Ŋmene Yelnoore Gane

Ŋmene Yelnoore Gane

A sɔroo ŋa yi la a Yɛŋ gane poɔ

Yɛŋ 3:1–9c

   A nemmenne seere be la Naaŋmen nu poɔ, ka tuo koŋ la baŋ kpɛ ba. A dambolo zie, ba e ŋa ba naŋ kpi, ka ba teɛre ka ba kũũ waa la dɔgroŋ, ka a ba teŋɛzu yiibu waa seŋ ŋa weɛbo ba naŋ wɛ; kyɛ ba be la maaroŋ poɔ. Ka ba naŋ waa ŋa noba naŋ nyɛ dɔgroŋ nensaalba zie, kyɛ ba da taa kyelloo ka ba koŋ baŋ kpi. Ba da nyɛ la tuo belãã lɛ kyɛ nyɛ maaloo yaga zaa, bonso, Naaŋmen tegre ba la kaa, a nyɛ ka ba seŋ ne la a O zie waabo. Aŋa lɛ ba naŋ maŋ nyɛle salema iri vũũ poɔ, Naaŋmen tegre ba la, kyɛ de ba ko O meŋɛ aŋa bagmaal-boma. A saŋ Naaŋmen naŋ na wa nyɛ ba, ba na nyegrɛ la, a waa ŋa vũũzele naŋ nyɔge mɔkuoni ka a dire. Ba na di la naaloŋ a nemboorɔ zu, a kaara a noba zu, ka a Daana e ba naa tegitegilɛ. Banaŋ naŋ dɛle O na baŋ la a yelmeŋɛ, banaŋ naŋ taa yelmeŋɛ na kpeɛrɛ ne O la ane nɔmmo, bonso, garaaseɛ ane nembaalonzoe bebe la ko a nensonne kyɛ ka O kaara a O neŋkaa-iri zie.

*A Daana yelbiri la*

A sɔroo ŋa yi la a gane Pɔɔl soŋ naŋ sɛge ko Rom-noba

*Rom-noba 5:5–11 (bee Rom 6:3–9)*

     N yɔɔmine ane n yɔɔpuuli: Teɛretɔroo maŋ ko te la bambaare, bonso, Naaŋmen tu la a Vooroŋ Soŋ O naŋ ko te zie kyɛ paale te sukyie ne O nɔmmo. Bonso, te naŋ da naŋ be bambaaloŋ poɔ, kyɛ a saŋ meŋɛ naŋ da wa ta, a Kirista da kpi la a yelfa-errebɛ zuiŋ. Serɛzaa, a na waa la tuo ka neɛ kpi ko nemmeŋɛ. Kyɛ amine kaŋ neɛ na baŋ sage la ka o kpi ko nensoŋ. Kyɛ Naaŋmen wuli la O nɔmmo ko te, bonso, te naŋ da naŋ waa yelbe-erebɛ, a Kirista da kpi la te zuiŋ. A gaŋ a zaa, pampana ŋa Naaŋmen naŋ e ka te leɛ nemmenne a Kirista zẽẽ zuiŋ, te pãã na tu la O zie a nyɛ faabo yi a Naaŋmen supuriyaaraa poɔ. Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ. Kyɛ a gaŋ a lɛ, te erɛ la pɔloo Naaŋmen eŋɛ, a te Daana Yeezu Kirista zuiŋ. A O zuiŋ la ka te ne Naaŋmen leɛ maale taa.

*A Daana yelbiri la*

A ŋmen-yelnoore a seŋ Gyɔɔn soŋ naŋ manne lɛ

    A saŋ na: Yeezu da yeli ko la a noba, “Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare, bonso, N yi la tenvelaa wa ka N toŋ a soba na naŋ toŋ ma poboɔbo, kyɛ a ba e N meŋɛ poboɔbo. Kyɛ a ŋa la a soba na naŋ toŋ ma poboɔbo; ka N ta e ka a banaŋ kanzaa O naŋ ko ma bɔre, kyɛ na e ka ba leɛ-iri a bebi-baaraa daare. A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

*A ŋmen-yelnoore la*

*A sɔroo ŋa yi la a gan-dɛndɛŋ soba Pɔɔl soŋ naŋ sɛge ko Korint-noba*

*1 Korint-noba 5:1–8*

   N yɔɔmine ane n yɔɔpuuli: Ba sereŋ ko ma la duoro ka peɛ̃mo toma be la a yɛ poɔ, ka noba naŋ ba puoro Naaŋmen meŋ gba koŋ sage e a peɛ̃mo toma ŋa tɔ; bonso, neɛ kaŋ taa la o saa pɔge gana ne. Ka a da seŋ ka yɛ kono a kyɛ digi a neɛ ŋa naŋ e a yeli ŋa yi a yɛ poɔ. Kyɛ ka yɛ wullo yɛmenne!

