DAGAARE PUORUU LANTAA.

DAGARAA MANNOO.Saa ne Bie ne Vooroŋ Soŋ yuori eŋɛ.Amiina/Amen.

1Yε Maŋ Puoro

YELZU GAMPɛlɛ

1. Dagaraa manno ………………………………1

2. A Daana puoru…………………………..…. ..2

3. Yaane Maria……………………………..…. ..3

4. Trinitati soŋ danno.. …………………..….......3

5. Te Daana Yeezu ………………………….......3

6. Babie saŋ puoru ……………………………....3

7. Gbaŋgbaŋ saŋ puoru …………………….........6

8. Dapare Pɔɔnaa ……...…………………….......7

9. Diibu saŋ puoru …………………...……….....7

10.Dibaaro saŋ puoru …………………………....7

11.Toma saŋ puoru ………………………………8

12.Maria puoru …………………………………..8

13.Vooroŋ soŋ puoru ……………………….........9

14.Yideme puoru ………………………………...9

15.Zimaane saŋ puoru ……………………….......10

16.Yelbebe pεgoo saŋ ……………………….......11

17.Rosary puoru danno.. ………………………...13

18.Yaane Pɔɔnaa ………..……………………….15

19.Maria soŋ puubu yεlε. …….………………….16

20.Tanguɔ catena ………………………………..20

21.Grasia pommo ………………………………..21

22.Maria Tanguɔ puoru ………………………….21

23.Yeezu sukyiri soŋ puubu ……………………..22

24.Misa poɔ yel-sɔgoo…………………………. ..25

25.Yukaristi ameseεrε puoru ………………….…27

26.Anima Christi ………………………………...28

27.Bibilography/Reference……………………....29

Saa ne Bie ne Vooroŋ Soŋ yuori engε͂. Amen.

2A DAANA PUORU (The Lord’s Prayer)

Te Saa naŋ be Dapare poɔ,

Ka Fo youri waa soŋ, ka fo naaloŋ wa.

Ka Fo poteεrε maale teŋε͂zu,

A seŋ o naŋ maale Dapare poɔ.

Ko te bondirii zine ka a seŋ te.

Di a te yelbebe suuri ko te, a seŋ te naŋ dire suuri korɔ te taaba

E ka te ta sag bεllε.

Iri te yelfaare poɔ. Amen.

3 YAANE MARIA….. (Hail Mary)

Yaane Maria, Fo zu noma la yaga, Naaŋmen be la Fo zie,

Naaŋmen maale Fo la gaŋ pɔgba zaa, kyε Fo poɔ bie Yeezu nyεrε

puubu.

Maria soŋ Naagmen ma, puori Naaŋmen ko te, te naŋ waa yelbebe

deme, pampana ŋa ane te kuu daare. Amen.

TRINITATI SOŋ DANNO (GLORY BE)

Ka a Saa ne Bie ne a Vooroŋ soŋ nyεrε puubu Pampana ŋa, seŋ Koroŋ zaa ne beri zaa. Amen.

TE DAANA YEEZU,….

Te Daana Yeezu, di a te yelbebe suuri ko te,

Faa te dazugu vuu poɔ. Taa a seere zaa kpεne Dapare,

Zuo a zaa, banaŋ naŋ sɔrɔ sudi.

BEBIE SAŋ PUORU

Saa ne Bie ne Vooroŋ soŋ yuori eŋε. Amen.

Naaŋmen, yuomo zaa soba, kpeεo zaa Daana, Saa ne Bie ne 

Vooroŋ Soŋ, N puoro fo la. Fo͂o͂ la N ire, Fo͂o͂ la N Daana. Fo naŋ

e ka N ta zinε, N pa͂a͂ puoro fo la ameseεrε. N de la N poteεre ane

4 N yelyelli ane N eebo ane N dɔgεε a ko Fo. Soŋ ma ka N ire Fo

yuori kyε sagra Fo nɔε. De N puoru ane N eebo ane N toma tɔnɔ,

a soŋ ne noba ka ba baŋ Fo kyε noŋ Fo. Indulgensia zaa N naŋ na

tuɔ͂ nyε zinε, N boɔrɔ la ka N de a zaa.

Te Saa naŋ be Dapare poɔ…..

Yaane Maria …………

N de la ŋmene yεlε (The Creed)

N de la Naaŋmen Saa, kpeε͂o zaa Daana, sazu ne teŋε zaa Ire yεlε,

N de la Yeezu Krista Naaŋmen Bidoo-yeni, te Daana yεlε.

Vooroŋ-soŋ e ka Maria Bitoro, taa O poɔ te dɔge, a woŋ tuo, Ponsi

Plato naaloŋ diibu saŋ, ka ba kpa O dagaraa zu, ka O kpi, ka ba

u͂u͂: ka O da sigi a kpẽẽne zie; a yi O meŋε beri ata dare, a do

dapare, te zeŋ a Naaŋmen Saa, kpẽεo zaa Daana nudoloŋ:

O na yi

la be wa, a wa di voba ane kpẽẽne sεrεε.

N de la Vooroŋ Soŋ yεlε, Laŋne Katoli soŋ yεlε, a nensonne

sontaa yεlε, yelbebe suuri diibu yεlε, kuuni yiibu ane nyɔvore naŋ koŋbaŋ baare yεlε. Amen.

Yeldeebo Puoru

Naaŋmen, N de la Fo yεlε, Fo naŋ waa yelmeŋε soba zuiŋ.

