Sori zu Gbɛɛŋmeɛbo

Sori zu Gbɛɛ Ŋmeɛbo

Pampana sori zu gbɛɛ ŋmeɛbo erɛ la zuo gaŋ ŋmenaa naŋ maŋ puri bebiri zaa. A erɛ la tɛgtɛglɛ. A ba e ŋa yeli seɛlee la ka ama erɛ, a eebo kyaare ne la yɛlɛ ama n naŋ manne biŋ a puliŋ kyɛ.

Lɔɛ ne kuriwiri porebo vɛŋ la ka sori zu nyagema zuo. Noba yaga leɛ taa la a boma ama zuo bonso a daa ba e tuo te seŋ saŋa na . Fo maŋ nyɛɛ neɛ naŋ da o lɔɔre bee kuriwiri , a naŋ ba baŋ o mɔmbo bee zɔmbo soŋ kyɛ de yi sori zu na gaa zie . A baara zaa neɛ la ka o maŋ te de ŋmɛ neŋ bee va o soba eŋ baaloŋ bee kuu gba. Noba kpoŋ zie naŋ maŋ wa toŋ a tonfaare ama bamaŋ taa  gbaŋo naŋ wullo ka ba paase ne la lɔɔre mɔmbo bee kuriwiri zɔmmbo. Sori zu laafeeloŋ tontoneba ne polisiri naŋ seŋ ka ba kaara ama taaba meŋ ba tona ba toma lɛ naŋ seŋ ka ba tona.

Sorizu tɔzoma bee bondemanne. Sɔɛ yaga naŋ be te Gaana paaloŋ kyɛ ba taa bondemanne naŋ wullo bee bigire a sorizu waaloŋ. A sori zu tɔzoma mine naŋ maŋ wullo ka sori villi gɔle la bee toree la, lɛ naŋ seŋ ka lɔɔre zoro seŋ ziiri mine, zie naŋ seŋ ka lɔɔre wa are, gbɛ - kyɛnneba kyɛŋ zie, ane amine. A tɔzoma ama ba semmo bee kyeebo te soɛ poɔ vɛŋ la sori gbɛŋmɛ maale pori.

Dããnyu te gaale dɔrebare zie. Dɔreba naŋ nyu dãã te gaale kyɛ de lɔɔre na mɔŋ bee mɔna maŋ toŋ la sori zu nyagema. A dãã ba naŋ maŋ nyu maŋ vɛŋ la ka ba ba so bamenne bee te buroburo a sori zu poɔ. A baare zaa neɛ la ka ba te neɛ biŋ bee de nensaaleba zo kpɛ moɔ poɔ te ŋmɛ ne daa bee ka o de va o tɔ lɔɔre a ko kūūne paale zie.