Aneazaa ka N ba be yɛ zie ane n eŋɛ, N teɛroŋ eŋ be la yɛ zie; a Daana Yeezu yuori eŋɛ, N di la a neɛ ŋa naŋ e a yeli ŋa sɛrɛɛ baare aŋa N naŋ da bebe. Saŋ na yɛ naŋ maŋ wa lantaa, ka n teɛroŋ bebe, a te Daana Yeezu kpeɛ̃õ zuiŋ, yɛ de a neɛ ŋa eŋ Setaana nuuriŋ ka o sãã a o eŋɛ, ka ka o seɛ na toɔ̃ nyɛ faabo a Daana waabo bebiri.

A yɛ pɔloo ba soma. Yɛ ba baŋ ka dããbile belãã lɛ la maŋ e ka a zɔŋ ba naŋ bu zaa pi be? Yɛ pɛge a dããbel-korɔ bare, a toɔ̃ e zɔŋ-bu-paala ba naŋ ba eŋ dããbile aŋa yɛ naŋ waa lɛ. Bonso ba da de la a Kirista, a Ista pilee maale bagre. Azuiŋ, yɛ e ka te maale a tigri, kyɛ ta maale ne dããbel-korɔ, potuoluŋ ane faaloŋ dããbel-korɔ, kyɛ yɛ e ka te maale a tigri ne sonnoŋ ane yelmennoŋ naŋ waa ŋa boroboro dambo.

*A Daana yelbiri la*

*A ŋmen-yelnoore a seŋ Luk soŋ naŋ manne lɛ*

*A ŋmen-yelnoore la*

A sɔroo ŋa yi la a gan-dɛndɛŋ soba Pɔɔl soŋ naŋ sɛge ko Korint-noba*

*1 Korint-noba 5:1–8*

  N yɔɔmine ane n yɔɔpuuli: Ba sereŋ ko ma la duoro ka peɛ̃mo toma be la a yɛ poɔ, ka noba naŋ ba puoro Naaŋmen meŋ gba koŋ sage e a peɛ̃mo toma ŋa tɔ; bonso, neɛ kaŋ taa la o saa pɔge gana ne. Ka a da seŋ ka yɛ kono a kyɛ digi a neɛ ŋa naŋ e a yeli ŋa yi a yɛ poɔ. Kyɛ ka yɛ wullo yɛmenne!

Aneazaa ka N ba be yɛ zie ane n eŋɛ, N teɛroŋ eŋ be la yɛ zie; a Daana Yeezu yuori eŋɛ, N di la a neɛ ŋa naŋ e a yeli ŋa sɛrɛɛ baare aŋa N naŋ da bebe. Saŋ na yɛ naŋ maŋ wa lantaa, ka n teɛroŋ bebe, a te Daana Yeezu kpeɛ̃õ zuiŋ, yɛ de a neɛ ŋa eŋ Setaana nuuriŋ ka o sãã a o eŋɛ, ka ka o seɛ na toɔ̃ nyɛ faabo a Daana waabo bebiri.

A yɛ pɔloo ba soma. Yɛ ba baŋ ka dããbile belãã lɛ la maŋ e ka a zɔŋ ba naŋ bu zaa pi be? Yɛ pɛge a dããbel-korɔ bare, a toɔ̃ e zɔŋ-bu-paala ba naŋ ba eŋ dããbile aŋa yɛ naŋ waa lɛ. Bonso ba da de la a Kirista, a Ista pilee maale bagre. Azuiŋ, yɛ e ka te maale a tigri, kyɛ ta maale ne dããbel-korɔ, potuoluŋ ane faaloŋ dããbel-korɔ, kyɛ yɛ e ka te maale a tigri ne sonnoŋ ane yelmennoŋ naŋ waa ŋa boroboro dambo.

*A Daana yelbiri la*

*A ŋmen-yelnoore a seŋ Luk soŋ naŋ manne lɛ*

   A pɛnnoo bebiri kaŋ daare a Yeezu da kpɛ la a puoruudie a te kanne, ka dɔɔ kaŋ doloŋ nu naŋ kpi da be a be. A Naaŋmen bege wulwulibo ane a Faraziimine da kaara la ka ba nyɛ ka O na saŋ la neɛ a pɛnnoo bebiri daare ka ba de saanaa dɔgle O zu. Kyɛ a Yeezu da baŋ la a ba poteɛrɛ, lɛ la ka O da yeli ko a dɔɔ, “Iri wa are a niŋesogɔ kyɛ.” Ka a dɔɔ iri are a be. Lɛ la ka Yeezu yeli ko ba, “Ka N soore yɛ, sori bebe la ka neɛ e yelvelaa bee yelfaa a pɛnnoo bebiri daare, a faa nyɔvore bee a sãã nyɔvore?” A Yeezu naŋ da wa kaa a noba zaa gyeere baare, O da yeli ko la a dɔɔ, “Teɛ a fo kpaŋkpane.” Ka a dɔɔ e a lɛ, ka a o Kpaŋkpaŋkũũ deɛ leɛ kpaŋkpaŋkpeɛŋaa. Kyɛ a noba suuri da iree la yaga, ka ba piili boorɔ lɛ ba naŋ na e a Yeezu. 