Yeli zaa Laŋne Soŋ naŋ derε kyε wullo te, N de la a zaa, a naŋ yi Fo zie kyε ka Fo koŋ toɔ tuli, a koŋ toɔ bεlle meŋ.

Kyilloo Puoru

5.Naaŋmen kpẽεo ane Soŋnoo Daana, a Yeezu Krista yelveεli tɔnɔ zuiŋ ane fo naŋ eŋ noɔre kyε koŋ baŋ luuri zuiŋ so, ka

N kyellε ka Fo na ko ma la grasia teŋ zu, kyε ka ma͂a͂ seriŋ

sagra Fo nɔε, Fo na koma la nyɔvo-ba-baaraa.

Nommo Puoru

Naaŋmen, Fo Soŋnoo ane Fo nɔmmo naŋ ba taa mannoo zuiŋ so, ka N nɔnɔ Fo ne N sukyiri zaa, a gaŋ bon zaa: kyε N naŋ

nɔnɔ Fo meŋ n so ka N nɔnɔ N taaba zaa seŋ N meŋε.

Maria Soŋ Puoru

Bitoro Maria soŋ, noba yaga kpε la fo Naayiri a sɔre ka Fo

soŋ ba puori Naaŋmen ko ba, kyε neε zaa daŋ ba woŋ ka Fo

zagre ba kaŋ zaa. A lεnso ka N meŋ kyellε yaga.

Te ma naŋ waa Bitoro meŋε, N yelbebe waa la yaga yelmeŋε,

N zowa la Fo zie, a gbi dumo Fo niŋeŋ, ya͂a͂ ya͂a͂,

Naaŋmen Bie-Ma, ta zagre N puoru, kyεllε kyε sage.

Malke Guuro Puoru

malke soŋ, Naaŋmen naŋ noŋ ma, a iri fo ka fo waa

N guuro, ko ma yεŋ veεloŋ, guuro ma, wuli ma a sori kyε kaara

N zu velaa. Amen.

Ninsoŋ-segraa Puoru

N ninsoŋ-sigraa, soŋ ma Naaŋmen zie puori Naaŋmen ko ma. Amen.

Ninsonne Puoru

Ninsonne zaa, yε puori Naaŋmen ko te. Amen.

GBAŋGBAŋ SAŋ PUORU/ ANGELUS:

V. Naaŋmen maleke yeli Maria ka O na leε la Naaŋmen ma R. Vooroŋ soŋ e ka Naaŋmen Bie sigi Maria poɔ.

V. Yaane Maria, Fo zu noma la yaga, Naaŋmen be la Fo zie,

Naaŋmen maale Fo la gaŋ pɔgba zaa, kyε Fo poɔ bie Yeezu nyεrε puubu.

R. Maria soŋ Naagmen ma, puore Naaŋmen ko te, te naŋ waa yelbebe deme, pampana ŋa ane te kuu daare. Amen.

V. Nyε ma Naaŋmen tontona la ma.

R. Ka O e seŋ fo naŋ yeli lε.

(Yaane Maria……………….)

V. Naaŋmen yelbir pa͂a͂leε la nensaala.

R. A wa zeŋ te sogɔŋ.

(Yaane Maria………………….)

V. Naaŋmen Ma-soŋ puori Naaŋmen ko te .

R. Ka te seŋne anaŋ zaa Yeezu naŋ da eŋ noɔre ko na ko te la.

Ka te puori:

7.Naaŋmen a maleke naŋ da wuli te ka baŋ a fo bie Yeezu Krista ninsaala leεbo yεlε, pa͂a͂ eŋ fo grasia te seereŋ ka Yeezu Krista dɔgεε ane O dagaraazu kuu zuiŋ, ka te nyε O kuu yiibo tɔnɔ.

Te Daana Yeezu Krista yuori eŋ. Amina.

DAPARE PɔɔNAA (Regina Caeli)

L. Dapare pɔɔnaa, taa popeεloŋ, alleluia

R. On na fo naŋ seŋ O poɔ taao, alleluia

L. Yie la seŋ O naŋ yeli, alleluia

R. Puori Naaŋmen ko te, alleluia

L. Maria Bitoro, taa popeεloŋ, alleluia

R. Te Daana naŋ yi yelmeŋε, alleluia.

Ka te puori:

Naaŋmen, fo naŋ da sage ka fo Bie, te Daana Yeezu Krista kuuni leε-iru zuiŋ, ka a teŋε taa popeεloŋ, te sɔrɔ Fo la ka Fo e ka O Ma Maria Soŋ zuiŋ, ka te nyε vooroŋ naŋ ba taa baaroo popeεloŋ.

Te Daana Yeezu Krista eŋε. Amen.

8.DIIBU SAŋ PUORU

A Diibu saŋ Puoru Naaŋmen, maale te ane a kyɔɔtaa ŋa fo naŋ ko te ka te na di.

Te Daana Yeezu Krista eŋε. Amen.

A Dibaaroo Puoru Naaŋmen kpeε͂o zaa Daana, te puoro fo la ameseεrε ne a kyɔɔtaare zaa fo naŋ ko te. Te Daana Yeezu Krista eŋε. Amen.

TOMA SAŋ PUORU

A Toma Puoru Naaŋmen maale te, kyε e ka te toma maale. Fo͂o͂ la maala te ane a toma te naŋ tona. Te Daana Yeezu Krista eŋε. Amen.

