Lɛ K'o Waa - Dagaare Poem

Lɛ K'o Waa E la Dagaare yelwiira kaŋa Bob Dery na sɛge.

LԐ K’O WAA

Lɛ la k’o waa

Lɛ k’o waa, yaa

Lɛ k’o waa;

Andonɛɛ,

Lɛ k’o waa

Kyɛ kom boɔlɔ

K’o lɛrɛ lɛntɛre.

Pɔɔpore pɔntere,

Ba buli kɔɔloŋ;

Gbɛreŋ meŋ seɛ;

O naŋ ba buli nyene;

Kyɛ ka n erɛ

K’o lɛrɛ lɛntɛre.

Lɛ la k’o waa

Lɛ k’o waa, yaa

Lɛ k’o waa;

Andonɛɛ,

Lɛ k’o waa

Kyɛ kam boɔlɔ

K’o lɛrɛ lɛntɛre.

Pɔɔpore berkpulo

Ba noɔ meŋ,

Pɔɔbil nyamaan Kyɛre bare

k’o naŋ yoɔrɔ sɛre,

Ona kam bɔglɔ

K’o helle baare.

Lɛ la k’o waa

Lɛ k’o waa, yaa

Lɛ k’o waa;

Andonɛɛ

Lɛ k’o waa Kyɛ kom boɔlɔ

K’o helle baare.

Pɔɔpore koŋ baŋ seɛ,

Seɛ yuoro koŋ zo vi;

Pɔɔbilparkpoliŋ seɛ,

Seɛ ka nyuu gɔnnɔ,

Kyɛ ka N koro,

K’o teɛrɛ ma.

Lɛ la k’o waa

Lɛ k’o waa, yaa

Lɛ k’o waa;Andonɛɛ,

Lɛ k’o waa

Kyɛ ka N koro,

K’o lɛrɛ teɛrɛ ma.

Pɔɔpore kom pɔge olo,

E k’o zenɛ,

Biŋ noba saa.

K’ɔ lɔɔrɔ nyuuri;

Ona k’ɔ yeliK’o maal zeŋ;

K’o gbelle.

Lɛ la k’o waa Lɛ k’o waa,

yaaLɛ k’o waa;Andonɛɛ,

Lɛ k’o waaKyɛ N wullo,

K’o gbelle.

Mɔŋ ŋmaa warma ma;

Nyaanyoo tuoro,

Koŋ tuo busel,

Laabildoglɔ;

Viir ka vorkporo;

Kɔre ka marwara;

Kyɛ ba taa wuluu.

Lɛ la k’o waa

Lɛ k’o waa, yaa

Lɛ k’o waa;Andonɛɛ,

Lɛ k’o waa

Kyɛ ka N goɔrɔ,

K’o toora ma.