KO-WOƆ

KO-WOƆ e la woɔ kaŋa bale ɡbɛɛ yaŋa doŋa ɡane ba na maŋ nɔɡe a ɡɛrɛ ne koe a Daɡapaaloŋ poɔ. A tatenne kɔɔre anuu naŋ ba yire taa , kyɛ ka lɛnaane eŋ dɔba eŋ la maŋ yɛrɛ ana woɔ balaa na. Anaŋ so ka ba mine boɔlɔ pɔɡeba koŋ-yɛre-woɔ . A ana woɔ ŋa maŋ baŋ e la boɔ, diebie bee ŋmaa woɔ. Kyɛ fo vo-araa la na wuli woɔ na a naŋ seŋ ka fo yɛre bonso ka fooŋ bɛle fo meŋɛ a yɛre woɔ kaŋa fo naŋ ba ta o yɛroo ka neɛ kaŋa wa de a woɔ na boma mine ko fo, fo koŋ toɔ a taa. Azuiŋ kuori bone la kyɛ a mine ba e yɛrɛɛ lɛ bone a ɡaŋe a zaa a diebie woɔ na.Azuiŋ meŋ te pãã taa la wosɔɡelaa ane wopelaa . Aŋa a yoe meŋ naŋ di lɛ , a bone pelaa na eŋ ba taa yeli kyɛ a bone sɔɡelaa na eŋ, ba taa taao toɡitoɡitoɡi.