Techiman Sɛkɔndere Sakuuri

Techiman sinia hai sakuuri naŋ be Techiman poɔ

Techiman Sɛkɔndere Sakuuri pampana ba naŋ boɔl'o Techiman Sinia Hai Sakuuri e la a Gaana sɛkɔndere sakuuri kaŋ naŋ be a Bono Sapare sɛŋ. A sakuu be la Techiman, a Techiman Kɔmpare paaloŋ poɔ. Dr. Kwame Nkurumah, a Gaana prɛsidɛnte dɛndɛŋ soba la wane a sakuu ŋa Nɔvemba 1963 poɔ. A sakuu da piili ne la karembiiri lezaata ne pie ne yeni (71) ka dɔɔbilii da e noba lizaayi ne pienaata (53) kyɛ k'a pie ne anii (18) e pɔgebilii. A wa te ta 2013 poɔ, a sakuu da taa la karembiiri turaayi kɔɔraayopoi ne lezaanaare ne ayoɔbo (2,786). Ba poɔŋ, dɔɔbilii da e la noba turi kɔɔraayoɔbo ne lezaata ne pieniyeni (1671) kyɛ ka turi kɔɔ ne pienaanuu (1,115) meŋ da e pɔgebilii. Gaana ninzu kaŋa naŋ baare a sakuu ŋa la Kwadwo Asare-Baffuor Acheampong (KABA) naŋ da waa a Gaana gyɛnalisi kaŋ. Ayi 2016 wa tɔ pampana, nba Jacob Afful la e a Techiman Sinia Hai Sakuuri karemazuzeɛ.