Nandom Senior High School (NANSEC)

Nandɔm Siinia Haae Sakuuri (NANSEC), Gyamaa (noba yaga) naŋ boɔlɔ NANSEC, e la sɛkɔndere sakuuri kaŋa naŋ be Ghana paaloŋ poɔ. O be la Nandɔm Minisipal Asɛmbole Ɔpa Wɛse irigyiŋ. NANSEC e la dɔɔbilii yoŋ tɛgɛ sakuuri. A sakuuri ŋa sagedeebo(motto) la simmo ane sombo-terebo ("idealism and generosity"). O gban-toɔle daga (adurɛsi) la ŋa: P.O.Box 18, Nandɔm, UW/R-Ghana.

A Sakuuri Yelkorɔ

Ba da yuo la NANSEC yuomo turi kɔɔ yeni, kɔɔraa wae dɔgle lizaata ne anii (1968) naŋ tɔle poɔ. O e la Uromaan Katile puoruu sakuuri. A Uromaan Katile boradamine (FIC boradamine Kpaaroŋ) la da yuo a Sakuuri ŋa. A Sakuuri yodɛndɛŋ da e la Maliki Maakil Dɔɔbilii Sɛkɔndere sakuuri (Saint Michael Boys' Senior High School) a saŋa na o naŋ da be a Kaleo teŋa poɔ. A kaleo poɔ la a Sakuuri ŋa da piili kyɛ ka ba paa meɛre zie a Nandɔm teŋa poɔ. A zie naŋ da wa mɛ baare la ka ba paa wuo a Sakuuri gaa ne a Nandɔm tegɛ, a leɛ pore o yopaalaa ka Nandɔm Sɛkɔndere Sakuuri. A karemazuzeɛ daŋweɛ soba naŋ da kaara a sakuuri ŋa yuori la orɛverɛn borada Bosco Hendrix. A sakuuri ŋa da piili ne la karembiiri lezare ne pie ne banii (38).

Zanne Ziiri(Kɔɔsiri/Purogiram) Naŋ Be NANSEC

NANSEC zanne ziiri (Kɔɔsire) e la ata, ka ana la ama;

1 Gɛneraal Saensi (General Science)

2 2 Gɛneraal Aasi (General Arts)

3 Biizinɛsi (Business)

A kɔɔsisire (programs) ama kaŋa zaa maŋ taa la o wɛlmɛ na naŋ seŋ ka kareŋbie zaa naŋ kaa ire'o a zanne soŋ.

Gɛneraal Saensi Wɛlmɛ

A Gɛneraal Saensi taa la wɛlmɛ ata; [ [Kɛmistire (Chemistry), Baalogi (Biology), fiiziks (Physics) ane Kuntaŋ zuluŋ (Elective/Further Mathematics)]

A wɛlmɛ anaare ŋa zaa e la kparaama ka kareŋbiiri zaa naŋ zanna a saensi ka ba zan'a kaa ta.

.

Gɛneraal Aasi Wɛlmɛ

A gɛneraal aasi taa la wɛlmɛ anii, ka ana la ama; Eŋgilisi Literikya ( Literature in English), Faransi kɔkɔre (French), Hiztiri (History), Krista biiri puoruu zannoo (Christian Religious Studies), Gɔbinɛnti (Govement), Joogirafi (Geography), Yaago/Ekɔnɔmiks ( Economics) ane Kuntang zuluŋ ( Further Mathematics).

A Biizinɛsi Wɛlmɛ

A biizinɛɛsi taa la wɛlmɛ anuu, ka ana la ama; Akaonteŋ (Accounting), Yaago sɛgroo(business management), Ekɔnɔmiks(Economics), kɔsteŋ bigɛ/lɔɔ(principles of costing), ane kuntang zuluŋ (Further/Elective Mathematics).

A Sakuuri Nyaabo(Vision)

Kiristabiiloŋ ko la Nandɔm Sɛkɔndere Sakuuri kyelloo ka o korɔ baapaaba zannoo naŋ soma yaga, meŋa-baŋtaabo ane kiristabiiloŋ kpeɛŋaa yelminne zannoo/kannoo a vɛŋ ka nensaaba gbuli zaa baabo gɛrɛ nimitɔɔre, a soŋ ka a Gaana paaloŋ ane a tendaa zaa gbuli meɛbo.

A Sakuuri Yelnyɔgraa/Toma

Nandɔm Sekɔnderee Sakuuri Yelnyɔgraa la ka o zɛge baapaalba gbuli zaa baabo ka o duorosaa, kirisaaloŋ toma ane a paaloŋ baabo naŋ yire zannoo naŋ sereŋ ta velaa, kyɛ soma yaga a sonna noba.

A Zannoo Faŋa Ne O Yeltari.

NANSEC e la a Ghana sakuuri kaŋa o zannoo naŋ duoro saa yaga zaa. Ka karenbiireŋ wa sɛge a e-nyɛ/tɛɛse na a Wɛɛsi Afirika paalon pie ne anii na zaa na maŋ laŋ sɛge, NANSEC kareŋbiiri maŋ paase la ba gbama zaa welwel ka a soma gaŋ'a zaa vɛm lɛ. Gbɛɛ yaga, NANSEC maŋ kyaara nyɛrɛ la magri kɔɔ (100%) a Wɛɛsi Afirika tɛɛsi poɔ. A Sakuuri soŋ ŋa maŋ la maalen mɔ la yaga a Ghana Saensi ne a Kuntaŋ (maasi) tɛɛsi kyakya ŋmeɛbo poɔ.