Tagemaraa

Tagemaraa waa la yelbiri ŋa naŋ maŋ tage yelbie ayi bee yelŋmaara bee yelgbɔgre ayi laŋ taa yɛlɛ poɔŋ. A maŋ soŋ la ka yelwogri e ŋmaara lɛ naŋ seŋ. Tagemaraa parɛɛ ta la anaare Dagaaba kɔkɔreŋ.

Tagemaraa Parɛɛ

Tagemaraa taa la parɛɛ anaare Dagaaba kɔkɔre poɔŋ. A mine la ama naŋ tu.

Zultaa Tagemarre:

• Ana la tagemarre ama naŋ maŋ nyɔge yelgbɔge sommeŋɛ ne yelgbɔge yieme foɔ-mare taa ka a waa yɛlɛ boŋyeni. Ka fooŋ kaa soŋ, yelgbɔge yieme ne yelgbɔge sommeŋɛ tegroŋ ba seo yaa. Azuiŋ la ka tagemarre na naŋ maŋ nyɔge ana helgbɔgre ama laŋ taa la zultaa tagemarre. Gbɛɛ yaga, a yelgbɔge yieme la maŋ de weɛ ka yelgbɔge sommeŋɛ tu.

Aseŋ;

1. A dɔɔ da feɛbe la a bie bonso a bie da ba gaa sakuuri.
2. Zo gaa Woggu te boɔle fo ma wa ko ma.

Sentaa Tagemaraa:

• Ana la maŋ kpara yelparɛɛ ayi zɛgroŋ bee tegroŋ naŋ seŋ taa bee a yi taa. Aseŋ;

1. A dɔɔ ne o bie la ka ba sɛ a naa yiriŋ.
2. Pɛlee bee ɔŋyɛ na baŋ kyuori la a kyi.

Eronwuluu Tagemarre:

• A tagemaraa ama maŋ wullo la lɛ yelkaŋa naŋ erɛ.

Aseŋ;

1. Ba sakuuri yuoe la, lɛnso ka ba yaaŋ daŋna taa.

2. A polisi nyɔge la a nannyige kaŋa, lɛzuiŋ ba koŋ baŋ la lɛ kyiiri.

Tuuritɔ Tagemaraa:

• Ama maŋkpare la ayiri a kaŋa koŋ baŋ kyɛŋ bare o tɔ. Aseŋ;
• 1. Kparoo ŋa ka fo na su bee onaŋ ka fo na su.
• 2. Bayuo ne o beɛre maŋ gaa la weɛ.