Kyilluu mine naŋ kyaare e ba komaale

Kyilluu mine naŋ kyaare komaale la ŋmaadaa naŋ da eŋ o teere duobu koroŋ ka o dɛmɛ Naabo pãã bore, kyɛ te zenɛ kuori yeltuuri yaga zie la kyili.

N boɔra ka n yeli yɛlɛ fēē kyaare ne kyiluu mine naŋ kpɛ Dagaaba komaale poɔ. A kyiluu ŋa  waa ŋa naabini vūū, ka teneŋ ba wa kyɛlle, a naŋ faa la te lesiri zaa naŋ kyaare te komaale. A kyiluu na mine la ama  ka N sigiri ka n te manne ko yɛ.

Kyilluu mine

A dɛndɛŋ soba la Dagaaba kūūne naŋ leɛ kpeɛre kɔmaaroŋ poɔ. Neɛ da maŋ kpi la ka ba koŋ o a pateɛloŋ na ka ba enne maa kyɛ ka pampana ŋa ka neɛ maŋ nyɛ kpaare a te kpi yiri kyɛ naŋ maŋ gaa te kpɛ kɔmaaroŋ. A yɛlɛ ama piili la aŋa deɛne kyɛ pampana o ɔŋo la uuro, ka foo ba a eŋ fo kuori koŋ nyɛ kono. Wola ka nembatone meŋ pãã naŋ  e  a  bare wɔɔdaa bini.

A yiiluŋ soba meŋ la bonzēēre ane bonsɔgle su beenɛ koyeŋeŋ. Dagaaba kuori da maŋ waa la moore ko taa zie. Ka bonsuure zaa ba maŋ kyiiri, ka

ba mine gba da maŋ yɛre gama a kuori zie kyɛ pampana kuori leɛ la yɛroŋ bone ka neɛ maŋ lanne wa kpi o nembaal kūū, ka Dagaaba de maale biŋ kyɛ eŋ daa ka noba ŋmaa yaayi zēēre ane sɔgla sɛ. A maŋ nyɔge taa a  kuori bebiri  ka bonzēēre ane bonsɔglɔ yoŋ la pale a zie zaa, wola ka a kuori na la e koŋ? .Ka baala maŋ ta be, ka ba yeli ka o zeŋ ka ba wa. Ka o zeŋ meŋ o naŋ nyeree nyemɛ be, a ba woŋi yɛɛ. Te saakommine naa leɛ puori wa nyɛ nõɔ. A yeli nimizer kaŋa meŋ la bo

ndi -kãã diibu. Pampana kuori naŋ leɛ ennɛ daa bompaalba sɛrɛ boŋ la lɛ kyɛre, ka bondidi ne naane, ka ba maŋ dɛle kūū bare ka o zeŋ o yoŋ kyɛ ka ba kyiŋkyine bondirii ane dãã eŋe .Mine maŋ di la a te vore faana kyɛ naŋ kono kɔŋ. Pampana kuori ka fo kparoo ba wa ta ona, kyɛ ka fo gaa fo yuori la we.

A yɛlɛ kaŋa meŋ la kuori zie mesa maale. Pampana puori saŋgerre naŋ pore vɛŋɛɛ la ka kuori zie, puori puori yɛlɛ maaleŋ dire vūū. Ko waamana eŋ koŋ la baŋ koŋi kuori a wuli ba dɔgroŋ. Ama zaa naŋ paa erɛ, wola ka baalpaalba zuri pãã naŋ nyiile ka ba zanne kuori yeltuuri ka a tori.