A Toma Baaroo Puoru Naaŋmen, te puori Fo la ameseεrε ne fo naŋ maale te ane a toma te naŋ toŋ. Te Daana Yeezu Krista eŋε. Amen.

MARIA PUORU

Naaŋmen Ma-Soŋ, te zo wa la fo zie; fo naŋ waa Bitoro a taa puubu ane maaloo, ta wa zagre te sɔroo nanŋ naŋ taa te saŋ, kyε iri te yeltuo zaa poɔ. Amen.

9 VOOROŋ SOŋ PUORU

L. Vooroŋ Soŋ wa paale fo nimmene sukyie ane fo meŋε͂.

R. Kyε e ka fo nɔmmo waa kpoŋ ba pooriŋ.

L. Ko ba fo Vooroŋ, kyε bana leε la nimpaaba.

R. Lε, Fo pa͂a͂ na maale la dunεε zaa yεlε.

Ka te puori Naaŋmen, Fo naŋ da e ka Vooroŋ Soŋ kyaane fo nimmene yεŋ, la e ka O kyaane te meŋ yεŋ, kyε e Ka O zuiŋ ka te nyεrε popeεloŋ tegteglε.

Te Daana Yeezu Krista eŋε. Amen.

YIDEME PUORU

Te Daana Yeezu, nyε te yideme zaa naŋ wa gbi dumo Fo zie. Te de la te menne ko fo nimizeε zaa. Te de la te popeεloŋ yεlε ane te yeltuuri zaa eŋ fo nuuri poɔ.

Sage e ka te yiri nyε maaroŋ aŋa Fo deni naŋ da nyε maaroŋ lε. Ko te seε-veεloŋ milluu. Ko te nɔmmo-milluu. Sage guuro te yeni yeni zaa. Maale te banaŋ naŋ be a kyε ane te banaŋ naŋ kyebe.

Zo te yideme nin-kuuni nembaaloŋ. Maria Soŋ, Fo naŋ waa Yeezu Ma-nɔnaa, kyε waa te neŋ ma, puori a Yeezu ko te yideme, puori O ko a tendaa yedeme zaa. Sɔre O Ka O kaara te bilεεre zu. Sɔre O, Ka O tuuro a te bibiiri naŋ be a sukuuli poɔ puori, a soŋ ba ka ba iri ba tontonaa a seŋ Naaŋmen naŋ boɔrɔ lε. Joseph Soŋ, Yeezu ne Maria Guuro, soŋ te ne fo puoru, ka te toɔ͂ nyε te nyɔvore bomboɔre zaa. Kaara a te yiri zu. Pigre te baalba ane banaŋ naŋ ŋmaara vooroŋ, ka bie 10 kaŋ, ka te zaa wa laŋtaa ne Yeezu ne Maria ane Fo, a nyɔvore naŋ ba taa baaroo yiri poɔ. Amen.

ZIMAANE SAŋ PUORUU

Naaŋmen, N wa la Fo zie zimaane ŋa, ka ka N ne Fo Bie te Daana Yeezu Krista puori Fo, kyε puori Fo ameseεrε, O yuori eŋ, a sommo zaa N naŋ nyε Fo zie zine zuiŋ. Soŋ ma ka N teεre nyε: ka N e la yelfaa bee, ka N yeli la yelfaa bee, ka N teεre la yelfaa…..(Gyεlle fo meŋε belaa).

Yelbebe kyiiru Puoru Naaŋmen, N naŋ saa Fo poɔ, a kpε ma la yaga; N paa kyiiri la N yelbebe, kyε a ba e ŋa dabeε yoŋ zuiŋ. Fo naŋ waa N Saa ne N maala, kyε kyiire ylbebe, a lenso ka N meŋ kyiire. Ya͂a͂ ya͂a͂, soŋma ka N dɔgri N meŋε, a daŋ ta la e lε togtogi.

Yeezu Krista Sukyiri Soŋ Puoru Yeezu Krista Sukyiri soŋ , maale Laŋne-soŋ, ane Paapaa, ane a Bishopmine, ane a Faara mine: e ka Krista-biveεle dire kannyiri ba toma poɔ, e ka yelbebe deme leε ba eebo: e ka sitaana soturibo yεŋ nya͂a͂. Maale te saamine ane te mamine, ane te yɔɔmine, ane te bamine, ane te maaleba. Soŋnɔ vooroŋ ŋmaariba: e ka purgatori deme yi: kyε e ka noba zaa sage Fo naaloŋ.

Te Saa naŋ be Dapare poɔ…….

Yaane Maria……….

11Trinitati Soŋ Dannoo

K’a Saa ane Bie……

Yedeebo Puoru Naaŋmen, N de la Fo yεlε, Fo naŋ waa yelmeŋε soba zuiŋ.

Yeli zaa Laŋne Soŋ naŋ derε kyε wullo te, N de la a zaa, a naŋ yi Fo zie kyε ka Fo koŋ toɔ tuli, a koŋ toɔ bεlle meŋ.

Yeezu, Maria ne Joseph, N ko yε la N sukyiri ane N seε ane N vooroŋ.

Yeezu, Maria ne Joseph, yε somma N kuu baaloŋ saŋ.

Yeezu, Maria ne Joseph, yε wa nyɔge ma ka N ŋmaa vooroŋ yε nuuri poɔ.

