Sango Festival

Sango Festival

Tigiri

Aŋa yitaalombile	cultural event
Piiluu	unknown value
Paaloŋ	Nigeria
Indigenous to	Yoruba people
Located in the administrative territorial entity	Oyo State
Bezie	Nigeria
Coordinate location	7°51′31″N 3°55′56″E
Intangible cultural heritage status	Representative List of the Intangible Cultural Heritage of Humanity

Sango Festival e la yuoni gbuli zaa tigiri Yoruba noba naŋ maŋ di na eŋ Sango, tannoo ane vũũ ŋmene naŋ da e zɔɔzɔɔrɔ ane namine bata soba ko a Oyo Empire o naŋ da wa di Ajaka o beɛre kyɛŋ baare. Oyi State bɔnne leɛpore o la 2013 poɔ ka World Sango Festival, a tigiri gbɛɛ yaga maŋ di la Ɔɔgore poɔ a Alaafin nazaŋo naŋ be Oyo poɔ ane meŋ o maŋ nyɛ la emmo gaŋ paalonne lezare ayi poɔ donɛɛ zaa ŋmaa ŋmene kyigi.

Yelkorɔ

A Sango tigiri diibu na baŋ tu la leɛ gaa yuomo 1,000 naŋ pare a tuuro Sango kũũ, Yoruba òrìṣà yuori kaŋa neɛ noba yaga naŋ ennɛ ka ona la a Oyo noba buli pare.

Sango da e la neŋyuori kpeɛŋaa naŋ e wederɛ ane beremɛ naŋ leɛ Naa ko a Oyo Empire onaŋ wa di o beɛre ba naŋ bo ka o e la "weak ruler" kyɛŋ baare. Sagedeebo wuli ka o wane la zunɔɔ soŋ ko a Oyo Empire o naaŋ wagere, ba de la Sango kũũ tare ne yelseɛlɛ tɛɛtɛɛ. O naaŋ baare la a yi ba-baŋ-ne-a saa nyegeroo naŋ sãã o nazaŋo. Ba yeli ka Sango di la o naaloŋ yuomo ayoɔpõĩ yoŋ a e Naa ko Oyo kyɛ ane o wederoŋ kpeɛŋaa soŋ ŋa tɔ ba sɔre o la ka o e Naa o tɔ naŋ ba nyɛ a Oyo wederebɛ dasaŋa yɛlɛ poɔ. A 2021 tigiri diibu wagere, a Ayabas i.e. Namine pɔgeba da erɛ la tembɛlɛŋ wullo lɛ ba naŋ e kare saa ka o ba wa, saa naŋ da naŋ sãã a lambo saŋa na o naŋ da wa soore nu a Yemoja zie baare ane a Sango soɔ soba. Ane meŋ, ba yeli ka a tigiri maŋ piili ne la Iwure Agba tɛgɛ la wederebɛ puoruu gbɛɛ yaga Sango soɔ soba naŋ maŋ de ne weɛ.

A tigiri tɔna

A yi o leɛporoo 2013 poɔ waana ŋa, a kpaaroŋ gbɛɛ yaga naŋ maŋ e Ɔɔgore poɔ a di ta daagbuli da koɔle gaŋ la 20,000 kaakaareba a donɛɛ zaa wa tuori a poɔ Brazil, Cuba, Trinidad ane Tobago ane a Caribbean. A kpaaroŋ naŋ nyɛ UNESCO emmo, maŋ nare la na soŋ a Yoruba naŋ be paaloŋ yobo yiri waa ane meŋ na di Sango neɛ naŋ nyɛ emmo ka o e la gandakpoŋ a Yoruba buli yelkorɔ eŋɛ.

Lɛ Sango tigiri naŋ maŋ di

A Sango Festival e la bebie 10 kpaaroŋ, naŋ maŋ paale ne butubutu diibu ane nimipɛle yelerre. Puori puoribo ane sããba maŋ be la ba popɛle poɔ. A puori puoribo gbɛɛ yaga maŋ su la bompeɛne bee bomzeere. A yelerre mine naŋ maŋ pore a tigiri diibu zie la: Ayo kyakya, Ogun Ajobo bebiri, Oya bebiri, Aje Oloja bebiri, Iyemoja bebiri, Esin Elejo bebiri ane Sango Oyo bebiri.

Muuli kyɛ meŋ nyɛ

• Tige Nigeria poɔ

Kanne gaa nimitɔɔre

• Karin Barber (1993). I Could Speak Until Tomorrow: Oriki, Women, and the Past in a Yoruba Town. Edinburgh University Press. ISBN 978-0-7486-0287-2.
• Ayobunmi Sosi Sangode (H.L. Iyalosa.) (1996). The Cult of Sango: The Study of Fire : an Anthology. Athelia Henrietta Press. ISBN 978-0-9638787-4-8.
• Rosalind I. J. Hackett (1996). Art and religion in Africa. Cassell P L C. ISBN 978-0-304-33752-1.