Sensenloo e la yeli kaŋa neɛ naŋ maŋ teɛre a yeli ka no ba kyɛlle ka a baŋ e yeli meŋɛ bee ziriii kyɛ noma ko a kyɛlkyɛlba. Aseŋ ,zɔmenne bata, nu, doŋɔ a ne toori la da gɛrɛ weɛ .Ba gɛrɛ ka taaŋ kpɔlɛɛ la gaŋ a sori poɔ. Ka nu de taanee di. A yeli ka oŋ! Nyɛ taanee naŋ noma. Lɛ la baŋ yeli k aba na do fari la a taaŋkare zaa a tu bogi uuŋ. Walam! Ka nu do la a taaŋaa ,a mii o zegezegezegezege! Ka taama la marimarimari. Ba wuo la a taama zaa lantaa to boŋi uuŋ ka ka bebie ata dare kaba wa uni po.

A bie ayi daare, doŋɛ yoŋ gaa to uni la a taama zaa pap di kyɛ naginaginagi bini paali a o bogi a kaale tɛne pɔge . Zie naŋ nyaa ba yeli k aka ba gaa taama zie. Baŋ gaa,ka nu pakalpakal o naŋ gaara tɛne bara. O banna ka mɔrɔ. O de ka o nyunne ka pompompom! Ka o yeli ka akai! Ka nensaale degree kaŋa ko ba la faaŋ. Ba tole la bambambambam! Ka ba bo ka na pɔ po eŋ la a soba. Ka toori yeli ka neɛ na zaa naŋ la e ba a lɛ , ka a daana na zo lo dɔdɔ lɛŋ ka o seɛ gaa te menemenemene aŋa saari muri. Ba yeli k aba tara die ka doŋɔ ta piili zoro kyaara lɛ lɛŋ ka o siew a ti e venevenevene lɛ aŋa fomini. Lɛ la veŋ ka fo maŋ wa gaŋ ka do wa yeli ka fo toori iri logiri a pɔre ,ka nu ŋmaa va o kyɛ yeli ka ba naŋ da pɔrɔ a pɔre ka yeŋ ka o gaa? N selloo Kaŋkaraamoorɛɛ!