Francis-Xavier Kojo Sosu

Francis Xavier Kojo Sosu

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Francis
Dɔgebo bebiri	12 Fɛreboɔre 1979
Tonnoɔre	Lɔɔyɛ, human rights activist
Voaraa	Member of the 8th Parliament of the 4th Republic of Ghana
Zanne la	University of Ghana
Politikal paati mɛmba	Kataweɛ paati
Ŋmene bee sagediibu	Kiristaaloŋ

Hon. Francis Xavier Kojo Sosu( Ba dɔge o la 12 fɛboɔre 1979) yuoni poɔ, o e la Gaana lɔɔyɛ ane pɔletesean, o e la kataweɛ paate mɛmba (NDC). Pampana ŋa o poɔ la a begemaale die naŋ e anii soba a Gaana republic anaare eŋɛ naŋ are ko a Madina Gbandige.

O e la Deɛpete Duobu Mɛmba a ko bɛgɛ ganne ane begemaale die toma kɔmatee a begemaale die poɔ.

O Nyɔvore Piiluu Ane O Sakuuri Yɛlɛ

O yi la teŋa kaŋa ba naŋ boɔla Denu naŋ be a Volta irigyin poɔ, kyɛ ba doge o la Accra New Town. O da gaa la sakuuri ŋa ba naŋ boɔla John Grammar Siinia Haae Sakuuri. O taa la gama mine ba naŋ boɔla Bachelor of Arts(BA) (Honors), sociology poɔ a yi Gaana Univeniti aneŋ gama mine ba naŋ boɔla Bachelor of Law (LLB) a yi a sakuukpoŋ ŋa poɔ. O da lɛ gaa la nimitɔɔre a te gaa Sakuuri ŋa ba naŋ boɔla Gaana Bege Sakuuri a yineŋ Poroofesi Sefitikate naŋ da ko o sore ka o zanne lɔɔ toma, ka a lɛ da ko o vuo ka o kpɛ a Ghana Bar Association a 2010 yuoni poɔ. O lɛ taa la gama mine ba naŋ boɔla Master of Arts (MA) Degree nang be Economic Policy a yi a Economics Department naŋ be a Gaana Univeniti poɔ aneŋ Master of Philosophy (MPhil) a yi Conflict, Human Right ane Peace Studies a yi Ghana Univeniti naŋ be Winneba teŋa poɔ.

O Toma

O e la lɔɔyɛ. O da piili la lɔɔ toma a Legal Counsel Logan aneŋ Associates, sɛre ka o wa bɔ toma zie ŋa ba naŋ boɔla F-X Law ane Associates, ka o e Progressive Human Rights ane Public Interest Law Firm naŋ be a Accra a 2012 yuoni poɔ, Pampana ŋa o e la Managing Director a ko a toma zie ŋa.

O Begemaale Piiluu

Ba da ire o la ka o e a kataweɛ paate begemaale die mɛmba naŋ are ko a Madina Gbandige a 2020 begemaale die nu-neɛ poɔ, o da daa la noba bata a lɔɔ ane nuuri 661, ka bana la Sidii Abubakari Former Youth Organizer a ko a kataweɛ paate, o da nyɛ la nuuri 480 ane Ibrahim Husseini naŋ da nyɛ nuuri 217 ane Hadjia Rukaya meŋ naŋ da nyɛ nuuri 16.

A Nyɔgevennebare, 2015 yuoni poɔ o da kpɛlɛɛ fĩĩ a o neɛ na da e are a kogi ka ba boɔla Amadui Bukari Sorogho. Sosu da nyɛ la nuuri 1,486 kyɛ ka Amadu Bukari meŋ da nyɛ nuuri 1,738, Amadu Bakari da di la a kogi, o da e la neɛ naŋ da are ko a Madina Gbandige a yi 2005 yuoni poɔ kyɛ ka Abu Bakar Saddique Boniface da daa o lɔɔ a puoriŋ.

A 2020 vooten yuoni poɔ, Sosu da daa la Abu Bakar Saddique a lɔɔ, a dɔɔ ŋa da e la gɔmmenɛnte kpambeɛ a ko Zongo ane Inner Tengeng Maaloo, Sosu da nyɛ la vootere 62,127 kyɛ ka Abu Bakar meŋ da nyɛ vootere 46,985. Sosu da nyɛ la vuo a are ko a Madina vooten lomboori ŋa.

O Begemaale Leɛo

O da kpɛ la a begemaale die a are ko a Madina vooten lombori a yi a begemaale die naŋ e anii soba a 4th Republic of Gaana a 7 Gyɛnoɔre 2021 yuoni poɔ

O Kɔmɛtee Toma

O e la neɛ naŋ poɔ a Constitutional Legal aneŋ Parliamentary Affairs Kɔmɛtee ane Appointment Kɔmɛtee a begimaale die poɔ.

Omeŋa Nyɔvore

O taa la pɔge ka ba boɔla Felicia Adwoa Konadu, o taa la biiri banaare ba yoe la Marita Klenan Pokua Sosu naŋ e o bipɔge fɔra aneŋ bidɔba bayi ka ba boɔla Francis Xavier Kadi Jnr aneŋ Lan Xavier Eli Sosu. Ba bibaaraa yuori la Mia Gayra Ahenkan Sosu naŋ e bipɔge.