Alice Teni Boon

Alice Teni Boon

human

Sex or gender	female
Country of citizenship	Ghana
Name in native language	Alice Teni Boon
Given name	Alice
Family name	Boon
Date of birth	12 Gyɛnoɔre 1962
Place of birth	Lambussie
Languages spoken, written or signed	English
Occupation	politician, teacher, consultant
Position held	Member of the Parliament of Ghana, Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana
Educated at	University of Ghana, University of Westminster, Ghana Institute of Journalism
Work location	Lambussie Karni District
Member of political party	National Democratic Congress
Candidacy in election	2000 Ghanaian general election, 2004 Ghanaian general election
Religion or worldview	Eastern Orthodoxy

Alice Teni Boon e la Ghana pɔleteesa naŋ da e begemaale die mɛmba ko a Lambussie gbandige yi 1999 te tɔ 2009.

Nyɔvore Piiluu ane Ganzanne

Ba dɔge la Boon 12 gyɛnoɔre 1962 ane o baa la Lambussie poɔ naŋ be a Ɔpa Wɛse Irigyiŋ poɔ, Ghana. O gaa la University of Ghana ane a University of Westminster. O meŋ la gaa la a Ghana Institute of Journalism ane Pitman Central College London poɔ. A ama poɔ o nyɛ la Masa Business Administration poɔ ane Masa of Arts in Public Communication. O ganzanne bammo zu da e la Duor-ŋmɛ.

O Dompole

Boon e la gɔbaa duor-ŋmɛ poɔ ane karegyuu nempeɛraa. O la e la pɔleteesa meŋ ne a Kataweɛ Paati, Ghana Politikal paate.

Pɔletese

Alice kpɛ la begemaale die a kataweɛ paati (NDC) yuori eŋɛ, yidaare; 8 gyoone 1999 poɔ onaŋ da wa di a vuo-furi nuneɛ 26 mɛnoɔre 1999 eŋɛ yi Luke Koo kũũ eŋɛ, naŋ da daŋ e a begemaale die mɛmba ko a gbandige.

O la tu di la a kogi a Disembare 200 gyɛmaa zaa nuuri neɛbo wagere ane a Disembare 2004 gyɛmaa zaa nuuri neɛbo. Ane a lɛ zaa o da lee la sigi a kogi eŋɛ kyɛ ko John Duoghr Baloroo naŋ e Wɔɔ Paati (NPP) mɛmba a Disembare 2008 gyɛmaa zaa nuuri neɛbo eŋɛ. A Disembare 2012 gyɛmaa zaa nuuri neɛbo wagere, ba da leɛre o la ne Edward K. Dery naŋ tu di a kogi ko a NDC.

2000 Nuuri Neɛbo

Ba da ɛlɛte la Boon ka o e begemaale die mɛmba ko a Lambussie gbandige a Ɔpa Wɛse Irigyiŋ poɔ, Ghana a 2000 Ghana gyɛmaa zaa nuuri neɛbo eŋɛ. A lɛ na o areko la a gbandige a begemaale die anaare (4th) eŋɛ, a Ghana republic anaare eŋɛ.

Ba da ɛlɛte o la ne 7,076 yi a nuuri zaa naŋ lantaa neɛ soŋ. Naŋ e 60.80% kɔɔ poɔ, a nuuri zaa naŋ neɛ soŋ. Ba da ɛlɛte o la kyɛ bare David Mwinfor Deribaa naŋ e sommeŋɛ bie, Kabiri Nmin a National Reform Party bie, Ampulling Nicholas naŋ e Wɔɔ Paate bie ane Bamie Mubashir Ahmed naŋ e a United Ghana Movement Paate. A bama nyɛ la 2,472 nuuri, 1,272 nuuri, 441 nuuri, 375 nuuri ane 0 nuuri seŋ anaŋ tu taa lɛ.

A ama da e la 60.80%, 21.20% , 10.90%, 3.80%, 3.20% ane 0.00% kɔɔ poɔ seŋ anaŋ tu taa lɛ yi a nuuri zaa naŋ neɛ soŋ. Ba da ɛlɛte la Boon a Kataweɛ Paate yuori eŋɛ. A kataweɛ paate da di la begemaale die kogiri zaa naŋ lantaa e ayɔpõĩ (7) a Ɔpa Wɛse Irigyiŋ poɔ, anaŋ nuneɛ na poɔ.

A zaa poɔ, a paate da di la bayagroŋ noɔre zaa naŋ lantaa a e 89 begemaale arekoreba yi 200 kogiri a begemaale die ata (3rd) soba poɔ, a Ghana 4th republic eŋɛ.

2004 Nuuri Neɛbo

Ba da ɛlɛte la Boon ka o e begemaale die mɛmba ko a Lambussie gbandige a 2004 Ghana gyɛmaa zaa nuuri neɛbo eŋɛ. A lɛ na o areko la a gbandige a begemaale die anaare (4th) eŋɛ, a Ghana republic anaare (4th) eŋɛ. Ba da ɛlɛte o la ne 6,554 nuuri yi 12,480 nuuri zaa lantaa naŋ neɛ soŋ. Naŋ da e 52.5% kɔɔ poɔ a nuuri zaa naŋ neɛ soŋ.

Ba da ɛlɛte o la kyɛ bare Thomas F. Bitie-Ketting naŋ e a People's National Convention bie, Sebastian Koug Bamile naŋ e Wɔɔ paate Bie ane Abubakari Alhaji Yahaya naŋ e Convention People's Party.

A bama nyɛ la 1,265 nuuri, 4,553 nuuri ane 108 nuuri seŋ anaŋ tu taa lɛ yi a nuuri zaa naŋ neɛ soŋ. Anaŋ e 10.1%, 36.5% ane 0.9% kɔɔ poɔ seŋ anaŋ tu taa lɛ yi a nuuri zaa naŋ neɛ soŋ poɔ. Ba da ɛlɛte la Boon a kataweɛ paate yuori eŋɛ.

A kataweɛ paate da nyɛ la begemaale die kogiri ayɔpõĩ ana nuneɛ na poɔ, a Ɔpa Wɛse Irigyiŋ poɔ, Ghana.

Meŋɛ Nyɔvore Yɛlɛ

Boon e la kiristabie. O kuli la Jacob Bawiine Boon, naŋ e lɔɔyɛ ane begemaale die mɛmba koroo ko Lambussie gbandige ane meŋ Desekyere wederɛ zu koroo ko a Jirapa/Lambussie Desekyere.

Kaa Kyɛ Meŋ Nyɛ

• 1999 vuo-furi nuuri neɛbo https://en.wikipedia.org/wiki/List_of_MPs_elected_in_the_1996_Ghanaian_parliamentary_election#By-elections
• MPs yoe pɛll ba naŋ ɛlɛte a 2000 Ghana begemaale nuuri neɛbo poɔ https://en.wikipedia.org/wiki/List_of_MPs_elected_in_the_2000_Ghanaian_parliamentary_election
• MPs yoe pɛll ba naŋ ɛlɛte a 2004 Ghana begemaale nuuri neɛbo poɔ https://en.wikipedia.org/wiki/List_of_MPs_elected_in_the_2004_Ghanaian_parliamentary_election
• Lambussie (Ghana begemaale die gbandige) https://en.wikipedia.org/wiki/Lambussie_(Ghana_parliament_constituency)