Saa ne Bie ne Vooroŋ-soŋyuori eŋε. Amen.

YELBEBE PεGOO SAŋ

A niŋe Puoruu N Saa Naaŋmen kpeε͂o zaa Daana, Fo waa la nimimaaroŋ soba. N e la yelbebe yaga kyε Fo ba dɔgre ma. N pa͂a͂ boɔrɔ la ka N maale N eebo, a leε wa Fo zie. N meŋεŋ so ka N da bare Fo kyε e yelbebe. N baŋ ka, ka Fo͂o͂ ba soŋma, N koŋ toɔ e bonzaa a maale N meŋε. Lenso ka N sɔrɔ Fo: A Fo Bie te Daana Yeezu Krista dogεε zuiŋ, ko ma Fo sommo ka N kyiiri N yelbebe kyε maale N eebo yelmeŋε. Vooroŋ-soŋ, koma yεŋ-veεloŋ ka N nyε N yelbebe zaa, kyε koma faŋ, ka N yeli a zaa vela.

12. A Puori Puoru

N Saa Naaŋmen kpeε͂o zaa Daana, Fo waa la niminaaroŋ soba. Fo naŋ soŋma ka N de a sakramanti ŋa velaa, lenso ka N puoro Fo ameseεrε ne N sukyiri zaa. N leε de la N meŋε ko Fo, a seŋ N naŋ da eŋ N suobo nuore lε. N Ma Maria, taa ma velaa ka N ta la yi Fo Bie Yeezu Krista nuuriŋ. Yeezu Krista, Fo naŋ da woŋ tuo yaga kyε kpi dagaraa zuŋ, a yɔɔ N yelbebe sama, ya͂a͂ ya͂a͂ zaa, ta inni a dɔgεε ŋa Fo naŋ da nyε. Ta wa sagra ka N la saa Fo poɔ. Amen.

YELBEBE PEGOO SORI

1. Nare fo meŋε. Daŋ gyεl fo mengε nyε yelbier buo ane buo ka fo e, a pa͂a͂ zagre a zaa ane fo poɔ zaa, kyε pa͂a͂ gaa a Pirisi zie.

2. Ka foo wa ta a Prisi zie;

Manne Dagaraa, kyε pa͂a͂ yel;

N Saa, maale ma, N e la yelbebe, a boɔrɔ ka N kyiiri a, a sɔre Naaŋmen ka O disuuri ko ma.’

3. Pa͂a͂ yel a yelbebe ko a Prisi.

4. A Prisi na kanne fo la, kyε e ka fo yel a yelbebe kyiiroŋ puoru.

Yelbebe kyiiroŋ puoru:

Naaŋmen N naŋ saa fo poɔ, a kpε ma la yaga. Kyε N pa͂a͂ kyiiree N yelbebe. A ba e ŋa dabeε yoŋ zuiŋ. Fo naŋ waa N 13 saa ane N maala kyε kyiire yelbebe, a lεnso ka N meŋ kyiire. Yaa yaa, soŋ ma ka N dɔgrɔ N meŋε, a ta la e lε togtog. 5. Paa iri gaa a te puori a dɔgroo puoru a Prisi naŋ ko fo. 6. Yelbebe de baaroo saŋ Puoru; N Saa Naaŋmen, kpeεo͂ zaa Daana, Fo waa la ninimaaroŋ Soba. Fo naŋ soŋ ma ka N de a Sakramanti velaa, N puoro fo la ameseεrε ne N sukyiri zaa. N leε de la N meŋε ko Fo, a seŋ N naŋ da eŋ N suobo noɔre lε. N ma Maria, taa ma velaa ka N ta la yi fo Bie Yeezu Krista nuuriŋ. Yeezu Krista, fo naŋ da woŋ tuo yaga kyε kpi Dagaraa zu, a yɔɔ N yelbebe sama, ta inni a dɔgεε ŋa fo naŋ da nyε. Ta wa sagra ka N saa fo poɔ. Amen.

ROSORI PUORU DANNOO

1. POPEεLOŋ DANNOO MONDAYS ANe SATURDAYS

I. Malke yellee Maria ka O na leε la Naaŋmen Ma. Ka te

sɔre grasia a sigre te menne.

