Sinii

Sinii (TV) e la nansaala bommaala κaŋa ba naŋ maale ka o maŋ taa nensaala yel-erre mine te seŋ deɛnbaŋ mine ba naŋ e ka a maŋ taa iribu mine ka fo maŋ iri kyɛ kaara. Sinii waa la aŋa daga kaŋa a taa pɛɛpɛɛ ka a mine maŋ taa kpaare, kyɛ ka mine meŋ maŋ waa pɛnfɛgɛ lɛ a waa kpoŋ. Gbɛɛ yaga a naŋ na naŋ taa a kpaare, ba maŋ de a la bini teŋe bee dogle tabol zu kyɛ ka ana naŋ waa pɛnfɛgɛ lɛ a waa yɛloŋ ka ba maŋ de bini teŋe bee mare dankyinni zuŋ. A eŋbanne bonzaa maŋ waa la wɔraba kyɛ fo naŋ baŋ nyɛ la kuri boyeni mine o poɔŋ. Mie mine maŋ gyoone la taa o poɔŋ ka ana eŋɛ la ka fintindigili maŋ tu kyɛ ka sinii baŋ nyɛge. Ka lɛ wuli ka o eɛ la bone naŋ kombaŋ nyɛ eebo bee toŋ toma ka fintidigili naŋ ba kyɛbe.

Sinii Tɔnɔ Ko Nensaala

*O maŋ vɛŋ la bibiiri kaa kyɛ zanne yɛŋ paala yi neŋ yɛlɛ na naŋ erɛ o poɔŋ

*O maŋ bɛlɛ la bibiiri ka ba bare koni kyɛ ka ba ma toŋ toma. A lɛ wuli ka o maŋ baŋ waa la aŋa biyaale.

*O maŋ vɛŋ la noba boŋ duo saama bee yɛlɛ naŋ gɛrɛ a teŋe zu.