Daga Kale Dogebu

Daga pɔgeba taa la ba zeɛre boŋkaŋa ba naŋ maŋ doge a eŋ ba zeɛre boma ka ba naŋ wa dogrɔ zeɛre ka o na la kale. Ziiri mine Ba maŋ boɔle a la kpale. A kale bee kpale ŋa taa la dogebu kaŋa ba naŋ maŋ doge eŋ zeɛre poɔ ka a taa bēē bee a taa noɔ a zeɛre poɔ. Dɔzu la ka ba maŋ de doge ne a kale ŋa. Ba maŋ de la bondogelaa a eŋ a dɔzu kyɛ eŋ kõɔ a dogele kyɛ eŋ a vūū yaga ka a na tõɔ be. Ka a naŋ wa be baare,ba maŋ kɔre bee yaa a la a neɛ bee tɔ ne beeree a ka fo kyɛ ka ba de sigi baa bee kolaa poɔ te pɛge ne ɔiŋ. Ka ba naŋ wa pɛge a baare, ba maŋ iri la a bonfoglo bare kyɛ leɛ doge ka a be. Ba pãã maŋ kyɔɔra pɔge la a de biŋ kyɛ doge a zɔŋ ka a gaŋ ta beri ata a pãã ɔre. A beri anaare daare ka ba maŋ de yi yeŋe a gbuli a ne kõɔ fēē kyɛ de biŋ ŋmenaa ka a poɔ ka a ko.

Kale/ kpale Tona

1. Te maŋ nyɛ la libie a yi a kale koɔroo.
2. A maŋ baŋ veŋ la ka zeɛre gɛrɛ zele bee taa bēē.
3. Te maŋ de a la a sanne ne zēēzuo baaloŋ
4. A maŋ leɛ la nembaala nɛmɛ bee nɛne.