II. Bitoro Maria Soŋ gaa nyεε Elizabeth. Ka te sɔre grasia a nɔnɔ te taaba.

III. Bitoro Maria Soŋ dɔgεε Yeezu Krista. Ka te sɔre grasia, a sage nanŋ ne nɔmmo.

IV. Ba da taa la Yeezu a te tere Naaŋmen. Ka te sɔre grasia, a toɔ leε nen-menne.

V. Ba da bɔ la Yeezu a te nyε O Naaŋmen dieŋ. Ka te sɔre grasia a sagra Naaŋmen nɔε.

14 2. DƆGεε DANNOO – TUESDAYS AND FRIDAYS

I. Yeezu woŋ la tuo Olivet teere poɔ. Ka te sɔre grasia a kyiire yelbebe.

II. Noba da nyɔgεε Yeezu a feε O ne kpaaraa. Ka te sɔre grasia a dɔgrɔ te menne.

III. Ba wuo la goore zupil vɔgle Yeezu Krista. Ka te sɔre grasia a zagra pɔloo zaa.

IV. Yeezu meŋεŋ da tuo O kuu dagaraa. Ka te sɔre grasia a sagra tuo zaa.

V. Noba da de la pimbie kpa Yeezu Dagaraa zu. Ka te sɔre grasia a na nɔŋ Yeezu ne O Ma.

3. VIεLOŋ DANNOO – THURSDAYS

I. Yeezu da de la suobo gyɔɔdan baa poɔ. Ka te sɔre grasia, a paalene a Vooroŋ Soŋ.

II. Yeezu da maalεε koɔ ka a leε da͂a͂Cana pɔg-beεloŋ zie. Ka sɔre grasia a de te yelwonne tu ne te Ma Maria Soŋ zie.

III. Yeezu da moɔle la ŋmen-yelnoore Galilee poɔ. Ka te sɔre grasia a leε te eebo, kyε de ne te poɔ zaa. IV. Yeezu da kyillee O meŋε taŋ zu. Ka te sɔre grasia a toɔ leε nen-sonne.

V. Yeezu da maalεε Yukaristi Sakramenti. Ka te sɔre grasia, a na eŋnε O.

15 4. PUUBU DANNOO – SUNDAYS AND WEDNESDAYS

I. Yeezu leε yi la kuuni poɔ beri ata dare. Ka te sɔre grasia a leε nen-sonne.

II. Yeezu yi la teŋεzu a do O Saa zie. Ka te sɔre grasia a meŋ na gaa be nindaare kaŋ.

III. Vooroŋ Soŋ da sigi wa la Apostolii mine zie. Ka te sɔre grasia a maala te taaba. IV. Maria Bitoro da kpieŋ kyε yine O eŋε gaa Dapare. Ka te sɔre grasia a meŋ na kpi kuu-soŋ.

V. Te pog-Naa Maria pa͂a͂ nyε la puubu yaga. Ka te sɔre grasia a danna Naaŋmen yo-soŋ.

YAANE POGNAA (Hail Holy Queen)

Yaane Pognaa, fo waa la nimimaaroŋ ma. Fo waa te vooroŋ ane te bonnoɔ zaa, a waa te kyelloo, fo yaane.

Te waa la Awa bibiiri, a be teŋ-saanaa poɔ, kyε a teŋε waa posaanaa teŋε. Lεnso ka te ŋmeεre kpεlle fo zie.

Fo waa te sɔr-terε. Ya͂a͂ ya͂a͂ zo te nimbaaloŋ, a kaa te zie, a soŋ te.

Ka te teŋsaanaa ŋa toma wa baare, wuli te a fo Bi-Soŋ Yeezu.

Fo waa la sukyiri-soŋ Daana. Fo waa pog-soŋ meŋε.

Fo waa noɔ yoŋ, Maria pogsaraa. L. Naangmen ma-soŋ puori Naaŋmen ko te

16 R. Ka te seŋne anaŋ zaa Yeezu Krista naŋ da eŋ noɔre ka O na ko te la.

L. Ka te puori;

All; Naaŋmen, fo Bi-yeni da de la O vooroŋ ane O kuu ane O kuuleε-iruu da ne Dapare ko te. Te mɔglɔ fo la ka fo soŋ te ka te tɔglɔ a yεlε ama te naŋ maŋ teεrε a Maria Pogsar-soŋ rosary puoru saŋ, a nyε a tɔnɔ a naŋ wuli. A te Daana Yeezu Krista yuori eŋε. Amen.

MARIA SOŋ PUUBU YεLε (ROSORI BAAROO SAŋ)

Te Daana zo nembaaloŋ Te Daana zo nembaaloŋ Krista zo nembaaloŋ Krista zo nembaaloŋ Te Daana zo nembaaloŋ Te Daana zo nembaaloŋ Krista naŋ kyεllε te Krista de te puoru Naaŋmen Saa naŋ waa Naaŋmen Zo nembaaloŋ Naaŋmen Bie naŋ waa Naaŋmen Zo nembaaloŋ Vooroŋ Soŋ naŋ waa Naaŋmen Zo nembaaloŋ Trinitati Soŋ naŋ waa Naaŋmen yeni Zo nembaaloŋ Maria Soŋ Puori ko te Naaŋmen Ma-Soŋ; Puori ko te Pɔg-yoe poɔ pog-your; Puori ko te Yeezu Ma; Puori ko te

17 Seveεloŋ ma; Puori ko te Ma ba baŋ dɔɔ; Puori ko te Ma pɔg-your; Puori ko te Ma ba taa bieri; Puori ko te Seŋ nɔmmo Ma; Puori ko te Nɔŋ O yεlε Ma; Puori ko te

