Bone naŋ vɛŋ ka yɛŋ pore

Saŋ kaŋ la da bebe ka Badɛre yeli ka o ba boɔrɔ ka neɛ zaa la taa yɛŋ ana la ka o de a teŋɛzu yɛŋ zaa eŋ doge poɔ. O da boɔrɔ ka o sɔgle a yɛŋ doge ka neɛzaa ta nyɛ o. Te-wogi kaŋa zu la ka o da boɔrɔ ka o sɔgle a doge.

O da de la a yɛŋ doge yagle o nimitɔɔreŋ kyɛ boɔrɔ ka o do a teɛ. A maŋ mɔmɔ kyɛ e fãã. Ka o bidɔɔkpoŋ naŋ da lanne are a teɛ puoriŋ wa yeli, "N ba/saa ka fõõ da de a doge yɛre fo puoriŋ,fo na tõɔ do la teɛ mɔlɔ lɛ" Badɛre da tu la a o bidɔɔ noɔre a tõɔ a teɛ do. Badɛre suuri zaa la da iri ka o yeli " aa a yɛŋ zaa naane be a n doge ŋa poɔ" O pãã da de la a doge lɔɔ ŋmare ka o yaare ka a ta tendaa zaa. Kaŋkaaraa moorɛɛ,kɔnzudaa gbemm ka onaŋ ba wa nomɔ yɛŋ doge bere Zeɛre ko ma ka n di ka n noɔre nyagre ka n la selle kaŋa ko yɛ.