Dan Kwasi Abodakpi

Dan Kwasi Abodakpi

human

Sex or gender	male
Country of citizenship	Ghana
Date of birth	27 Fɛreboɔre 1950
Place of birth	Ghana
Languages spoken, written or signed	English
Occupation	politician, educational theorist
Position held	Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana, Member of the 2nd Parliament of the 4th Republic of Ghana, Member of the 1st Parliament of the 4th Republic of Ghana, Minister for Trade and Industry
Educated at	University of Education, Winneba
Religion or worldview	Christian

Dan Kwasi Abodakpi (ba naŋ dɔge 27 Fɛboɔre 1950) e la Ghana pɔleteesa ane begemaale die anaare mɛmba a Ghana republic anaare eŋɛ, a areko a Keta gbandige naŋ be a Volta Irigyiŋ poɔ, Ghana.

Ona da la a Minisa ko Yɛroŋ ane Industry.

Nyɔvore Piiluu ane Ganzanne

Ba da dɔge la Abodakpi Keta naŋ be Volta Irigyiŋ poɔ, Ghana 27 Fɛboɔre 1950 eŋɛ. O gaa la a University of Pennsylvania a nyɛ o Doctor of Philosophy.

O meŋ la gaa la a University of Ghana a nyɛ o Bachelor of Science.

Dompole

Abodakpi e la kɛmekal eŋgyinia karegyuu eŋɛ ane o da e la a begemaale die anaare mɛmba, a Ghana republic anaare eŋɛ ko a Keta Gbandige a yi 1997 te tɔ 2009.

Pɔletese

Abodakpi e la kataweɛ paati mɛmba. Ba da ɛlɛte o la eŋ a fɔrɔ begemaale die a Ghana republic anaare poɔ 7 Gyɛnoɔre 1993 poɔ saŋa na ba naŋ da wa ŋmɛ peraa ka ona la di a 1992 Ghana begemaale die nuneɛ ba naŋ da e 29 Disembare 1992 poɔ.

A lɛ puoriŋ ka ba da la leɛ ɛlɛte o eŋ a begemaale die ayi soba poɔ, a Ghana republic anaare eŋɛ, saŋa na a Disembare 1996 Ghana gyɛmaa nuneɛ naŋ da wa baare, a kataweɛ paati yuori eŋɛ, ko a Keta Gbandige naŋ be a Volta Irigyiŋ poɔ, Ghana.

2000 Nuneɛ

Ba da ɛlɛte la Abodakpi ka o e begemaale die mɛmba ko a Keta gbandige a 2000 Ghana gyɛmaa zaa nuneɛ wagere. O da die a nuneɛ a kataweɛ paati yuori eŋɛ.

O gbandige da paale la a begemaale die kogiri 17 yi a kogiri 19 poɔ a kataweɛ paati naŋ da di ana nuneɛ na poɔ ko a Volta Irigyiŋ. A kataweɛ paati da di la begemaale die kogiri 92 yi a kogiri 200 poɔ bayageroŋ, a begemaale die ata soba eŋɛ, a Ghana republic anaare poɔ.

Ba da ɛlɛte o la ne 25,090 nuuri yi a 27,853 nuuri zaa lantaa neɛ soŋ. A ŋaaŋ da manne ne la 90.9% yi a nuuri zaa lantaa neɛ soŋ. Ba da ɛlɛte o la kyɛ bare Chris Archmann-Ackummey naŋ e a National Reformed Party bie, Emmanuel K. Vorkeh naŋ e a wɔɔ paati bie, Gladys Adzo Tsikpo naŋ e a Nɔdaa paati bie ane Ferdinanad Fiawoo-Piccolo naŋ e a People's National Convention bie. A bama da nyɛ la 898, 847, 519 ane 244 nuuri seŋ anaŋ tutaa lɛ yi a nuuri zaa lantaa neɛ soŋ. A ama da manne ne la 3.3%, 3.1%, 1.9% ane 0.9% seŋ anaŋ tutaa lɛ yi a nuuri zaa lantaa neɛ soŋ.

Meŋɛ Nyɔvore

Abodakpi e la kiristabie. O taa la biiri bayɔpõĩ (7), bipɔgeba banuu (5) ane bidɔba bayi (2).