Joseph Albert Quarm

Joseph Albert Quarm noba yaga zaa naŋ baŋ o ne Prof. Quarm e la Ghana pͻletesen kaŋa a e neԑ naŋ poͻ a begemaale die ayopoi a Republic of Ghana anaare soba a are ko a Manso-Nkwanta Gbandigeŋ a Ashanti Irigyin poͻ a Wͻͻ Naa gbԑbogriŋ.

Nyͻvore piiluu ane sakuuri yԑlԑ

Ba da dͻge la Quarm May beri ayopoi daare,1975 a yi Manso Nsiana a Ashanti Irigyin naŋ be Ghana poͻ. O taa BSc, MPhil ane PhD degree, Biological Sciences a yi Kwame Nkrumah University of Science and Technology, KNUST.

Meŋԑ nyͻvore

Quarm e la Kristabie .

Toma

Quarm da waa la karema/wuliwullo a Vicande Sakuuri a yi 1996 a te ta 1998. O da naŋ tonͻ la ton-gbͻge a Central Gold African Ghana Limited a e Environmental Officer a be  2007 poͻ. O na meŋ da naŋ la a CEO a ko Prof Quarm Publications Limited a yi 1995 a te ta 2016 kyԑ naŋ e a CEO a ko Prof Quarm Hospital Complex a yi 2012 a te ta 2016, CEO a ko Prof Quarm Football Club ane CEO a ko Prof Quarm Construction Limited. O e la teŋgane reclamation expert, teŋgane advocate, research scientist ane mining consultant.

July beri ayopoi daare, 2020, ba da iri o la nempaalaa ka o e a Kwame Nkrumah University of Science and Technology (KNUST) Foundation a University Council ka o na toŋ yuomo ayi.

Sonsonnͻ

Tuesday, December bebe-dԑndԑn daare, 2020, a Republic of Ghana paaloŋ Yidaandͻͻ, H. E. Nana Addo Darkwa Akufo-Addo commissioned a 100-bed Prof. Quarm asibiti facility naŋ be a Manso Nsiana a Amansie West District a Ashanti Irigyin poͻ.

Sakuuri bonteԑre a te ta ŋa ¢400,000 ka Prof Quarm Publications June 2022 poͻ da de soŋ ne  Otumfour Osei Tutu II Foundation a na soŋ zԑge zannoo yԑlԑ ka a do saa.

Pͻletese

Quarm e la Wͻͻ Naa bie kyԑ da e begemaala a ko Manso Nkwanta Gbandige a Ashanti Irigyin poͻ. June 2015 poͻ, o da di la  NPP primaries kyԑ ka Grace Addo naŋ da e a begemaala a ko a Manso Nkwanta Gbandige da le. A 2016 Ghana zaa nu-neԑ poͻ, Quarm da di la a begemaale kogi ane 32,140 noba naŋ are ko 83.26% a noba zaa naŋ neԑ ba nuuri, kyԑ ka neԑ naŋ da are a  begemaale Kataweԑ Naa gbԑbogriŋ Alex Kwame Bonsu da nyԑ  noba 5,503 naŋ are ko 14.26% a noba zaa naŋ neԑ ba nuuri.

June 2020 poͻ wagere na a Wͻͻ Naa (NPP) naŋ da erԑ ba primaries, o da lee la ka lԑ vԑŋ ka begeraa kaŋa bebe ka o koŋ la tõͻ are ko a Wͻͻ Naa a Ghana zaa nu-neԑ naŋ da waana December 2020 poͻ ane a zaa ka ona da la a begemaala naŋ are ko a Manso Nkwanta Gbandige.

Galamsey

Wagere na Ghana Yidaandͻͻ Nana Addo Darkwa Akufo-Addo naŋ wa biŋ begere ka ba ta la bonnͻ tuuro salema (galamsey) a paaloŋ zaa poͻ, Quarm da are ko la a gͻbenԑnte ane ba gbԑ-derre a da wulli a ananso ka a e kparaama ka te guuro te kõͻ ane te teŋgama ane a zaa ka a begere da e la hawonaa kaŋa ko a Amansie West District a Manso Nkwanta Gbandige a Ashanti Irigyinpoͻ. o da naŋ wuli ka, o leebu kyaare ne a primaries da yie o naŋ zͻͻrͻ kyaare salema bonne tuubu (galamsey) o gbandige poͻ.

Yelyagesԑgeraa naŋ ta gampԑlԑ 36 poͻ ka a Minisita naŊŋ da e Environment, Science ane Technology a kyaare salema boone tuubu a Ghana baŋ naŋ baŋ ne galamsey, Quarm yuori da porԑԑ la a e neԑ naŋ poͻ a salema bonne tuubu ŋa poͻ a pale a Gͻbenԑnte nembԑre mine. A Ghana Yidaandͻͻ ͻfere wulee la yelyaga poͻ ka, a yelyagesԑgeraa na naŋ ta gampԑlԑ 36 nԑle la o zaa ane tͻgele-woŋi yeli ka yelwulaa zaa da kyebe naŋ teԑrԑ a ba yeluŋ. Azuiŋ, ba koŋ are tͻgele-woŋi kyԑ peԑre a yԑlԑ.

Agya Owusu da se la Quarm ane o naŋ koͻre salema ziiri mine ko o kyͻ ka a wa wuli ka a gͻŋ la begere boso a zie da peԑle la kõͻ. Sogyԑre da gaa saa la Agya Owusu toma zie a nyige o tontomboma ane a zaa ka o da taa la sori ka o tu salema a zie. A Ashanti District a ko Ghana National Association of Small Scale Miners meŋ da se o la ane o naŋ da wa de a salema tuubu zie a ba teŋganeŋ ane o naŋ da derԑ a Board Member a ko Minerals Commission wulibu. A April bebie lezare ane yeni daare, 2023 poͻ niŋe pataa peԑroo JoyFM’s Midday duor-saama poͻ, Quarm da ba sage ka a yԑlԑ kyaare ne o salema ziiri taabo e la yelmeŋԑ, o da pԑge la o nuueri iri ka kyԑ o yuori saaŋ la.

June 2023 poͻ, Quarm  da sama la Prof. Frimpong-Boateng ane o naŋ da saana yԑlԑ mine a boͻrͻ ka o fere o a yi yԑlԑ mine onaŋ da yeli a kyaare ana yelbawontaa na.  

Emmo

March 2022 poͻ, a West Africa International Press Limited deme da eŋ la Quarm da ko o Heroes of Distinction Award.

Yelbawontaa

2016 poͻ, Quarm sԑge eŋ la o gane poͻ ‘Natural Science for Primary Schools – Pupil’s Book 1,’ ka a nensaala zu la ka ba maŋ de tuo ne tegeroŋ. Kofi Bentil, naŋ e Vice President a ko IMANI Ghana ane social media users da ŋmԑԑ kpԑlle ka ba iri a gane bare a sakuu-piilaa poͻ. A Ministry of Education meŋ da terԑԑ gane a ko a Ghana sakue ka ba ta wa daara a gane na.