Bɛlɛbɛlɛ bee tumpaani maaloo

Boma na ba naŋ maŋ de maale ne a bɛlɛbɛlɛ la ama; bɛŋɛ, zēɛkõɔ, kōɔ ane taŋgbo vaare. A danweɛ sobɔ, fo na lɔre la a bɛŋɛ bebiyeni kyɛ kyoɔre. Fo na deɛle la ka a ko. Ka fo nyaare bee ŋmɛ a pɛgre bare. Fo pãã na gaa erɛ la neɛre zu bee mansime poɔ ka a be lɔgɔlɔgɔ lɛ. A yi a lɛ puoriŋ, fo na mare la vūū a daŋaa poɔ ka a nyɔge kyɛ ka fo pɛge a doge ka o yi foloŋfoloŋ ka fo dogle a ɔŋ kõɔ eŋ a de bompɔgra pɔge. Fo na bu la a bɛnzɔŋ a eŋ a zeɛkõɔ ka a e maramara seŋ lɛ fo naŋ boɔrɔ. A yi a ŋaa meŋ, fo na pɛge la a vaare ka a yi kyɛ pãã maŋ ŋmaa a bɛnzɔŋ buro de eŋ vaabo poɔ kyɛ de o va-tɔ kaŋa pɔge a de tɛgle a kõɔ naŋ kpaara poɔ zomm lɛ. Lɛ ka fo na ŋmaŋma eŋ tɛgle a kõɔ poɔ, ka a bɛnzɔŋ buro zaa te baare ka fo de bompɔgra pɔge a bare ka a kpaara. Lɛ ka a na kpa lɛɛŋ a te be ka fo togi a sɛlle a kõɔ bare. Dakoroŋ saŋa na kãã ne seremaane la ka ba da maŋ ɔɔ ne bee seŋkãã zeɛre kyɛ pampana, siteeu la ka ba maŋ ɔɔ ne.

A Maaloo Sobie

1. Ɔŋ kõɔ eŋ a bɛŋɛ laa poɔ a de bompɔgraa pɔge.
2. A ayi sobɔ, fo na lɔre la a bɛgɛ bebiyeni kyɛ kyoɔre.
3. Dɛle ka a ko, nyaare bee ŋmɛ a pɛgre bare.
4. Fo pãã na te ɛre la neɛre zu bee mansime poɔ ka a be logɔlogɔ lɛ.
5. Fo na mare la vūū a daŋaa poɔ ka nyɔge kyɛ ka fo pɛge a doge ka o yi folonfoloŋ ka fo dɔgle a ɔŋ kõɔ eŋ a de bompɔgra pɔge.
6. A yi a lɛ puoriŋ, fo na bu la a bɛnzɔŋ ne zēɛkõɔ ane kõɔ ka a e maramara lɛ.
7. A la paali meŋ, fo na pɛge la a taŋgbo vaare ka a yi, ka fo pãã maŋ ŋmaa a bɛnzɔŋ buro bee buraa seŋ lɛ a de eŋ kyɛ de o va-tɔ kaŋa pɔge a de tɛgle a kõɔ naŋ kpaara poɔ zomm lɛ. Lɛ ka fo naŋ maŋ ŋma-eŋ de tɛgle ka a bɛnzɔŋ buro zaa te baare ka fo de a bare ka a kpaara. Fo na bare a la ka a kpa lɛɛ a wa be ka fo togi a sɛlle a kõɔ bare kyɛ iri a pɛge poɔ a de kãã ne sɛmaane a ɔɔ ne.