Kojo Oppong Nkrumah

Kojo Oppong Nkrumah

human

Sex or gender	male
Country of citizenship	Ghana
Date of birth	5 Kyɛpire 1982
Place of birth	Koforidua
Languages spoken, written or signed	English
Occupation	politician, lawyer, entrepreneur, journalist
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana, Minister for Information
Educated at	University of Cape Coast, Pope John Senior High School and Minor Seminary, University of Ghana
Member of political party	New Patriotic Party
Religion or worldview	Christianity

Hon Kojo Oppong Nkrumah (ba dɔge o la 5 kyɛpire kyu 1982) yuoni poɔ. O e la Ghana pɔletese neɛ kaŋa ana e lɔɔya meŋ. O e la begimaala naŋ areko a Ofoase-Ayirebi vooten lombori kaŋa naŋ bé a Eastern Urigin poɔ

O Nyɔvore Piiluu Yɛllɛ

Ba doge o la teŋa kaŋa ba naŋ boɔla Koforidua naŋ bé a Eastern Region naŋ bé a Gaana poɔ. O saa mine la Kwame Oppong Nkrumah naŋ e o ba aneŋ Felicia Oppong Nkrumah naŋ e o ma. O ma da e la karakyi a da kanna sakuubiiri, o Saa meŋ da e karakyi kyɛ da leɛ libie tonetona a puoreŋ. O yi la Akim Anyinase.

O Sakuuri Gaabo Yɛlɛ

O da piileé o sakuuri gaabu sakuu ŋa ba naŋ boɔla ST Bernadette Soubirous School naŋ bé a Dansoman teŋa poɔ, o da la gaa la nimitɔɔre a lɛ gaa sakuu kaŋa ba naŋ boɔla Pope John Senior High School aneŋ minor seminary naŋ be a koforidua poɔ. O da la gaa la nimitɔɔre a te gaa sakuu kpoŋ kaŋa ba naŋ boɔla University Of Cape Coast, béŋ ka o da yineŋ gama mine ba naŋ boɔla Bachelor's Degree In Commerce. A 2012 yuoni poɔ o da yineŋ la gama mine ba naŋ boɔla MBA in Marketing a yi a University of Ghana naŋ bé a Legon teŋa poɔ. A 2014 yuoni ba da ko o la gama mine ba naŋ boɔla Bachelor's Degree lɔɔ yɛllɛ poɔ a yi a GIMPA Faculty of Law a yi wagre ŋa o naŋ da zanne yuomo ayi a sakuuri ŋa poɔ. A 2016 yuoni poɔ ba da boɔle o la ka o da poɔ kpaarõõ ŋa naŋ tona lɔɔ toma ka ba boɔla Ghana Bar Association aneŋ sarɛɛ dekpoŋ ŋa ba naŋ boɔla Supreme Court.

O Toma Yɛlɛ

O da piileé o tuŋ noɔre kaŋa ba naŋ boɔla Treasury Analyst zie ŋa ba naŋ boɔla British American Tobacco a 2006 yuoni poɔ. O da la gaa la nimitɔɔre a lɛ te tuŋ duoro toma zie kaŋa ba naŋ boɔla Joy FM a da e duori tera. A 2014 yuoni poɔ o da bare la a toma ŋa kyɛ da yuo toma kaŋa ba naŋ boɔla Investment Firm, West Brownstone Capital. Wagre na o naŋ wa kpeɛrɛ a 2016 yuoni poɔ o da e la neɛ naŋ zanna lɔɔ yɛllɛ a Kulendi Attafuah aneŋ Amposah at Law. A 2020 yuoni poɔ ba da ire o la ka o e la bipɔla zaa wideɛrɛ a dunēē zaa dãã diibu poɔ

Naakoɔ̃ Yɛlɛ

A 2015 yuoni poɔ o da arɛ̃ɛ̃ŋ a da di a kukurudu paati vooten poɔ a da areko Ofoase-Ayirebi vooten lombori naŋ bé a Eastern Region. O da la di la a begimaale kogi ŋa a 2016 yuoni vooten kyaakyaa poɔ. Pampana ŋa o e la gɔmmenɛnte kpaŋbeɛ ŋa naŋ kaara duoro yɛllɛ

O Meŋa Yɛlɛ

O e la neɛ naŋ e kristabie. O taa la poge ka ba boɔla Akua, o taa la biiri bata, ba yoeé la Kwaku, Afua aneŋ Kofi.