Dagaraa Sori Tuubo Naaŋmene Yelbiri

Dagaraa Sori Tuubo Naaŋmene Yelbiri a kyaare neŋ Dagaaba Dagaraa sori tuubo.

A Piilu Puoruu

N Daana Yeezu, fo seŋ ne la puubu zaa, nyɛ te naŋ wa gbi dumo fo niŋesogɔ, a sɔrɔ ka fo zo te nembaaloŋ ane a Kiristabiiri banaŋ zaa naŋ kpi nembaaloŋ. Sage e ka a fo woore kpoŋ ŋa yɛlɛ te naŋ boɔrɔ ka te leɛ-teɛre ko te kannyiri. Vɛŋ ka a yɛlɛ ama dɔ̃ɔ̃ te sukyie ka te kyiiri te yelbebe, kyɛ taa kannyiri te yeltuo zaa poɔ. Maria Soŋ, Naaŋmen Ma, fõõŋ da daŋ tu a Dagaraa sori ŋa. Mɔgle a Trinitati Soŋ ko te, ka a Dagaraa sori zuiŋ ka te kyiiri te yelbebe ane nɔmmo, kyɛ dɔgre te menne, a leɛ maale a tombebe na zaa te nsŋ erɛ saana Naaŋmen ane te taaba.

Yieluŋ Sagebo

Nensaala nyɛ fo zuiŋ la, Ka Yeezu sage nyu zuŋmane koɔ, K’O eŋɛ sãã ne feɛbo. E Saa naŋ be Dapare poɔ......Yaane Maria....Ka Saa ne Bie ne Vooroŋ Soŋ. Te Daana zo te nembaalon Zo te nembaaloŋ. Ka Naaŋmen zo te nensonne naŋ kpi kyɛ ka ba ta Dapare.

Ba Di La Yeezu Sɛrɛɛ

Te puoro fo Yeezu Kirista kyɛ enne fo. Fo naŋ faa noba zaa ne fo Dagaraa zuiŋBa da taa la Yeezu gaane Gɔbena zie a te e ka O are O niŋesogɔ, ka a Gɔbena soore: Boŋ ka yɛ boɔrɔ ka N e ne a Yeezu naŋ di a Kirista? Ka ba zaa yeli O: “Kpa O Dagaraa zu.” Ka a Gɔbena soore ba: “Boŋ ka O saa?” Ka ba kyeere yaga zaa a yeli: “Kpa O Dagaraa zu.” A Pilato eɛ la ka ba feɛ a Yeezu, kyɛ ka O paa de O ko ba ka te kpa a Dagaraa zu (Matio 27:1, 22, 26).Yeezu Soŋ, ba di la fo sɛrɛɛ a yeli ka fo seŋne la kũũ, a paa de Dagaraa tuo fo. Fooŋ la soŋ zaa Daana kyɛ te nensaala yelbebe zuiŋ ka fo sage na kpi a Dagaraa zu.Yeezu soŋ, N nɔnɔ fo la ne N poɔ zaa, kyɛ sɔrɔ fo graseɛ naŋ na soŋ ma ka N kyiii N yelbebe zaa. Ta vɛŋ ka N la saa fo poɔ. Te Saa naŋ be Dapare poɔ......Yaane Maria....Ka Saa ne Bie ne Vooroŋ Soŋ.

Yeezu Tuo La O Dagaraa

Te Puoro fo Yeezu Kirista kyɛ eŋɛ fo. Fo naŋ faa noba zaa ne Dagaraa zuiŋ. Ba da taa la Yeezu yine a te e ka O tuo O meŋɛ Dagaraa gaa ne a zie na ba naŋ boɔlɔ Golgotha, a tɛgɛ la: “Zukoɔre zie.” A be la ka ba te kpa O a Dagaraa zu (Gyɔɔn 19:16-17). Yeezu Soŋ, ba de la Dagar-tegroŋ tuo fo, ka fo taa do ne Kalvare Taŋ. Ama wuli ma la ka ka maa boɔrɔ fo tuubu a fere ma la ka N sage tuo tegroŋ a seŋ fo naŋ da yeli lɛ: “Onaŋ soba zaa naŋ boɔrɔ N tuubu, O bare O eŋɛ noɔ, kyɛ de O Dagaraa tuo biezaa a tuuro ne ma.” Yeezu Soŋ, soŋ ma ka N de a teŋɛ zu tuo zaa ne popeɛloŋ.Te Saa naŋ be Dapare poɔ.....Yaane Maria....Ka Saa ne Bie ne Vooroŋ Soŋ.

