O Gɔmmenɛnte Kpaŋbeɛ Naŋ Kaara Duoro

A yi 2000 a te tɔ 2007 yuoni poɔ, o da e la gɔmmenɛnte kpambeɛ naŋ kaara duoro toma a John Agyekum Kufour naaŋ poɔ. O naŋ da deɛ Kwamina Bartels

O Gɔmmenɛnte Kpambeɛ Ako Regional Reorganization

A mɛnoɔre 2017 yuoni poɔ, Nana Akufo Addo da ire o la gɔmmenɛnte kpambeɛ ka o kaara toma ŋa zie o naŋ da ŋmaa ka ba boɔla Ministry of Regional Re-organization and Development

O Gɔmmenɛnte Kpambeɛ Naŋ Poɔ A Gɔmmenɛnte Yelnyɔgraa Zaa Poɔ Toma

A Mɛnoɔre 2017 yuoni poɔ, Nana Akufo Addo da ire o la ka o poɔ a 19 gɔmmenɛnte kpambeɛre poɔ. Ba da de la a 19 ministare yoe zaa da gaa neŋ a begimaale die, ka a neŋkpoŋ naŋ be a begimaale die poɔ ka ba boɔla Rt Hon Prof Mike Ocquaye da yele ko a begimaaleba zaa naŋ be a begimaale die poɔ.

O Meŋa Nyɔvore

O de la pɔge a taa biiri bata. O e la kristabie a Presbyterian church Poɔ