Baŋ wuluu Ma; Puori ko te Te Ire Ma; Puori ko teTe Faara Ma; Puori ko te Pɔgsar-kyeeraa; Puori ko te Pɔgsar-your; Puori ko te Pɔgsar gandaa; Puori ko te Nembaaloŋ zoro; Puori ko te Yelmeŋε soba; Puori ko te Popeεloŋ soba; Puori ko te Yεŋ bammo zie; Puori ko te Mennoo Daana; Puori ko te Bonsonne gbaale; Puori ko te Gbaale naŋ seŋne puubu; Puori ko te Puoru gbaale; Puori ko te 18 Popeεloŋ puuri; Puori ko te David yirteεraa; Puori ko te Wɔɔnyemεyiri; Puori ko te Salma nyuuri; Puori ko te Naaŋmen nɔε daga; Puori ko te Dapare yuoro; Puori ko te Zinyaa-kyinkyoɔlaa; Puori ko te Te sumaana; Puori ko te Baaba laafeε; Puori ko te Yelbebe deme naayiri; Puori ko te Krista biiri soŋno; Puori ko te Teεroŋ gaazie; Puori ko te Ŋmen-yelmanba Pɔgnaa; Puori ko te Baŋnɔε yεlε Ma; Puori ko te Apostolii Pɔgnaa; Puori ko te Krista biiri Pɔgnaa; Puori ko te Nenkaairi Pɔgnaa; Puori ko te Confessori Pɔgnaa; Puori ko te Martyri Pɔgnaa; Puori ko te Bitorri Pɔgnaa; Puori ko te 19 Malkere Pɔgnaa; Puori ko te Nensonne Pɔgnaa; Puori ko te Dapari poɔ Pɔgnaa; Puori ko te Bataa boorɔ yelbieri; Puori ko te Ba zεldo Dapare; Puori ko te Rosary Pɔgnaa; Puori ko te Maaroŋ Pɔgnaa; Puori ko te Naaŋmen Pilee naŋ pεge te nensaaba yelbebe; Te Daana disuuri ko te. Naaŋmen Pilee naŋ pεge te nensaaba yelbebe; Te Daana de te puoru. Naaŋmen Pilee naŋ pεge te nensaaba yelbebe; Te Daana zo te nembaalo. Ka te puori: Daana, ko a Fo tonton-ma sukyir-maaroŋ ne eŋ-maaroŋ. A te Ma soŋ Maria Bitoro sɔroo zuiŋ, faa te a teŋε zu posaanaa poɔ, kyε ko te popeεloŋ naŋ ba taa baaroo Dapare poɔ. Amen.

20 TANGUO CATENA

Aŋ la a pɔge ŋa naŋ waana, a seŋ ŋmenaa naŋ puro, a veεlε o zaa ŋa kyuu, a nyellε ŋa ŋmenaa, a taa dabeε ŋa solgyεre naŋ are tanguɔŋ. N seε eŋε la Naaŋmen, kyε N poɔ pεle la yaga ane Naaŋmen naŋ waa N faara. Bonso, O kaa la O tontonɔ biiloŋ. Nyε, noba zaa paa na boɔlɔ ma la Nen-soŋ. A kpeεo zaa Daana toŋ la toŋ-kpeεne N zie. Yo-soŋ soba la O. O nembaaloŋ zoobo maŋ ta la dunεε zaa naŋ zoro O. O wuli la O kpeεo, O ŋmε la a pɔloo deme yaare ane ba pɔloo. O de la a kpeεo deme naaloŋ, kyε e ka nembaalba do. O eε la ka kɔŋdeme tege; kyε bare a bondaama ane nuzagle. O da eŋ la noɔre ko te saakomine, ka O na kaara la Abraham ne o biiri zie tegteglε. O nembaaloŋ zoe zuiŋ, O kaa la O tontonna Israel biiri zie. Ka a Saa ne Bie ne Vooroŋ Soŋ nyεrε puubu. Pampana ŋa a seŋ koroŋ zaa. Amen. Aŋ la a Poge ŋa naŋ waana, a seŋ ŋmenaa naŋ puro, a veεle O zaa ŋa kyuu, a nyellε ŋa ŋmenaa, a taa dabeε ŋa solgyεre naŋ are tanguɔ. V. Maria naŋ ba taa boorɔ yelbieri R. Te kaara la fo niŋeŋ, puori ko te. Ka te puori:

21 Te Daana Yeezu Krista, fo waa te yelmaala naaŋmen Saa zie, fo poɔ da pεlεε la ka fo iri fo Ma pɔgsar soŋ, ka o waa te meŋ ma ane te yelmaala fo zie. Zo nembaaloŋ, kyε e ka onaŋ soba zaa naŋ sɔre bon fo zie ka o nyε o ne popeεloŋ fo nuuri poɔ. Amina.

GRASIA POMMO (sharing of Grace)

Ka a te Daana Yezu Krista maaloo, Naaŋmen Saa nɔmmo ane a Vooroŋ Soŋ lammo be te zaa zie tegteglε. Amen.

MARIA TANGUO PUORU

V. Vooroŋ Soŋ sigi wa te zie R. Paale a Naaŋmen puoribo seere a mare nɔmmo vuu ba poɔ.

V. Toŋ FoVooroŋ kpoŋ te zie R. Kyε e k’a teŋezu deme leε ba eebo Ka te puori: Naaŋmen, Fo naŋ da toŋ a Vooroŋ Soŋ Ka O taa O veεloŋ wa ne a Naaŋmen puoribo zie, e ka a Vooroŋ Soŋ zuiŋ, ka te baŋ yelveεle yεŋ kyε nyε nyɔvo-babaaraa. Amen. V. Daana haa N noɔre R. Ka N manne Fo puubu yεlε V. Naaŋmen, naŋ kaa N zie somma R. Daana wa wieu, wa somma. V. Ka Saa ne Bie ne Vooroŋ Soŋ nyεrε puubu 22 R. Pampana-ŋe a seŋ koroŋ zaa ne beri zaa. Amen.

YESU SUKYIRI SOŊ PUUBU YεLε

Te Daana, zo te nimbaaloŋ Yeezu Krista, zo te nimbaaloŋ Te Daana, zo te nimbaaloŋ Yeezu Krista, kyεllε te puoru Saa naŋ waa Naaŋmen, ... zo te nimbaaloŋ Bie noba faara, naŋ waa Naaŋmen, zo .. Vooroŋ Soŋ naŋ waa Naaŋmen, zo ..

