Kwakye Addo

Kwakye Addo

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Addo
Dɔgebo bebiri	23 Fɛreboɔre 1951
Kɔkɔyelii, sɛge ne bee goligoluu	Bɔrefɔ
Tonnoɔre	Pɔleteesa, tekyɛ
Voaraa	begemaale die ata mɛmba ko a Ghana republic anaare, Begemaale die ayi mɛmba a Ghana republic anaare eŋɛ, Fɔrɔ (1st) begemaale die mɛmba a Ghana republic anaare eŋɛ
Zanne la	Abetifi Presbyterian College of Education
Politikal paati mɛmba	Kataweɛ paati
Ŋmene bee sagediibu	Christian

Kwakye Addo (ba naŋ dɔge 23 Fɛboɔre 1951) e la Ghana pɔleteesa ane mɛmba a begemaale die ayi ane ata soba eŋɛ a Ghana republic anaare eŋɛ, naŋ areko a Afram Plains South Gbandige a Eastern Irigyiŋ poɔ, Ghana.

Nyɔvore Piiluu ane Ganzanne

Ba da dɔge la Addo 23 Fɛboɔre 1951 eŋɛ, Afram Plains south naŋ be a Eastern Irigyiŋ poɔ, Ghana. O gaa la Abetifi Training College a nyɛ o Wuluu Zannoo Sɛtefekate.

Pɔletese

Ba da ɛlɛte la Addo eŋ a fɔrɔ begemaale die poɔ a Ghana republic anaare eŋɛ 7 Gyɛnoɔre 1993 saŋa na ba naŋ da wa ŋmɛ peraa ka ona la di a 1992 Ghana begemaale die nuneɛ ba naŋ da e 29 Disembare 1992 poɔ. A lɛ na ka ba da la leɛ ɛlɛte o eŋ a begemaale die ayi soba poɔ a Ghana republic anaare eŋɛ, a kataweɛ paati yuori eŋɛ saŋa na o naŋ da wa di a Disembare 1996 Ghana gyɛneraa nuneɛ ko a Afram Plain South Gbandige naŋ be a Eastern Irigyiŋ poɔ, Ghana. O da nyɛ la 11,495 nuneɛre yi a 21,525 nuuri zaa lantaa neɛ soŋ naŋ manne ne 42.40% gaŋ o kyakya ŋmɛ taaba Raphael Kofi Ahaligah IND mɛmba, Daneil Kwaku Adjepong NPP mɛmba ane Edward Ofori Addo CPP mɛmba, a bama da nyɛ la 6,804 nuneɛre, 2,994 nuneɛre ane 268 nuneɛre seŋ anaŋ tutaa lɛ.

A 2000 Ghana gyɛneraa nuneɛ poɔ, o da nyɛ la 7,011 nuneɛre yi a 15,209 nuuri zaa lantaa neɛ soŋ naŋ manne ne 46.10%. Ba da ɛlɛte o la kyɛ bare Anthony Adongo naŋ e sommeŋɛ bie, John Addo Amponsah naŋ e a wɔɔ paati bie, ane Anthony Mensah naŋ e a National Reform Party bie. Mr. Adongo da nyɛ la 4,660 nuneɛre naŋ manne ne 30.60%. A NPP bie John nyɛ 2,079 naŋ manne ne 13.70% yi a nuuri zaa lantaa neɛ soŋ. Mr Mensah naŋ e a NRP bie da nyɛ la 9.60% yi a nuuri poɔ. Raphael Kofi Ahaligah da daa o la lɔɔ a 200 paatiri gyoŋgyoŋ pɛgele nuneɛ eŋɛ.

Dompole

Addo e la Politikal Tekyɛ ane begemaale die mɛmba koroo ko a Afram Plains South yi 2001 te tɔ 2005.

Meŋɛ Nyɔvore

Addo e la kiristabie.