Yelwiiraa naŋ kyaare ne suuri
Kūū ba koora/ɔ ɛɛloo
Kūū ba koora/ɔ baaŋa
Kūū ba koora/ɔ nenfaa
A na wa yele nembeo
A na wa yele soɔba/ɔ
Kūū maŋ ko la Aku
A ko nenvelaa
A zaa wullo la ba ta lɛ
Kyɛ erɛ ta lɛ eebo
A erɛ wullimeŋa/ɛ eebo
A erɛ pige pige
A taa pɛloo pɛloo
Kyɛ a zaa te woɔ ŋa yɛlɛ
Ka zɔɔre kyɛ
Ka teŋyɛlɛ kyɛ
Kyɛ naaloŋ la fāā
A na wa yele pɔgebɔ
Kyɛ suuri la woi
Kyɛ ka soɔloŋ gaa yeŋ
Hmm, tɛŋa/ɛ zu yɛlɛ
A waa la pelewelle lɛ
A waa ŋa kɛkɛrɛɛ peɛ
Ka fõõ ba baŋ kyɛne
Fo na furi le la
Kyɛ a zaa te kɔre ŋa yɛl
Ka bie maŋ be bipeɛŋ
kyɛ baŋ o saa koɔla/ɔ bɔge
A baŋ o boorɔ koɔla/ɔ bɔge
A baŋ ba tore bɔge
Kyɛ nubiri weɛ la
A baŋ kyɛ koŋ kɔ
Kyɛ ka dɔgrebɔ parɛɛ suoro
Ka ba e wola/ɔ koŋ dɔŋ
A e wola/ɔ koŋ ŋmɛ taa
Ka pɔntere ba dɔndɔma/ɔ
Kyɛ ka waabo gaa yeŋ
Pampana ŋmenaa naŋ puri
Kaŋa zaa tuo o zu
Perɛ ka N perɛ la
Kaŋa zaa boɔrɔ o meŋ naaloŋ
Kaŋa zaa boɔrɔ o meŋa/ɛ faabo
Kaŋa zaa nimiri kye la
Ka kaŋa zaa k'o dendɔre yuo
Kyɛ te nubie ba sentaa
Kyɛ ka kaŋa zaa boɔrɔ naaloŋ
A pãã na e wola/ɔ
Ka zie koŋ doŋ
Ka zɔɔre koŋ zɔɔ
Ka kūū koŋ ko
Kyaa zaa suuri
Dagaaba maŋ yeli
Ka suuri pie dabol meŋ ie
Bipeelaa naŋ maŋ be peɛ poɔ
Kyɛ baŋ torebɔgre
A baŋ weltaa
A baŋ pɛloo pɛloo
A taa pige pige
A na baŋ leɛ gɔma
A koŋ koorɔ suuri?
Dagaaba maŋ yeli
Ka koɔreŋ wolowolo maŋ wuli o gyɛlɛ zie
Kyɛ bibil wolowolo meŋ wuli la o ɔŋ
Ka baŋaa zaa meŋ ɔɔ la boŋkaraa
Kyɛ o naŋ baŋ a zaa
A baŋ gaŋ a tendaana
Ka k'o daana ka yenti
K'o ka ayi
K'o ka one
K'o ka two
A baŋ a zaa wɛlle
A baŋ a zaa sɔre
Ka zuzeɛ ta yeli
A na wa yele naa
Kyɛ tendaana la faa
Ka a na e wola
Ka suuri koŋ iri
Ka zɔɔre koŋ zɔɔ
Ka kūūnee koŋ ko
Hmm a zenɛ ŋmenaa la puri
Ka bie maŋ be bipeɛŋ
Kyɛ baŋ bere ŋmennoo
A pɔgesarre ŋmɛ faaroo
A baŋ ba dãã nyu
A baŋ vaare nyuubo
A na wa yele pɔɔpēɛ
A mare gɔɔma ka zie te nyaa
A taa kaabanyɛ
A taa nembabo
Hõõ zenɛ ŋa donɛɛ
Yɛ vɛŋ ka te bare suuri
A bare nembabo
A bare kaabanyɛ
A bare pige pige
A baŋ nembɛrɛ
A bare zɔɔre
A bare pɛloo pɛloo
A bare weltaa
A bare pɔɔbɔ galma
Kyɛ baŋ nembɛrɛ
A baŋ namini
A kora ba gyɛremɛ
A wono ba noɔre yɛlɛ
A eŋ na ba
Nendaare kaŋa zuiŋ
Ka te nyɛ maaloo
K'a naane te na wɛ la