Francis Aggrey Agbotse

Francis Aggrey Agbotse

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Francis
Dɔgebo bebiri	10 Ɔɔtoorebare 1944
Kɔkɔyelii, sɛge ne bee goligoluu	Bɔrefɔ
Tonnoɔre	Pɔleteesa, Lɔɔyɛ
Voaraa	Member of the 4th Parliament of the 4th Republic of Ghana, begemaale die ata mɛmba ko a Ghana republic anaare, Begemaale die ayi mɛmba a Ghana republic anaare eŋɛ
Zanne la	unknown value
Ŋmene bee sagediibu	Christian

Francis Aggrey Agbotse e la Ghana pɔleteesa ane mɛmba ko a Kataweɛ paati. O da e la a begemaale die anaare mɛmba a Ghana republic anaare eŋɛ ko a Ho-West Gbandige naŋ be a Volta Irigyiŋ poɔ, Ghana.

Nyɔvore Piiluu ane Ganzanne

O nyɛ la bakyila degeree ane akadɛmɛ major sociology poɔ.

Dompole

Agbotse e la Ghana lɔɔyɛ.

Politikal Dompole

Agboste e la mɛmba ko a kataweɛ paati. Agbotse sɛge la o yelerre mine naŋ e baabo ko a sakue bilii yelwonni a gbaŋgbale poɔ, ka a mine la library gama terebo daroŋ naŋ ta 60 miliyoŋ sidiri ko siinia sɛkɔndere sakue kaŋa zaa boma ayɔpõĩ ane a Amedzofe Teacher Training yi o MPs Common Fund ane ziiri mine.

O gaa la nimitɔɔre sɛge a yelnyɔgere mine eŋ pɛll ka ana la fentendigilii tage eŋ yie yaga naŋ be a Volta Irigyiŋ poɔ ane pɔmpere ko 75 Guinea worm endemic yie daroŋ naŋ ta 326,000 dɔɔlare ane sommo yi a Rotary International ane soe yelnyɔgere mine.

A 1996 Ghana gyɛmaa zaa nuneɛ wagere, o da nyɛ la 34,581 nuuri yi a 36,156 nuuri zaa lantaa neɛ soŋ naŋ manne ne 95.60% gaŋ Victoria Yaa Boahene a Nɔdaa paati bie naŋ da nyɛ 1,284 nuuri naŋ manne ne 3.55% ane Seth Kofi Bonso a People's National Congress bie naŋ da nyɛ 291 nuuri naŋ manne ne 0.80%.

2000 Nuneɛ

Ba da ɛlɛte la Agbotse ka o e begemaale die mɛmba ko a Ho West gbandige a 2000 Ghana gyɛmaa zaa nuneɛ eŋɛ. O da di la a nuneɛ a kataweɛ paati yuori eŋɛ.

O gbandige da poɔ la a begemaale die kogiri 17 na poɔ yi a kogiri 19 na poɔ a kataweɛ paati naŋ da di ana nuneɛ na poɔ ko a Volta Irigyiŋ. A kataweɛ paati da di la begemaale die kogiri noɔre 92 lantaa yageroŋ yi a kogiri 200 poɔ a begemaale die ata soba poɔ a Ghana republic anaare eŋɛ.

Ba da ɛlɛte o la ne 22,991 nuuri yi a 29,548 nuuri zaa lantaa neɛ soŋ. A ŋaaŋ da manne ne la 78.1% yi a nuuri zaa lantaa neɛ soŋ. Ba da ɛlɛte o la kyɛ bare E. Kafui Asem naŋ e Nɔdaa.paati bie, Grace Adinyira naŋ e National Reformed Party bie ane John Von Backustein naŋ e Wɔɔ paati bie. A bama da nyɛ la 4,377, 1,471 ane 596 nuuri seŋ anaŋ tutaa lɛ yi a nuuri zaa lantaa neɛ soŋ. A ama da manne ne la 14.9%, 5.0% ane 2.0% seŋ anaŋ tutaa lɛ yi a nuuri zaa lantaa neɛ.

2004 Nuneɛ

Ba da ɛlɛte o la ka o na e begemaale die mɛmba ko a Ho-West gbandige a Volta Irigyiŋ poɔ, Ghana, a 2004 Ghana gyɛmaa zaa nuneɛ eŋɛ.

O da di la a nuneɛ ne 26,065 nuuri yi a 31,602 nuuri zaa lantaa neɛ soŋ, ka o leɛ a begemaale die mɛmba ko a Ho-West gbandige a 4th begemaale die poɔ a Ghana republic anaare eŋɛ. Ba da ɛlɛte o la kyɛ bare Elizabeth Akua Ohene naŋ e wɔɔ paati bie ane Ellah Nancy Sifa a Every Ghanaian Living Everywhere paati bie.

A bama da nyɛ la 5,346 nuuri ane 191 nuuri yi a nuuri zaa lantaa neɛ soŋ. A ama da manne ne la 16.9% ane 0.6% yi a nuuri zaa lantaa neɛ soŋ. O gbandige da poɔ la a gbandigiri 20 na poɔ a kataweɛ paati naŋ da di ana nuneɛ na poɔ a Greater Accra irigyiŋ eŋɛ.

A zaa lantaa, a kataweɛ paati da di la begemaale die kogiri 94 a 4th begemaale die poɔ, a Ghana republic anaare eŋɛ.

Meŋɛ Nyɔvore

O e la kiristabie.