*A ŋmen-yelnoore la*

Yuoni poɔ Koseɛraa ŋmendaare lezare ane pie ne yeni soba)

A sɔroo ŋa yi la a Begɛ Leɛ-teɛroo (Deteronomi) gane poɔ

Begɛ 6:2–6

A beri na: Mooziz da yeli la yɛlɛ ko a noba a yele, Yɛnee, yɛ biiri ane a yɛ yããmine zoro a DAANA yɛ Naaŋmen a yɛ nyɔvore bebie zaa. Yɛ tuuro a nɔbinni ane a nɔɛ zaa N naŋ korɔ yɛ noɔre, ka lɛ e ka yɛ nyɔvore na gaa tɔɔre. Izerayɛl biiri woi, yɛ pãã woŋ kyɛ tuuro a nɔɛ ne yɛ poɔ zaa, ka yɛ yɛlɛ zaa na kyɛnɛ velaa a korɔ yɛ, ka yɛ na yɛle a e yaga a teŋɛ na naŋ paale kyire ne beroŋ ane seere, ona ka a DAANA a yɛ sããkommine Naaŋmen da eŋ noɔre ko yɛ. Izerayɛl biiri woi, yɛ woŋ: A DAANA la te Naaŋmen, a DAANA yoŋ la. Yɛ nɔŋ a DAANA yɛ Naaŋmen ne yɛ sukyiri zaa, ane yɛ seɛ zaa ane yɛ faŋ zaa. Yɛ de a yelbie ama N naŋ yele korɔ yɛ zenɛ eŋ yɛ sukyie poɔ.

A Daana yelbiri la. A sɔroo ŋa yi la a gane ba naŋ sɛge ko Hiburu-noba.

Hiburu 7:23–28

N yɔɔmine ane n yɔɔpuuli: Yeli naŋ la bebe la: a dɛndɛŋ Naaŋmen bagmaalba da waa la yaga, bonso, kũũ da ba sage ka ba na tonɔ a ba toma gɛrɛ tegitegilɛ. Kyɛ Yeezu be la a Naaŋmen bagmaale wederoŋ toma poɔ tegitegilɛ, bonso, O tonɔ gɛrɛ la tegitegilɛ. A lɛ zuiŋ O na toɔ̃ faa la banaŋ naŋ tu O zie a wa Naaŋmen zie vuo zaa poɔ, O naŋ voorɔ tegitegilɛ kyɛ puoro korɔ ba zuiŋ.

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni. Ona eŋ, a da ba fere ka O maala bagre bebiri zaa a daŋ ko O meŋɛ yelbebe ane a noba yelbebe aŋa a Naaŋmen bagmaalkare nembɛrɛ banaŋ naŋ da maŋ e lɛ. Ona eŋ da de la O meŋɛ nyɔvore maale ne bagre dayeni yoŋ. A Naaŋmen bege maŋ iri la noba naŋ na baŋ taa bambaaloŋ a e ka ba waa Naaŋmen bagmaalkare nembɛrɛ, kyɛ a noɔre polloo yelbiri naŋ da tu a bege puori wa, iri la Bidɔɔ ba naŋ e ka o waa soŋ tegitegilɛ.

A Daana yelbiri la. A ŋmen-yelnoore a seŋ Mak soŋ naŋ manne lɛ.

  

*Mak 12:28b–34*

  A saŋ na: A Naaŋmen begɛ wulwullo kaŋ naŋ da wa are peɛle a woŋ ka ba ŋmeɛrɛ nɔkpeɛne ne taa, kyɛ nyɛ ka a Yeezu da yeli sɔge ba velaa lɛ, o da soore O la, “A Naaŋmen nɔɛ buo soba la a dɛndɛŋ soba?” Ka a Yeezu yeli sɔge, “A dɛndɛŋ soba la, ‘Kyɛlle woŋ, Izerayɛl: a Daana te Naaŋmen, e la Naaŋmen yeni yoŋ; nɔŋ a Daana fo Naaŋmen ne fo sukyiri zaa, ane fo seɛ zaa, ane fo yɛŋ zaa, ane fo faŋ zaa.’ A ayi soba meŋ la ŋa, ‘Nɔŋ fo tɔ a seŋ fo meŋɛ.’ Noɔre zaa ba kyebe naŋ la gaŋ a nɔɛ ama.” Lɛ la ka a Naaŋmen begɛ wulwullo yeli ko O, “Fo yeli la yelmeŋɛ, Wulwullo; yelmeŋɛ la ka fo yeli ka ‘O waa la yeni, a yi O puoriŋ kanzaa ba la kyebe’; kyɛ ‘nɔŋ O ne fo sukyiri zaa, ane fo bammo zaa, ane fo faŋ zaa, kyɛ nɔŋ fo tɔ a seŋ fo meŋɛ’; a ama la taa tɔnɔ kpoŋ a gaŋ maale-kondi bagre ane bagmaale zaa.” A Yeezu naŋ wa nyɛ ka a dɔɔ yeli sɔge la velaa, O da yeli ko o la, “Fo ba waa tɔɔre ne a Naaŋmen naaloŋ.” A ŋaa puoriŋ, neɛzaa da ba la sage soore O soorebiri zaa.