Mããvaare

Mããvaare e la zevaare mine kaŋa naŋ be te Dagapaaloŋ. A e la vaare ba naŋ maŋ de maale bee doge ne bondirii/sēēmãã. A vaare ama maŋ be la a meŋ teere zu ba naŋ maŋ boɔlo ka mããdaare. A maadaare zu la ka ba maŋ nyɛ a vaare ama yi neŋ. A vaare, ba maŋ de a la doge ne zeɛre. Gbɛɛ yaga Daga pɔgeba la maŋ eraa, ba maŋ baŋ e a la kpɛ neŋ daa te kɔɔre. A daare, anaŋ la ka ba maŋ de doge ne Daa bonso a daare maŋ taa la voɔloŋ kaŋa naŋ maŋ soŋ ka a dãã toɔ e velaa.

Gbɛɛ yaga tampuo zu la ka ba maŋ bore a mããvaare ama ka seɛŋ wa kpɛ. A meŋ maŋ pu la a e bee woɔŋ woma, a woma na la ka ba boɔlo saaloŋ. A vaare ane a woma zaa la ka dagapɔgeba maŋ de doge bee maale neŋ ba bondiiri ko ba serebɛ ane ba biiri ka ba di kyɛ gaŋ bee toŋ ba toma. A boma e la boma naŋ taa zeeŋ ka neɛ di a. Dagapaaloŋ yoŋ naane ka mããvaare be, neɛ naŋ baŋ nyɛ a la zie zaa, ka o soba kpɛ daa poɔ.

Mããvaare Koɔbo Zie

Mããvaare ba taa koɔbo zie, anaŋ baŋ baa la zie zaa ka neɛ bore a, ka zie meŋ wa veɛlɛ meŋ a meŋ ma baa la velaa kyɛ gbɛɛ yaga Dagapaaloŋ tampuo bee baa poɔ la ka ba maŋ bore a Mããvaare ama bonso a maŋ boɔrɛ la koɔ yaga ka a de maale neŋ. dagayiriŋ poɔ pɔgeba maŋ bore a la ba tanpuoɛ zure ka a peɛle ba ka ba gbɛnɛ maala neŋ ba bondirii koro ba biiri ane ba serebɛ ka dire kyɛ tona ba toma ka a yire tɔnɔ koro ba.

Mine meŋ maŋ bore a la ba weɛre poɔŋ ka a meŋ maale.

Mããvaare Tɔna

Mããvaare taa la tɔna yaga ko nensaala zaa naŋ be a teŋɛ zu kyɛ, bonso Mããvaare tere la zeeŋ ka di a bee maale neŋ bondirii ko o noba. A maŋ soŋ la ka noba taa kpeɛŋ bee faŋa ba toma poɔ. Ba meŋ maŋ de la a daare doge ne dãã. A wonne meŋ ma baŋ maale la bondirii kyɛ meŋ baŋ kpɛ neŋ daa.

A meŋ naŋ baŋ beŋ la, kyɛ a bemmo naŋ poɔ see ka o soba deɛle ka a kó sere ka a baŋ beŋ. A naŋ baŋ beŋ te la yuoni gbuli kyɛ ba saaŋ. A woma meŋ lɛ meŋ ne o zu la ko a.