Sɛŋebile Yɛrebo Bee Tɛɛbo Kuori Zie

Ziiri mine, Dagaaba laŋkpeobo poɔ ka ba naŋ wa taa kuori, fo maŋ nyɛ la ka ba tɛ bee a yɛre sɛŋe a paalaa zu bee ka ba biŋ o a sɛŋe.ka ba naŋ wa tɛ a sɛŋe ŋa a paalaa zu,ba maŋ deɛle la a kūū gbɛɛ dɔgele a sɛŋe zu a wulo ka soba, ne o mbeɛre mine bee kpeɛmɛ mine naŋ da maŋ Lanna gana a boŋganaa poɔ ka ŋaa eŋ, ka a baare la bonso, ba ne o ba laŋ yelzaa tɛŋe zu. Kyɛ ka ba naŋ wa tɛ a sɛŋekpoŋ na kaŋa ba naŋ maŋ boɔlɔ o dermɔloo lɛ wulo ka makoma la kpi ka ba yeli ka o yaan-mine seɛ o tõɔ ka o the kare bee a ŋmaare. Ka fõõ wa a yaaŋa kaŋa kyɛ ba seɛ a wulo ka for koŋ naŋ seɛ bee a kpɛ o tõɔ neɛ kaŋa makoma kuori zie. A yaan-mine seɛbo na meŋ wulo ka ba ba la taa makoma la o na wuo sɛŋe ko ba.