Trinitati Soŋ naŋ waa Naaŋmen yeni, zo ..

Yeezu Sukyiri-Soŋ (Y.S), naŋ waa Naaŋmen Saa, yuomo zaa soba Bie, zo te nimbaaloŋ Y.S. Vooroŋ Soŋ naŋ maale Maria Bitoro poɔŋ, zo te……

Y.S. naŋ laŋne Naaŋmen Bie a waa Bonyeni,

Y.S. naŋ taa naaloŋ naŋ ba taa mannoo,

Y.S. naŋ waa Naaŋmen di-soŋ,

Y.S. naŋ waa Naaŋmen zemmo zie,

Y.S. naŋ waa Naaŋmen yiri, ane Dapare dedɔre,

Y.S. nɔmmo kpoŋ soba,

23 Y.S. naŋ waa mennoo ane nɔmmo beebu zie,

Y.S. naŋ paale ne nimibaaloŋ ane nɔmmo

Y.S. naŋ waa yelveεle zaa beebo zie,

Y.S. naŋ seŋ ne puubu zaa,

Y.S. naŋ waa sukyie zaa Naa, ane a zaa lammo zie,

Y.S. naŋ waa yεŋ ane bammo beebo zie,

Y.S. Naaŋmen Saa naŋ nɔnɔ yaga,

Y.S. benee boma zaa naŋ yi a wa te zie,

Y.S. noba naŋ da kyellε Ka O na yi la Naaŋmen zie wa,

Y.S. naŋ taa kannyiri ane nimimaaroŋ,

Y.S. naŋ maale banaŋ zaa naŋ maŋ sɔrɔ Fo,

Y.S. naŋ waa a vooroŋ ane sonnoo yiibu zie,

Y.S. naŋ yɔɔ te yelbebe zaa sane,

Y.S. naŋ nyε dɔgεε yaga,

Y.S. naŋ saa yaga te yelfaare zuiŋ,

Y.S. naŋ taa nɔe-sagoo milluu, a naŋ sage kuu meŋ,

Y.S. ba naŋ kyɔgne kpane,

Y.S. naŋ waa suuri maana zaa zie,

Y.S. naŋ waa te nyɔvooroŋ ane te kuu yiibu zie,

Y.S. naŋ waa te maaroŋ ane Naaŋmen sumaa bon,

24 Y.S. yelbebe deme naŋ dɔgrɔ kyellε Fo zie,

Y.S. naŋ waa kuu-soŋ deme kyelloo,

Y.S. naŋ waa nen-sonne zaa noɔ,Naaŋmen Pilee naŋ pεge nensaaba yelbebe, te Daana, disuuri ko te.

Naaŋmen Pilee naŋ pεge nensaaba yelbebe, te Daana de te puoruu Naaŋmen Pilee naŋ pεge nensaaba yelbebe, te Daana, zo te nimbaaloŋ.

V. Yeezu Krista naŋ waa nimbaaloŋ ane meŋε sigruu soba,

R. E ka te sukyie waa seŋ Fo sukyiri naŋ waa lε.

Ka te Puori; Naaŋmen kpeεo zaa soba, yuomo zaa Daana, kaara Fo Bi-nɔnaa sukyiri, de a puubu ane a san-yɔɔ O naŋ kɔrɔ Fo a yelbebe deme zuiŋ. Maa suuri kyε zo banaŋ zaa naŋ sɔrɔ Fo nimbaaloŋ, a Yeezu Krista yuori eŋε, Onɔŋ naŋ laŋne Fo ane a Vooroŋsoŋ a bebe, a dire naaloŋ bie zaa, bie zaa. Amen.

25 MISSA POɔ YEL-SɔGOO/PUORU (RESPONSES AT MASS) PRIEST:

Ka a Daana be yε zie.

ALL; O be fo meŋ zie

PRIEST; N yɔɔmine yε e ka te sage kyiiri a te yelbebe a toɔ nare te menne maale a yelbeel-sonne ama.

ALL; N wuo la N mengε ko Naaŋmen, kpeεo zaa Daana ane yεnee N yɔɔmine, ka N ela yelbebe yaga,ane N potiεrε ane N yelyelii, ane N eebo ane N nagoo. N sa͂a͂ε la, N sa͂a͂ε la, N sereng sa͂a͂ε la yaga. Lεnso ka N sɔrɔ Maria Bitoro ane a malkere, ane a nensonne zaa ane yεnee N yɔɔmine, Ka yε puori a te Daana Naaŋmen ko ma.

(After 1st & 2nd Reading) READER; A Daana yelbiri la ALL; Naaŋmen taa la ameseεre puoruu. (Before Gospel) PRIEST; A ŋmen yelnoore a seŋ ………….naŋ manne lε.

ALL; Daana foo so puubu

(After Gospel) PRIEST; A ŋmen yelnoore la.

ALL; Daana Yeezu Krista fo seŋne la puubu

26 YUKARISTI MAALOO SAŋ; PRIEST;

Ka a Daana be yε zie. ALL; O be fo meŋ zie PRIEST; Yε zεg yε poteεre kaa do saa. ALL; Te zεg a la ko a Daana. PRIEST; Yε e ka te puori a te Daana Naaŋmen ameseεre. ALL; A seŋεε la kyε tori meŋ.