Yeezu Leebo Dendɛŋ Soba

Te puoro fo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋ. Yeezu Soŋ, fo nyɛ la baloo yaga a fo sɛrɛɛ diibu eŋɛ, kyɛ ka a naŋ fere ka fo tuo Dagar-tegroŋ ŋa. Anaŋ so ka fo tuŋ le. Kyɛ ba sɛge la a Ŋgmen gane poɔ: “A Daana na de la O nemmeŋɛ gbɛɛ. Ka Onaŋ le meŋ kyɛ O ba kpiire. A Daana na nyɔge O la ka O iri.” (Yieluŋ 37:23). Yelmeŋɛ zaa, a Dagaraa tegroŋ naane e ka fo le. A te yelbebe tegroŋ la dii fo lɔɔ ka a solgyɛre paa ŋmeɛrɛ. Yeezu Soŋ, soŋ ma ka N dɔgrɔ N megɛ N yelbebe zuiŋ. Te Saa naŋ be Dapare poɔ....Yaane Maria...Ka Saa ne Bie ne Vooroŋ Soŋ.

Yeezu Tuori La O Ma

Te puoro fo Yeezu Kirista kyɛ ennɛ fo. Fo nsŋ faa noba zaa ne fo Dagaraa zuiŋA Yeezu Ma da are la a Dagaraa puliŋ. A Yeezu naŋ wa nyɛ a O Ma ane O potuuro na O naŋ nɔnɔ ka ba are, O yeli ko la a O Ma: “Pɔge, nyɛ a fo bie”, kyɛ leɛ yeli ko a potuuro meŋ: “Nyɛ fo Ma” (Gyɔɔn 19:25-27). Yeezu Soŋ, a fo Ma da nyɛ la a fo woore ka O poɔ saa yaga. Bebigbul zaa ka O ba nyɛ fo, kyɛ deɛ wa nyɛrɛ fo zaa, ka fo gɛrɛ kũũ. Maria, N zuiŋ la ka a Bie nyɛrɛ a dɔgɛɛ ŋa, lɛnso, daŋ tɔɔ bara ma N kũũ saŋa. Te Saa naŋ be Dapare poɔ...Yaane Maria....Ka Saa ne Bie ne Vooroŋ Soŋ.

Simon Naŋ Soŋ Yeezu Tuo O Dagaraa

Te puoro Kirista Kyɛ ennɛ fo. Fo naŋ faa noba ne Dagaraa zuiŋ“Ba naŋ kyɛnɛ a sori poɔ, ba nyɛ la dɔɔ kaŋ yi Saariŋ , ka O di Simon. Ka ba fere O k O tuo a Dagaraa. Ka ba te ta zie na ba naŋ boɔlɔ Golgotha, a tɛgɛ la “Zukoɔre zie“. Ba da de la logi puli ne daa ko O ka O nyu. Kyɛ O naŋ wa lɛnne a kaa, O zagrɛɛ la, O ba nyu a”. (Matio 27:32-34)Yeezu Soŋ, fo bale la yaga ka dabeɛ bebe ka fo na kpi la a sorŋ. Lɛnso ka ba fere Simon ka O soŋ fo tuo a Dagaraa. N meŋ boɔrɔ na soŋ fo la. M baŋ ka yelbebe tegroŋ la wono fo. Lɛnso N ba boɔrɔ ka N la e yelbieri zaa. Soŋ ma ne fo garaaseɛTe Saa naŋ be Dapare poɔ.....Yaane Maria....Ka Saa ne Bie ne Vooroŋ Soŋ.

