Kuu narebu

Ka neɛŋ wa kɔŋ o nyɔvore te ba maŋ are deŋdeŋe a piili o kuori.

Ba maŋ daŋ bɔ la a na baŋ o kūū koora sɛre kyɛ ka ba baŋ piili o kuori a naŋ koŋ. Ka anaŋ wa wuli ka yɛlɛ bebe, ba maŋ sɔre la a iri a bare sɛre bonso neɛ na baŋ la kpi la o ūūmo baaroo saŋa.

Ba maŋ doge la kõɔ ka a e bolɔbolɔ. A kõɔ ŋa nugɔɔ la ka ba maŋ de kaa. Ka dɔɔ wa la o dɔɔ taaba la suoruu ka a pɔge meŋ wa la o pɔgetaaba la meŋ na so o.

Ka banaŋ wa so o baare ba maŋ de o ka kpɛ ne die a te nɔɡe sɛre ka pãã seɛrɛ o a ɡamiri. Ka onaŋ wa e pɔɡe la a lɛ kyɛ de kuree meŋ seɛ a dɔɔ. Kyɛ a Kūū nɔɡebo poɔ ka fooŋ wa e dakyɛ ka a nu bee a ɡbɛreŋ wa kɔɔ, fo be la yɛlɛ poɔ. Kyɛ ka yelzaa meŋ ba kyebe, a yɛlɛ na taaba koŋ baŋ e.

Nandom sɛŋ kūū dɔɔ bee pɔge maŋ so la dagakparoo ane kulane. Ba maŋ poŋ la a zukɔɔloŋ a ŋma a gbɛbipɛgre zaa bare kyɛ pãã de o yi neŋ gbaŋgbale.

A yidandɔɔ la maŋ daŋ koŋ sɛne a boɔle o ba mine gbɛre bota ka pɔge gbɛre bonaare kyɛ ka noba paa piili a kommo. Ama puori ka ba nare a kuu dɛlebo. Kyɛ ka a kuori ane a komaale yetuuri a tu.