Donne Koɔbo Dakoroŋ saŋa

Saŋa saŋa na, Dagaaba da maŋ kɔ la ba weɛ ne ba meŋɛ faŋa bee ka ba de Donne mine boore a kɔ ne ba weɛ a maale ka o veɛle kyɛ ka ba baŋ bore boma o poɔ. Donne zaa naane ka ba da maŋ de kɔ ne ka Naabo bee Nii ane Bonne yoŋ naane. sɛre ka ba piili ne a nii bee bonne koɔbo, Ba da maŋ daŋ nyoore a la kyɛ baŋ de koɔrɔ neŋ. ka ba naŋ na nyoore aŋa nii, ba maŋ daŋ kparre a la,a vore a nyeɛ bee a nyɔboriŋ a eŋ a miri eŋ daa poɔ ka a yɔ beri awola kyɛ ka ba piili ne a koɔbo. A lɛ eebo da vɛŋ la ka a mili a koɔbo saŋa.Ba da maŋ de la kuuri eŋ a, a kɔ kyɛ la fɔre ne a kɔboma. ka a bonne wa la, ba maŋ eŋ a la nɔwoɔ,kyɛ de a miri na naŋ le a noɔre te eŋ a kuuri eŋɛ kyɛ ka neɛ pãã de weɛ a wulo a sori kyɛ ka kaŋa taa a kuuri a koɔrɔ neŋ. Baguo saŋa ka ba da maŋ taa a kɔ ne kyɛ ka ŋmenaa wa puri, ba maŋ kyɛre a la bare ka a pɛnne a kɔ moɔ kyɛ nyu kõɔ kyɛ ka ba la kparre a zemaane saŋa a kɔ ne.