Saŋkommo kulta Nandom Paaloŋ
Saŋkommo kultaa Nandom Paaloŋ e la yel-noɔ ane nimizie bone Nandom paaloŋ. Bipɔlee ane pɔgesara la maŋ daŋ pɔge taa zie kaŋa ka nommɔ kaŋa kpɛ a ba kpakyagereŋ. Naaŋmene naŋ iri dɔɔ nyabikɔɔre a maale pɔge ka a e feroo ka ba laŋ kpeɛrɛ ziyeni a sonnɔ taa a zuo a zaa biiri dɔgebo. Sobie mine naŋ e kparaama ka a seŋ ka a dɔɔpɔle tu kyɛ kulli a o pɔge la ama,
A pɔge boɔbo saŋa.
[maaleŋ | Maale eŋ yizie]A pɔgɔ boɔbɔ saŋa Nandom paaloŋ eɛ yɛlɛ kaŋa naŋ taa hɛmɛmɛ. A pɔle maŋ taa la o ba naŋ na yele yɛlɛ teenɛ ennɛ a pɔgesara. Ba maŋ yele la yɛlɛ lɛɛŋ ka a pɔgesara wa sage ana kuli a pɔle.
A bipɔge dogereba nyaabo
[maaleŋ | Maale eŋ yizie]A pɔgesara naŋ wa sage baare la ka pɔgesara pãã maŋ eŋ bebiri ko a pɔle ka o na wa de o. A bebiri naŋ beɛ la ka pɔle diteenɛ ane o bare mine maŋ de kuriwiri bee popo bee lori bee ka ba kyɛneŋ gbɛɛ neŋ a pɔgesara saa yiri te gaa o sire yiri. Wagere yaga tensoga la ka yɛlɛ ama maŋ e. A diteenɛ maŋ leɛ gaa yeli ka o a pɔgesara dogereba ka ba zaameŋ zu la neɛ a ba yiriŋ.
A kyegebo sane soorɔ
[maaleŋ | Maale eŋ yizie]Ŋaa saŋa la ka pɔle yiri deme maŋ gaa a sara yiri te soore a o dogereba a kultaa sane. Wagere na la ka sare yiri deme maŋ ŋmaa sane ko ka a seŋ ba yɔɔ. Sama mine ba naŋ maŋ ŋmaa la a ama, libipɛlaa kɔɔre anuu, nii ayi bee ata, a eŋ poɔ koɔbo bota.
A kyegebo sane yɔɔbɔ
[maaleŋ | Maale eŋ yizie]A pɔle yiri deme maŋ gaa sɛgere la ba menne kyɛ leɛ gaa to yɔɔ a sama kyɛ kɔ a kɔɔbo na zaa. Ba mine maŋ kɔ la bota ka mine meŋ kɔ boyi yoŋ.