Emmanuel Asamoah Owusu-Ansah

Emmanuel Asamoah Owusu-Ansah

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Emmanuel
Dɔgebo bebiri	3 Fɛreboɔre 1950
Dɔgebo zie	Kumasi
Kūū bebiri	22 Gyoone 2012
Kɔkɔyelii, sɛge ne bee goligoluu	Bɔrefɔ
Tonnoɔre	Pɔleteesa, Lɔɔyɛ
Voaraa	Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Zanne la	International Institute of Social Studies, Ghana School of Law
Ŋmene bee sagediibu	Christian

Emmanuel Asamoah Owusu-Ansah (17 Gyoonoɔre 1939 – 22 gyoone 2012) da e la lɔɔyɛ ane Ghana pɔleteesa ko a Ghana Republic. Ona da la begemaale die mɛmba naŋ areko Kwabre West gbandige a Ashanti Irigyiŋ poɔ, Ghana a begemaale die anaare ane anuu eŋɛ a Ghana republic anaare eŋɛ. O da e la mɛmba ko a Wɔɔ paati.

Nyɔvore Piiluu ane Ganzanne

Ba da dɔge la Owusu-Ansah 17 Gyoonoɔre 1939 poɔ. O baa la Bomso naŋ peɛle Kodie, teŋɛ kaŋa naŋ be a Ashanti Irigyiŋ poɔ, Ghana. O da e la sakuubie ko a University of Ghana (UG). O taa la Bakyila of Science degeree economics poɔ yi a yuniveniti. O nyɛ la a degeree 1967 poɔ. O meŋ da la e la sakuubie ko The Hague naŋ be Netherlands poɔ. A yi be, o nyɛ la masa degeree Public Administration eŋɛ. A ŋaaŋ da e la 1974 poɔ. O meŋ da la e la sakuubie naŋ baare a Ghana School of Law. O nyɛ la Bakyila lɔɔ degeree yi a sakuuri 1986 poɔ.

Dompole

Owusu-Ansah da e la lɔɔyɛ karegyuu. Ona da la a judicial gansɛgerɛ a Judicial Service eŋɛ.

Politikal Dompole

Owusu-Ansah da e la mɛmba ko a Wɔɔ paati. O leɛ la begemaale die mɛmba a yi Gyɛnoɔre 2005 saŋa na o naŋ da wa di a gyɛmaa zaa nuneɛ a Disembare 2004 eŋɛ. O da la kpɛ la ɔfere o buyi soba eŋɛ. Ona da la a MP ko a Kwabre West gbandige. Ba da ɛlɛte o la ka o e begemaale die mɛmba ko ana gbandige ŋa a begemaale die anaare ane a anuu soba eŋɛ, a Ghana republic anaare poɔ.

Nuneɛ

Ba da ɛlɛte la Owusu-Ansah ka o e begemaale die mɛmba ko a Kwabre West gbandige naŋ be a Ashanti Irigyiŋ poɔ, Ghana, o fɔrɔ soba eŋɛ a 2004 Ghana gyɛmaa zaa nuneɛ eŋɛ. O da die la a Wɔɔ paati yuori eŋɛ. O gbandige da paale la a begemaale die kogiri 36 yi a kogiri 39 poɔ a Wɔɔ paati naŋ da di ana nuneɛ na poɔ ko a Ashanti Irigyiŋ. A Wɔɔ paati da di la 128 begemaale die kogiri yageroŋ yi a 230 kogiri poɔ. Ba da ɛlɛte o la ne 26,700 nuuri yi a 31,746 nuuri lantaa neɛ soŋ. A ŋaaŋ da manne ne la 84.1% yi a nuuri lantaa neɛ soŋ. Ba da ɛlɛte o la kyɛ bare Gabriel Amakye naŋ e a Kataweɛ paati bie. Amakye nyɛ la 5,046 nuuri yi a nuuri lantaa neɛ soŋ. A ŋaaŋ da manne ne la 15.9% yi a nuuri lantaa neɛ soŋ.

2008 poɔ, o da di la a gyɛmaa zaa nuneɛ a Wɔɔ paati yuori eŋɛ, ko ana gbandige na ne o zu. O gbandige da paale la a begemaale die kogiri 34 yi a kogiri 39 poɔ a Wɔɔ paati naŋ di ana nuneɛ na poɔ, ko a Ashanti Irigyiŋ. A Wɔɔ paati da die begemaale die kogiri 109 yageroŋ yi a 230 kogiri poɔ. Ba da ɛlɛte o la ne 27,460 nuuri yi a 33,516 nuuri lantaa neɛ soŋ. A ŋaaŋ da manne ne la 81.93% yi a nuuri lantaa neɛ soŋ. Ba da ɛlɛte o la kyɛ bare Joseph Boache Danquah naŋ e a People's National Convention bie, Pius Opoku Boateng naŋ e a kataweɛ paati bie, Osei Kwadwo naŋ e a Reformed Patriotic Democrats ane Akua Donkor naŋ e sommeŋɛ bie. A bama da nyɛɛ 3,329, 0, 729 ane 1998 seŋ anaŋ tutaa lɛ, yi a nuuri lantaa neɛ soŋ. A ama da manne ne la 9.93%, 0%, 2.18% ane 5.96% seŋ anaŋ tutaa lɛ yi a nuuri lantaa neɛ soŋ.

Meŋɛ Nyɔvore

Owusu-Ansah da e la kiristabie ane Presbyterian ŋmempuoro. O da be la kultaa die poɔ ane biiri banuu.

Kũũ̃

Owusu-Ansah kpie la Korle-Bu Teaching Hospital poɔ saŋa na o naŋ da le 22 gyoone 2012 poɔ.

Kaa kyɛ meŋ nyɛ

• MPs ba naŋ ɛlɛte a 2004 Ghana begemaale die nuneɛ eŋɛ yoe pɛll
• MPs ba naŋ ɛlɛte a 2008 Ghana begemaale die nuneɛ eŋɛ yoe pɛll