Pɔg-beɛl Yiele

Pɔgebeɛle yiele mine Dagaaba laŋkpeɛbo poɔ. Pɔgebeɛle yiele e la yiel-noore mine pɔgebeɛlbɛ naŋ maŋ wa beɛle pɔge gɛrɛ ne o sɛre yiri a kyeɛrɛ a dana a pɔge bee serɛ ane o yiri deme. Gbɛɛ yaya a yiele maŋ piile neŋ a pɔge yiri kyɛ te baare ne o serɛ yiri.Gbɛɛ yaga meŋ pɔgebɔ la maŋ erɛ a. Ayi te meŋ peɛroo poɔ, te nyɛ la kɔkɔparɛɛ anaare yiele.

A mine la;

kalebɛɛ, Gyɛrebaalɛɛ, Birifoɔlɛɛ ane Nandɔmɛɛ.

A Yiele Mine Pãã La Ama; 1.N yeŋ bone waala be mane-gaŋene

Kyɛle mɛɛ

N yeŋ bone waala be mane-gaŋene

Gure mɛɛ

Nyaa N yeŋ bone waala be mane-gaŋene

N iri daadaa kyɛ zoro te lo gaŋ a mane

Saamine woo ne koma a nɔvelaa N yi kyene

Mamine woo be koma a nɔvelaa. N yi kyene

Pɔgeyataa woo ne yaŋ mɛ a zorii

N yeŋ bone waala be mane gaŋene

A Ayi Soba

2.Te kyeɛre lantaa wa yaa bie (2X)

Bie tuo n'o Pelee kulo ne

Te kyeɛre lantaa wa yaa bie

Bie saamine kyeɛre lantaa wa yaa bie

Bie tuo n'o Pelee kulo ne

Te kyeɛre lantaa wa yaa bie

Biemamine kyeɛre lantaa wa yaa bie

Bie tuo n'o Pelee kulo ne.....

A Ata Soba

3.K'ɔ wa gaaɛ too kono too

Luana woo

K'ɔ gaaɛ too kono woo

Ziezaa aŋ be

K'ɔ gaaɛ too kono woo

Banyeenɛɛ biiri

K'ɔ gaaɛ too kono woo

Ziezaa aŋ waa lɛ.....

A Anaare Soba

4.Te waana yee te waana (3x)

A waana wa ta koɔla

Woŋ boŋkorɔ nyuuu.

A Nuu Soba

5.Te woŋ yɛ boorɔ yuori

Yieme yaa woŋ yee

A waana n'a di boŋkãã

Yieme yaa woŋ yee

A waana ka kɔbɔŋ dɔglee

Yieme yaa woŋ yee

N yaa yee woŋ yeeyaa.

Ayoɔbo Soba 6. Aŋ daŋ de pɔge (2x)

Daa bɛ loo

Weɛ la ten pãã gɛre bēē

Aŋ daŋ de pɔge

Daa bɛ loo

Dikpeɛlɛ biiri

Aŋ daŋ de pɔge

Daa bɛ loo

Weɛ la ten pãã gɛre bēē.....

Ayoɔpoi Soba 7.Dikpeɛlɛ pɔlbilii woo

Yɛ do peere ka te nyɛ lɛɛ

Ka yɛ oɔŋ wɔɔ pɛle ne te

Te ŋmaara t'n leɛ kuloo.

Anii Soba

8. A Pelee ko togi yee

A Pelee ko tog

K'a Pelee ŋa koŋ yɔɔ pompie

A Pelee ko tongi.

Awai Soba

9.Te koŋ zeŋe teŋɛɛ zeŋe teŋɛɛ

Te koŋ zeŋe teŋɛɛ ka parɛɛ

Wa mɔge naaini nyuuroo.