Veronica Eɛre La Yeezu Wale

Te puoro fo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋYeezu Soŋ, zẽẽ, wale ane uuroŋ page la fo niŋe ka o ba la taa kaabo. Veronica naŋ baŋ a fo niŋe naŋ da veɛlɛ lɛ, O nyɛ o la ka nembaaloŋ taa O. Lɛnso ka O de pɛne a meele ne o. Fo wuli O la ka yeli ŋa O naŋ e ka fo poɔ pɛlɛɛ la, lɛnso ka fo bare fo enfuoni a pɛne eŋɛ. N boɔrɔ la ka N meŋ tɔglɔ a Veronica e-soŋ ŋa kyɛ N ba taa kannyiri ka a seŋ. Soŋ ma ne fo garaaseɛ ka N taa N taaba nembaaloŋ. Te Saa naŋ be Dapare poɔ....Yaane Maria....Ka Saa ne Bie ne Vooroŋ Soŋ.

Yeezu Leebo Boyi Soba

Te puoro Yeezu Kirista kyɛ eŋnɛ fo: Fo naŋ faa noba zaa ne fo Dagaraa zuiŋYeezu Soŋ, yelmeŋɛ zaa, yelbebe tegroŋ la wono fo, lɛnso ka Simon sommo na waa weëlɛ fo zie. Fo naŋ le a boyi eŋɛ kyɛ naŋ kyɛnɛ iri tu a sori, soŋ ma ne fo garaaseɛ ka N meŋ yi N yelbebe poɔ a tɔɔ la peɛlɛ yelzaa naŋ na e ka N la saa fo poɔ. N na derɛ la yelbebe pɛgoo ane Ukaristi boyi boyi a na toɔ̃ tu fo sori velaa. Te Saa naŋ be Dapare poɔ...Yaane Maria...Ka Saa ne Bie ne Vooroŋ Soŋ.

Yeezu Yeli La Yɛlɛ Ne Gyɛruzɛlɛm Pɔgeba

Te puoro fo Yeezu Kirista kyɛ ennɛ fo. Fo nŋ faa noba zaa ne fo Dagaraa zuiŋA Yeezu leɛ kaa ba a yele: Jerusalem pɔgeyaare, yɛ ta kono N zuiŋ. Yɛ kono yɛ menne ane yɛ biiri zuiŋ. A bebiri tara la ka ba na yeli: “Pɔge ɔrre, yɛ nyɛɛ zunoɔ, yɛ naŋ daŋ ba dɔge, ka biiri ba ɛnne yɛ berɛ.” A noba na piili yele la a taŋ kponni: “Yɛ le page te.” Kyɛ yeli a taŋ bilii, “Yɛ page te.” Ka damaara nyɔge vuu dire, aŋ na la yele dakuone meŋ yɛlɛ.” (Luka 23:28-31)Yeezu Soŋ, Jerusalem pɔgesonne mine ane ba biiri da nyɛ fo la fo dɔgɛɛ poɔ, a nyɛllɛ nentaŋ. Fo sereŋ taa la nyonono. Kyɛ fo ba kɛllɛ fo meŋɛ dɔgɛɛ. Lɛ ka fo yeli ko a pɔgeba ŋa: “Yɛ kono yɛmenne ane yɛ bibiiri zuiŋ. Ka damaara nyɔge vuu dire, aŋ na la yele dakuoni meŋ yɛlɛ.” Yeezu Soŋ, ta sage ka N wɛ N yelbebe zuiŋ. Te Saa naŋ be Dapare poɔ....Yaane Maria...Ka Saa ne Bie ne Vooroŋ Soŋ.

