Tēē

Tēē Tēē e la boma mine ba naŋ maŋ de saŋ na neŋ maaloŋ. Ana la ka neɛ maŋ de nu bee sɛ o eŋɛ ka onaŋ wa nyɛ baa kaŋa. Tēē taa la tonɔ mine KO nensaala ane done ka baaloŋ wa nyɔge kaŋa zaa.

Baaloŋ yoŋ naane ka a wuli ka tēē ma sagne la, ama baŋ KO la Neɛ ka o soba ba wa tu a yɛlɛ a ta.

Tēē yelnyɔgeraa zaa la ka o kaa Nensaala laafeɛloŋ nyɔvore yɛlɛ, ka baaloŋ kpɛ o saba, ka Doŋa la bee ka.Neɛ la meŋ. Ka neɛ gaa dɔɔta bee tēē soba zeɛ ka ba naŋ baŋ ka bee kaa nyɛ baŋ ka o soba taa la baaloŋ kaŋa tēē la na baŋ sane o soba baaloŋ na.

Tēē Parɛɛ

Tēē taa la parɛɛ ayi toŋ! Ana la;

√ Nasaal Tēē: Ana la maŋ be te dɔɔta yie poore ka die Sana ne a baale ba, a tēē ama maŋ yi la nasaale paaloŋ wa bonso be la ka ba maala a.

√ DagaTēē/Danyigɛ Tēē: A la tee na maŋ yi teere poɔ, Ana baŋ e la a teɛ vaare, nyigɛ, bee endaa eŋɛ. A e la tee te saakom mine na yipɔge a taa a sana ne baaleba ba yie poore.

Tēē Tonɔ

√ Tēē taa la tona yaga KO nensaala ane donne zaa, bonso a maŋ soŋ sane la a ba baaloŋ ka a yi kyɛ bare ba ka ba nyɛ laafeɛ a ba yɛlɛ eebo poɔ.

√ Tēē maŋ vɛŋ la ka neɛɛ voore gaa toɔre.

√ Ama soŋ la ka Neɛ kaŋa baŋ o are zie a o nyɔvore yɛlɛ poɔ.

√ Tēē maŋ vɛŋ la ka nensaala kaŋa taa enyuo kaŋa a nyɔvore poɔŋ.

Tēē Faaloŋ

Tēē na taa tonɔ te seŋ lɛ kyɛ a meŋ taa la faaloŋ kaŋa KO a teŋ zu boma meŋ a waabo poɔŋ.

√ Tēē mine ma baŋ kó la kūū

√ A meŋ ma sãá la Neɛ nyɔvore ka onaŋ de a gaŋ o soba faŋa.

√ A maŋ vɛŋ la ka noba mine taa potuo kaŋa a dɔrɔ ne taa ba lankpɛbo poɔŋ