EUCHARIST ACCLAMATION;

1. Te moɔlɔ la a fo kuu yεlε, Daana kyε sag de a fo kuuni poɔ leε iruu yεlε, a te ta a saŋ fo naŋ na leε wa. 2. Te naŋ maŋ wa di a bondiraa ŋa kyε nyu kol-nyuuraa poɔ boma, te moɔlɔ la a fo kuu yεlε Daana, te ta a saŋ fo nang na leε wa.

3. Faa te tendaa zaa faara, bonso a fo dagaraa ane a fo kuuni poɔ leε-iruu kyεre te la bare ka te so te menne.

PRIEST; Yε nyε a Naaŋmen Pilee………

ALL; Daana, N ba seŋne ka fo wa kpε a N yiri poɔ, foo yeli yelyeni yoŋ kyε a N seε na yε la sammo

27 YUKARISTI AMESEεRε PUORU

N Daana Yeezu Krista, N baŋεε la yelmeŋε zaa ka Fo be la N poɔŋ ane Fo eŋε ane Fo zii, ane Fo seε ane Fo ŋmenoo zaa. N Daana Yeezu Krista, Fo naŋ be N poɔŋ, N puoro Fo la ne adoration puubu. N sɔrɔ la Maria Soŋ ane N Malke-guuro ane Malkere zaa ane N ninsoŋ-segraa ane ninsonne zaa, ka ba soŋma, ka N puori Fo k’a seŋ. N Daana Yeezu Krista, Fo naŋ wa N poɔŋ, N puori Fo la ameseεrε. Maria Soŋ ne N Malke-guuro ane Malkere zaa, yε puori Yeezu Krista ameseεrε ko ma. N Daana Yeezu N nɔnɔ Fo la ane N sukyiri zaa, a gaŋ bon zaa: soŋma, ka N nɔnɔ Fo lε bie zaa, bie zaa. N Daana Yeezu Krista, Fo naŋ de Fo meŋε koma, N meŋ de la N meŋε ko Fo: de N eŋε ne N seε taa, bie zaa, bie zaa. N Daana Yeezu krista, Fo naŋ wa N zie zine, ta wa sagra ka N digre Fo. N kyellε la ka Fo na be la N zie ne Fo sommo bie zaa, bie zaa. N Daana Yeezu Krista, N soro Fo la ka Fo koma sommo ane bon zaa nanŋ naŋ taa N eŋe ne N sie. Soŋ naaloŋ-deme, N saa ne N ma ane N yideme ane N bamine ane N maaleba ane purgatori deme ane yelbebe deme. Yeezu Soŋ sumaaroŋ Daana, N wa gbi la dumo fo zie, a sɔrɔ fo kyε fo mɔglɔ fo, ane N poɔ zaa. Ka fo na eŋ yeldeebo ane kyelloo ane nommo yaga N poɔŋ. 28 Kyε e ka N kyiire N yelbebe, a boɔrɔ na maale N eebo yelmeŋε. Yeezu Soŋ, nɔmmo ne posaanaa zaa be la N poɔŋ. N naŋ taala a fo fellε anuu teεroŋ ane fo noɔre yεlε. A fo ŋmen-yelmana Davil naŋ da yel “ba vori la N nuuri ne N gbεε, kyε ba sɔri la N kɔbɔ zaa”. Amen. ANIMA CHRISTI Krista seε, e ka fo viεloŋ pilli pɔge ma. Krista eŋε faa ma. Krista zee, buri ma. Kɔnsaaloŋ naŋ yi a Krista lombore poɔŋ, pεg ma. Krista dɔgεε ko ma faŋ. Yeezu soŋ kyεlle N puoru. De ma sɔgle a kpane ne a pimbi bogri naŋ puo a fo enŋε poɔ. Ta vεŋ ka N bare fo zaa. Faa ma a N dɔndɔŋ nyaŋna nuuri poɔ N kuu saŋ tage ma wa eŋ fo puling, ka N paa laŋne a nensonne danna fo tegteglε. Amina.

Sommo Mine

1. NAANGMEN SORI WULU GAN, JUNE 1996. 2. NAAŊMEN NɔPAALAA (KATOLIK DENI) Paulines Publication, Africa 2015.

3. A PIRISI NE A KIRISTABIIRI BAGRE LAMMAALOO GANE,Wa Catholic Printing Press, 2014.

Te Saa Naŋ Be Dapare Poɔ.

Te saa naŋ be Dapare poɔ, ka fo yuori waa Soŋ, ka fo naaloŋ wa, ka fo poteɛroŋ maale a teŋɛ zu, seŋ o naŋ maala Dapare poɔ. Ko te bondirii zenɛ ka a seŋ te, Di te yelbebe suuri ko te, a seŋ te naŋ dire suuri korɔ te taaba. E ka te ta sage bɛllɛ, iri te yi yelfaare poɔ. Amiina/Amen.

Yaane

Yaane Maria, Fo zu noma la yaga, Naaŋmen be la Fo zie,

Naaŋmen maale Fo la gaŋ pɔgba zaa, kyε Fo poɔ bie Yeezu nyεrε

puubu.

Maria soŋ Naagmen ma, puori Naaŋmen ko te, te naŋ waa yelbebe

deme, pampana ŋa ane te kuu daare. Amen.