Yeezu Leebo Bota Soba

Te puoro fo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋ. Yeezu Soŋ, Kalvari Taŋ pãã peɛlɛɛ la, kyɛ baloo ba sage ka fo ta. Lɛnso ka fo tuŋ le, kyɛ iruu yɛlɛ waa tuo. Nimizeɛ la ka fo do a taŋ. Ama wuli ma la ka kannyir la yelzaa. Soŋ ma ne fo garaaseɛ ka N tu fo sori velaa te ta N kũũ saŋ. Te Saa naŋ be Dapare poɔ....Yaane Maria...Ka Saa ne Bie ne Vooroŋ Soŋ.

Ba Yage La Yeezu Kparre

Te puoro fo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋ“Ba de la Yeezu yɛrmɛ poŋ ziiri anaare ka ba zaa kaa-iri A O kpar-kpoŋ da ba taa seɛroŋ, a yi a kɔkɔre kyɛ te ta a gbɛɛ. Lɛnso ka ba yeli ko taa, yɛ ta e ka te kyẽɛ̃ o, yɛ e ka te ŋmɛ gbaŋ nyɛ, aŋ na di. A da e la lɛ ka a yɛlɛ na ba naŋ sɛge eŋ a Ŋmen gane poɔ tu a tuubu: Ba de la N yɛrmɛ poŋ taa, kyɛ ŋmɛ gbaŋ N kparoo eŋɛ.” (Gyɔɔn 19:23-24)Yeezu Soŋ, fo pãã nareŋ taɛ la, ka ba de a Dagaraa biŋ teŋɛ. A nenfaare ŋa ba zoro vi. Ba yage la fo boma zaa kyɛ bare fo ka fo are a lɛ, ka a endaa zaa waa fel-zeɛ. Yeezu Soŋ, a fo dɔgɛɛ ŋa zuiŋ, ko ma faŋ ka N toɔ̃ taa N meŋɛ velaa, a ta sãã N taaba yɛlɛ ne nembazovi toma. Te Saa naŋ be Dapare poɔ....Yaane Maria....Ka Saa ne Bie ne Vooroŋ Soŋ.

Ba Ba La Yeezu a Dagaraa Zu

Te puofo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋ“Ba naŋ ta a Golgotha, ba gaale la a Yeezu a Dagaraa zu, a ba O nuuri ane O gbɛɛ a Dagaraa eŋɛ. Ba da kpa la dɔba mine meŋ a be, ka kaŋ be a Yeezu doloŋ seŋ, ka kaŋ meŋ be O gɔɔ seŋ, kyɛ ka a Yeezu be a ba sɔgɔŋ. Pilato da sɛge la yelbie ama eŋ a Dagaraa zu.

“Yeezu Nazareth Bie, A Gyuumine Naa” (Gyɔɔn 19:17-18).

Yeezu Soŋ, fo Saa nɔmmo ane fo faabo zuiŋ la so ka fo sage ka fo dɔndɔne ba fo a Dagaraa zu. A waa tuo yelmeŋɛ, kyɛ fo kyaare la a zaa ne nyaa, a baŋ ka fo Saa toma la. Ama wuli ma la ka yelzaa ba wono ma weɛlɛ. N Saa Naaŋmen maŋ baŋ ne a la kyɛ bare N maaloo zuiŋ. Yeezu Soŋ, soŋ ma ka N tɔglɔ fo eebo. Te Saa naŋ be Dapare poɔ....Yaane Maria...Ka Saa ne Bie ne Vooroŋ Soŋ.

Yeezu Kpi La A Dagaraa Zu

Te puoro fo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋ“Yeezu paa baŋ ka a yɛlɛ zaa baarɛɛ la, lɛ la ka O yeli: ‘Kɔnnyuuri kpeɛrɛ ma la.’ Ba da biŋ la doge a be ka o paalene daa miiruŋ. Lɛ la ka ba de lɔrɔ nyu ne a daa miiruŋ paale, a de dalee kyage ne turi eŋ O noɔreŋ ka O nyu. A Yeezu naŋ wa te lɛne a miiruŋ kaa, O yelee la: A paa baarɛɛ la.' Kyɛ suli O zu a ŋmaa vooroŋ.” (Gyɔɔn 19:28-30) Yeezu Soŋ, fooŋ kpeɛo zaa soba, kyɛ sage ka nenfaare ba fo Dagaraa zu a paa are laara, ko ma fo garaaseɛ ka N ta taa neɛ zaa ne poɔ. Fo dɔndɔnne da dɔgre fo la, kyɛ ka fo meŋ puoro korɔ ba a yele: N Saa, di suuri ko ba. Fo da taa la te zaa teɛroŋ, a de te eŋ fo ma nuuri poɔ, ka O na waa te zaa ma.Taa a yeli ŋa teɛroŋ kyɛ ta sage ka N kpi kũũ faaTe Saa naŋ be Dapare poɔ....Yaane Maria....Ka Saa ne Bie ne Vooroŋ Soŋ.

