Zang

Zang e la kuobo teŋa kaŋa naŋ bé a Upper West Region poɔ. Zang bé la a wechaunaa distriki paaloŋ poɔ, a nuba naŋ bé a yiri ŋa ta la nuba turi ayi aneŋ dogla, a nuba naŋ bé a yiri ŋa poɔ tona la kuobo Toma, ba mine guolo la donne, ka ba mine meŋ kuora boma, mine meŋ tona la wuobo toma, kyɛ ka ba mine meŋ dire dãã, ba mine meŋ e la zoŋnyogreba, kyɛ ka ba kyɛlɛɛ e karakyi bɛrɛ. Zang e la tenga kaŋa meng naŋ taa dãã ka ba buola Zangdãã, a dãã daare nuba yaga maŋ yi la ziiri a na wa di dãã a Zang teŋa poɔ. Boma mine ba naŋ maŋ koɔrɔ a dãã poɔ e la dããzie, kooséé, nɛne, dakogri, gbaŋgyaba, bondilaare, wuobo boma, dagakãã, zɛvaare, kale, zommɔ, sēēmaa aneŋ koɔbo boma. A dãã maŋ peeléé la bebeó a te tɔ wagre na neɛ zaa naŋ wa di dãã baare. A dãã zuiŋ noba yaga nɔŋ la Zang yɛlɛ, a lɛ Yong naane, Zang e la eŋmaarõõ tenga bonso ba ba boɔro zɔɔre yɛllɛ, A naa naŋ kaara a Zang zu e la karakyi kpoŋ o youri la Naa Joseph Tungbani, o biŋ la bègri naŋ guuro a nuba zaa ka a lɛ vɛŋ ka a yiri ziŋlaafeɛ gara nimitɔɔre, A naa ŋa e la neɛ naŋ boɔrɔ yiri maalõõ aneŋ yiri baabo ka a lɛ vɛŋ ka ba ko' ó yuori ka Yirimaalanaa.