Lige Kpeɛbo

LIGE KPEƐBO

pɔgekpoŋ la ka Dagaaba maŋ lige. Ka pɔge kpoŋ beɛrɛ ka biiri ba  la baŋ na o tɛge baara ba na baŋ gaa yeli ko la a saayideme ka ba wa nyɛ. Bone na ba naŋ ligre la ka ba maŋ de. Nɔsɔglaa ane kɔɔre ayi e la saanaa boma ka banaŋ wa toɔ yeli ko a saayideme kyɛ ka o kpi. Noba bayi la maŋ dɔɔ kyɛ ka a noɔ be ba sɔgɔ poɔ. Kaŋa zaa na maŋ voɔ la a noɔ zu kɔɔloŋ gbɛre bonaare kyɛ ka kaŋa de a noɔ gɔlle ne a die gbɛre bonaane kyɛ saana wa vo ko. A pɔge diganaa poɔ la ka a yɛlɛ maŋ toŋ. Ka a kuu ma dɔgraa naŋ wa bebe, ba ba kpeɛrɛ die tona a toma bonso a kuu naŋ ba taa die. Ba maŋ kyeɛ la a kuu seŋ a kpɛ toŋ ne a toma. Apuoriŋ ba maŋ la yi te tiili la a sɛŋ kyeɛ na ba naŋ kyeɛ a paalaa poɔ. A ma puoriŋ ka ba paa nyege a sɛŋ.