Kūū Deɛlebo Tɛge Dagaareŋ

Dagaaba taa la kūū deɛlebo parɛɛ ayi ka Ana la; dɔɔ deɛlebo ne pɔge deɛlebo. Ka kūū wa ko a yiri poɔ ba maŋ taa la mannoo kaŋa naŋ wuli ka ba deɛle a kūū ŋa. N na piili ne la a dɔɔ. Ka dɔɔ kpi ba maŋ deɛle o la kyaare a sapareŋ bee samuni seŋ a wulo ka dɔɔ la va o vaara bee a tu sori bee a kpi. A lɛ ŋa tɛge la ka dɔɔ zaa naŋ vaara ire o bonganaa bee sɛŋe poɔ see ka o tu weɛ sori ka ŋmenaa ta puri pɔge o a yiri poɔ. Dɔɔ zaa naŋ e koɔraa see ka o gaa weɛ kyɛ ka ŋmenaa puri. A yeli ŋa eebo la so ka dɔɔ maŋ wa kpi ka ba deɛle o soba a sapareŋ. A yi a lɛ ŋa puoriŋ, ka pɔge wa kpi, ba maŋ deɛle o la a luo seŋ ka a wulo ka zie mããna la ka a seŋ ka o iri a weɛ poɔ o naŋ gaa ne kõɔ ne bondirii te ko o serɛ ka see ka o leɛ kuli wieõu a te buli kõɔ kolaa poɔ ka zie ta sõɔ o kyɛ ka o tõɔ na maale diibo biŋ a serɛ. A ŋaa eebo meŋ la vɛŋ ka ba maŋ deɛle pɔge o luo see ka o naŋ kpi.