Ba Yage La A Yeezu A Dagaraa Zu

Te puoro fo Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋ“Joseph naŋ yi Arimatea da gaa te sɔre la Pilato ka ka O te de a Yeezu eŋɛ.A Pilato ko o la sori, ka O paa gaa te yage a Yeezu eŋɛ a Dagaraa zu.” (Gyɔɔn 19:38)Yeezu Soŋ, fo bamine zo la fo kuori. Ba ysge fo la eŋ fo ma gbɛɛ poɔ, ka O maŋ kaa, ka fo ba la waa seŋ koroŋ. A goore, a pimbie ane a kpane saa la fo eŋɛ zaa. N ma Maria, N baŋ ka N yelbebeŋ so ka fo bie waa ŋaa zenɛ. A kpɛ ma la yaga. Bɔ garaaseɛ ko ma ka N tɔɔ la erɛ yelfaa naŋ saana fo ne fo Bie poɔ. Te Saa naŋ be Dapare poɔ...Yaane Maria....Ka Saa ne Bie ne Vooroŋ Soŋ.

Ba ũũ La Yeezu

Te puoro Yeezu Kirista kyɛ ennɛ fo. Fo naŋ faa noba zaa ne fo Dagaraa zuiŋNicodemus meŋ da taa la turaali, ka a tegroŋ zinziŋ ba poɔrɔ ka O wane ka ba eŋ pɛmɛ poɔ pilli ne a Yeezu eŋɛ, a tu a Jewmine kũũ uumu tuulo. Ya paalaa kaŋ da be la a gaaden na poɔ ba naŋ kpa O a Dagaraa zu, ka neɛzaa naŋ ba uu o poɔ sɛre. A be la ka ba uu a Yeezu, bonso, a da waa la Jewmine nyaa zie Ista Tigri kyɛ ka a ŋa yoŋ la a yaa naŋ peɛle a be.” (Gyɔɔn 19:42)Yeezu Soŋ, a yɛlɛ zaa baarɛɛ la. Ba de la fo eŋɛ sɔgle kyɛ paa yaare. Fo Ma kpaara kono la O naŋ waa O yoŋ zenɛ zuiiŋ, kyɛ O de la fo yɛlɛ, ka fooŋ la a nyɔvore: ka kũũ ba taa fo yel- eraa. Ista daare ka vi na di kũũ. Ka maa meŋ zoro yelbieri, kũũ ba erɛ ma yelzaa. Soŋ ma Ka N kyiiri N yelbieri zaa. Yeezu Soŋ, N naŋ tu a fo dɔgɛɛ sori ne posãã, e ka N nyɛ fo dɔɔloŋ leɛ-iruu ane popeɛloŋ naŋ ba taa baaroo te Saa yiri poɔ. Te Saa naŋ be Dapare poɔ...Yaane Maria...Ka Saa ne Bie ne Vooroŋ Soŋ.

A Baaroo Maaloo

Ba naŋ baare a Dagaara sori tuubu, ba naŋ toɔ̃ yieli la yieluu ŋa: Zo te nembaaloŋ. A Pirisi pãã na maale ba la. Ka a te Daana Yeezu Kirista ba naŋ feɛ te zuiŋ, a da e ka O tuo O Dagaraa gaa ne ka ba te kpa O a Dagaraa zu te faabo zuiŋ, ka O maale te zaa.