Yelsangaree Dagaaba Lesiri Poɔ'''

	Toma 

Yelsaŋgarre mine ata naŋ kprɛrɛ Dagaaba lesiri. Yɛ yaane yoo, N teŋɛ deme, Dagaaba saakumine lesiri te naŋ baŋ ane yelsaŋgarre mine naŋ kpɛ a poɔ zenɛ la ka N boɔrɔ ka N gyɛle Wuli ka te nyɛ a faaloŋ bee yelnoore a naŋ taa ko te zennɛ. A yelsaŋgarre ama mine N naŋ boɔrɔ ka N manne ko yɛ la ama naŋ tu taa lɛ, Kŭŭni firigyiri poɔ emo, toratare koɔbo,ane te kultaa maaloo Pampana. A deŋdɛŋ soba, kŭŭni firigyiriŋ emo naŋ e yelsaŋgarra kaŋa Naŋ kpɛ te saakunno poɔ, dakoroŋ saŋa, ba da maŋ deɛ dɛɛle la ba kŭŭ Ka neɛ wa kpi, kyɛ pampana eŋ, yaga zaa maŋ de la ba kŭŭni gaa ne te Eŋ a firigyiri poɔ kyɛ pãã gaa yiri te nare ba menne kyaaare ne a kuori Maaloo bebiri ba na naŋ maale kyɛ ŭŭ a kŭŭ.N teɛre ka ŋaa maŋ soŋ la Ka a kŭŭ bibiiri bee o noba naŋ be ziiri a tõɔ wa nyɛ o kyɛ ka ba de o gaa ŭŭ.

A ayi soba N naŋ boɔrɔ ka te kaa la toratare koɔbo, te zaa baŋɛ ka te Saakumine bee dakoroŋ saŋa, kuuri la ka ba da maŋ de kɔ ne ba weɛ A te tɔ zenɛ ka a yelsaŋgaraa ŋa ba naŋ boɔlo “toratare “koɔbo pãã wa Kpɛ tɛ lesiri poɔ, ŋaa vɛgɛ la ka koɔbo ba bee weɛ /wɛre toma ba lɛ taa tuo yaga a ŋaa dakoroŋ saŋa.

A baara soba N boɔrɔ ka te gyɛle kaa la te kultaa maaloo pampana, Kultaa waa la yelkpoŋ kaŋa te Dagaaba saakumine lesiri poɔ, te Saakumine da maŋ de la libipeɛlaa kyare ne ba poɔgeba, kyɛ zenɛ eŋ , A yelsaŋgaraa naŋ kpɛ la yel kaŋa ba naŋ boɔlɔ ka “wɛɛden”maaloo Nasaale naŋ de waane te paaloŋ poɔ zenɛ, Maa teɛroŋ poɔ eŋ,a Pampana kultaa taa la san-ŋmpɛ yaga a gaŋ te saakumine saŋa, boŋso, A veŋɛ ka noba yaga ba lɛ tõɔno maala ba kultaa yeltare a yi libii naŋ Ba kyɛbe zuiŋ. Yɛ bareka.