Ghana Constitution
Ghana Constitution e la gane bee gampeɛle kaŋa ba naŋ sɛge biŋi ka o taa a Gaana zaa merɛ, ka neɛ zaa tuuro o.[1] A Gaana merɛ lantaa bimbo zie la ka ba boɔla ka a "Constitution" ona la taa a merɛ zaa ko a Gaana teŋɛ zaa. A lɛ veŋɛ ka neɛ zaa kombaŋ ko bee e o tɔ yel yɛrɛɛ lɛ, ka o e kyɛ ka ba nyɔge o, o naŋ teɛ la a yɛlɛ seɛ ko o meŋɛ. O poɔ la ka a Gaana yidandɔɔ maŋ kaa kyɛ erɛ o yɛlɛ, a Gaana palɛmɛnte meŋ de o tɔna ne ba toma zaa. Ba maale la a Gaana merɛ bimbo zie bee merɛ naŋ a 28th April 1992 poɔ a yi a Gaana yidandɔɔ kaŋa ba naŋ boɔla J.J.Rawlings la wane o, a yi a saŋa na a kpankpaŋkpeɛne deme na wa baare ba yɛlɛ la ka o nyɛ, ka ona ba bɔ yɛŋ waane, a na waa la tuo ko a Gaana deme zaa zu bee a ko o meŋɛ a leŋso ka o de o waane. O e la gane bee gampeɛle naŋ taa a Gaana zaa mɛre o poɔ. Ba sɛge la a merɛ ama eŋ Atikyele poɔ. O poɔ la ka ba maŋ tu kyɛ ŋmaa neɛ serɛɛ, bee biŋi neɛ zaa a Gaana yirdeme wa iri ka o e ba yidandɔɔ a kaara ba zu.[1]
Atikel 41
[maaleŋ | Maale eŋ yizie]A atikel 41, a Gaana merɛ gane poɔ ko la noba sori ka ba na baŋ yelee ba poɔ yɛlɛ, ba yelboɔre zaa na ferɛ ba kyaare ne ba nyɔvore yɛlɛ, a meŋ ko a paati deme meŋ sori kaŋ ba na baŋ maali paati zaa, ka neɛ zaa meŋ taa la sori a na baŋ te poɔ paati zaa onaŋ boɔrɔ ka o poɔŋ, a baŋ taa bone zaa o naŋ boɔrɔ kyɛ a merɛ wa sage a lɛ ko soba naŋ. A lɛ wulli ka a Gaana merɛ Gampeɛle poɔ a ama zaa bebe. Neɛ zaa taa la sori ana baŋ yeli yelizaa ka o soba wa nyɛ baŋ ka a taa bee tu a sori ana seŋne ka a e.[2]
Faŋa poobo
[maaleŋ | Maale eŋ yizie]A Gaana merɛ gane poɔ bee gampeɛle zu , o poŋ eŋ la a noba na zaa naŋ taa faŋa a naŋ baŋ e yelizaa a lɛ zuiŋ a merɛ po la ba toma yel-erre zaa ko neɛ zaa, ka a wuli ka neɛ zaa koŋ baŋ kpɛ o tasoba toma poɔ bee a e yeli zaa o naŋ boɔra, a merɛ ba sage lɛ. O meŋ koŋ tage neɛ zaa ka o soba ba yeli sãã a merɛ ama na be a gampeɛle zu.[3]