Ŋmanlee tontonne

Dagaaba laŋkpeɛbo poɔ, Saga ŋmama bee ŋmanlee taa tontonne yaga ko pɔge la pɔge ba nyɔvoɛ poɔ. Ka fõõ e Dagapɔgesarra naŋ ta serɛ kulibu see ka fo taa ŋmanlee e to teɛroŋ bonso o e la boŋkpoŋ kaŋa ko te noba. Te maŋ baŋ de la ŋmanlee bee ŋmane toŋ ne toma ka ana la; A danweɛ soba, ŋmanlee bee ŋmane la ka pɔgeba maŋ de te buli ne kõɔ kolaa poɔ. Ba maŋ e la ŋaa ka ka neɛ wa gɛrɛ zie a beɛ ka o nyu a nyɛ pɔge a baa poɔ, o maŋ baŋ ka o taa ŋmanlee a na soŋ o Ka o nyu a kõɔ. Daga pɔgeba meŋ maŋ de la ŋmaale a kɔre bee a vaa saao. A yi a lɛ puoriŋ meŋ ka saana kpɛ fo die poɔ, ŋmane ka ba maŋ de ɔŋ kõɔ ko o soba ka o nyu. Ba maŋ la de la ŋmanlee nyu ne dãã koɔbo zie bee dãã koɔroo zie. Dagaaba maŋ baŋ de la ŋmanlee eŋ tēē a sanne ne neɛ baaloŋ.