Koŋkombie
Koŋkombie, noba mine boɔla a la ko-laŋne. Koŋkombie waa la yieluŋ mine naŋ maŋ taa lanleebo, ka noba maŋ yiele kuori zie bee kuori saŋa ka a maŋ kyaare ne a kũũ ane o yideme. Dagaaba laŋkpeɛbo poɔ, ka neɛ kpi, ka a seŋ ka ba koŋ o, koŋkombie ba faana be. A koŋkombie amaŋ maŋ iri la yɛlɛ kyaare ne a kũũ ane a voba. A yɛlɛ na baŋ e la moore tere, dannoo bee zuma a koŋkombie naŋ iri bare.
Gbɛɛ yaga, ba maŋ ŋmeɛre la Boŋŋmeɛre enna a koŋkombie eŋa ka a gɛrɛ soŋ. Ane a lɛ zaa, koŋkombie naŋ maŋ soŋ la a diire a kũũ yideme sikyie, noba mine meŋ maŋ tu la a poɔ kyɛ kɔɔle mare a kũũ yideme. A zuma maŋ boɔra ka a wuli lɛ a noba naŋ da ba kaara a kũũ na o vore saŋa. Kyɛ ka o wa kpi ka ba feerɛ boɔla.
A zuma meŋ maŋ la wuli ka a kpeemɛ na vore saŋa, ka o da ba erɛ velaa.
Noba ba bonna yiele koŋkombie bonso yeltuo yiele la. Nembɛrɛ maŋ yeli ka, ka neɛŋ a e lɛ, ka o soba neŋkpeɛŋaa na kpi la. A zuiŋ, bipɔlɔ maŋ sɔgle zanne la a ko-laŋne kommu weɛ poɔ bee ka banaŋ wa gaa gyɔŋ ba boɔbo mine eŋa. A yi lɛ puoriŋ, dɔɔnyaaŋaa bee pɔgenyaaŋaa kuori zie la ka noba maŋ zanne koŋkombie kommu. Dɔba ane pɔgeba zaa maŋ koŋ la ko-laŋne. Pɔgeba koŋkombie ka ba boɔlɔ ziiri mine ka daga moɔre.
Kuori la kuori zaa meŋ maŋ taa la koŋkombie naŋ seŋ ne o.
Koŋkombie Meɛroŋ[maaleŋ | Maale eŋ yizie]
- A maŋ e la yelbikyɛŋmaare.
- A taa la kyeɛbo ane sagebo.
- A maŋ taa la lanleebo.
- Puluu maŋ baŋ bebe la.
Koŋkombie mine la a puli kyɛ:[maaleŋ | Maale eŋ yizie]
Dɔɔ Koŋkombie[maaleŋ | Maale eŋ yizie]
Kũũ naŋ waana,
Yee, yee, yee!
Ka neɛŋ baŋ oŋ zoro,
Yee, yee, yee!
Gandaa la zo tuori de kũũ,
Yee, yee, yee!
Gandaa la zeŋ ko toma weɛra,
Yee, yee, yee!
Gandaa kulee ka yideme gaŋ koŋ
Yee, yee, yee!
Pɔge Koŋkombie[maaleŋ | Maale eŋ yizie]
Yikpoŋ kɔŋ-ɔnnɔ woo! woo!
Te mine waɛ la ba nyu!
So tuori te ka te nyu!
Yee, yee, yee!
Tuŋ dɔɔnɔ kari vɔle,
Yee, yee yee!
Senlɛɛ dogera woo! woo!
Zie la maa vɛɛ
Yee, yee yee!
Zɛle pɛgele ka a fare kpell!
Yee, yee, yee!
Tuŋ pɛyagelaa
Bɔ ŋmama yee!
Yee, yee, yee!
Dãã nyuuribo la ta yee!
Yee, yee, yee!
Koŋkombie Zikyaare[maaleŋ | Maale eŋ yizie]
- A maŋ kyaare la kũũ bee neɛ naŋ kpi.
- A maŋ kyaare la noba na zaa naŋ daŋ kpi a yiri na poɔ, kpēēmɛ la lɛ.
- A mine maŋ kyaare la a kũũ noba na naŋ voora.
Koŋkombie Tɔna[maaleŋ | Maale eŋ yizie]
Koŋkombie taa la tɔna yaga kyɛ la taa faaloŋ meŋ.
A Tɔna Mine Koŋkombie Naŋ Taa La Ama;[maaleŋ | Maale eŋ yizie]
- Koŋkombie maŋ pugro la a kũũ ane bon na toma o naŋ toŋ kyɛ kpi. Aseŋ naŋkpaana, koɔrekpoŋ, amk.
- A maŋ baŋ soŋ la ka neɛ koŋ kuori ka o suuri sigi.
- A mine maŋ wullo la a kũũ dɔgeroŋ gbɛɛ.
- A maŋ danna la a kpēēmɛ bee a noba na zaa naŋ daŋ kpi a yiri poɔ.
- A maŋ vɛŋ la ka koŋkonnimo ne a gyile-ŋmeɛrebɛ meŋ nyɛ dãã pore libiri.
- A maŋ wullo la toma na a kũũ naŋ da tona o vore saŋa.
- Be la ka noba maŋ tu kyɛ moore ko a kũũ ne o yideme.
- Koŋkombie la maŋ are ne a kuori, a vɛŋ ka a kuori e nyageroŋ ka ba tõɔ na kono a kuori.
Koŋkombie Faaloŋ[maaleŋ | Maale eŋ yizie]
- A mine maŋ toorɛɛ zoma.
- A waana ne la naŋ.
- A ŋmaarɛɛ entuo ennɛ noba.
- A maŋ vɛŋ la ka neɛ kponni o woɔ zaa pɔge ne-vi kyɛ pãã di neɛ.
Boŋ Zuiŋ La Ka Te Maŋ Ko Kũũ Gyeremɛ[maaleŋ | Maale eŋ yizie]
- Kuori e la te saakompare yipɔge boŋ ka a seŋ ka te kora kũũ gyeremɛ.
- Neɛ zaa baŋ ka o na kpi la ananso ka te maŋ kora a kũũ gyeremɛ .
- Te ma boɔra ka te e ka a kũũ seɛ ta dapare velaa.
- Ka ka te laŋ taa a beɛle a kũũ eŋ soriŋ ka o kuli soŋ a ta ŋmɛ gbɛɛ.